Xornada de educación vial

Carlos Ferreiro González, Viana do Bolo. Nesta mañá do 12 de maio, fomos visitados no centro por David LLorente, Xefe Provincial da Dirección Xeral de Tráfico de Ourense, e por Sinda Aguiar, coordinadora de Educación Vial. Ambos ofreceron sendas charlas para o alumnado de 4º de ESO e 1º de Bacharelato, e para os estudantes de 3º da ESO, acerca das novidades e cambios dos diferentes permisos de circulación. Para os nosos rapaces e rapazas, o máis salientable é o feito de que xa aos 15 anos poden obter o permiso de ciclomotor, e con 16 o de motocicletas ata 125 cc., que implica, ademais, a validación do examen teórico para a posterior obtención do permiso B, que autoriza a conducir turismos.

David Llorente nun momento da charla de 4º ESO e 1º BAC

E se dereito implica desde logo, novas responsabilidades legais e económicas, e por suposto, desde a DGT, Sinda e David incidiron especialmente na perigosidade do consumo do alcol ao volante e na precaución cos peóns, sobre todo, en estradas rurais mal alumeadas. Agardecemos, polo tanto, a presenza xa por séptimo ano consecutivo, dos técnicos de tráfico que fan esta labor educativa indispensable.