revista dixital O CHOUPIN

Conferencia sobre mediación escolar

2012-02-13T23:03:00.002+01:00

Na tarde do 13 de febreiro o IES Carlos Casares de Viana impartiu unha conferencia sobre mediación escolar e educación para a convivencia, no salón de actos do Colexio Divino Maestro de Ourense, organizada pola Asociación de Pais e Nais dese centro educativo. Carmen Carballo, presidenta da ANPA do instituto cando comezou a andar a mediación en Viana, contou a importancia de que as familias se impliquen neste proceso. Luis Fernández, amosou un posible camiño para introducir esta forma de resolución pacífica de conflitos nun centro escolar.

O centro privado concertado Divino Maestro, que imparte primaria e secundaria, está a traballar activamente na convivencia e amosou o seu interese coa participación activa na charla do alumnado, profesorado, familias e o equipo directivo do centro.

O mellor é a prevención

2012-02-13T20:10:00.001+01:00

No día de hoxe, 13 de febreiro, tivemos a presenza durante a tarde de Víctor e Fernando, membros da Garda Civil de A Rúa e O Barco de Valdeorras respectivamente, para impartir unhas charlas sobre “Os perigos no uso de Internet” para 1º e 2º de ESO, e “Prevención do consumo de drogas e alcohol”, paras 3º , 4º e familias. Víctor sensibilizou aos rapaces acerca dos perigos de estafas, chantaxes, e mesmo delitos contra a súa integridade física, se non se gardan unhas mínimas precaucións: non facilitar datos persoais,bancarios ou telefónicos, nunca quedar citado con estranos, etc.

Fernando insistiu no seu turno na importancia das familias na prevención do consumo de alcohol e drogas, na que a Garda Civil e a Policía precisan do apoio do resto da sociedade, xa que a denuncia non é o único instrumento para rematar co problema. É necesario comprender o drama de saúde pública, conflictos familiares, accidentes de tráfico, que son consecuencia directa desa dependencia de substancias tó xicas. Ambos invitados deixaron aberta a posibilidade de repetir estas sesións para a gran maioría dos pais e nais, no mes de maio. Agradecemos, pois, como sempre a colaboración dos Corpos e Forzas de Seguridade do Estado co noso centro, cunha finalidade común de cambiar hábitos a través da educación.

O pobo saharahuí en Viana

2012-02-11T11:42:00.003+01:00

Carlos Ferreiro. Hoxe 10 de febreiro, acompañaronnos durante a mañá a Presidenta da Asociación Galega de Solidaridade co Pobo Saharauí, Maite Isla, e Ahmed Mojtar, Delegado en Galicia do Goberno da República Árabe Saharauí Democrática. Nunha charla dirixida ao alumnado de 4º da ESO e Bacharelato, Ahmed explicounos os desgrazados avatares do seu pobo, tras o abandono por parte de España en novembro de 1975, da que fora a provincia número 53 do noso territorio.

Tras a invasión militar por parte de Marrocos, actualmente o pobo saharauí atópase nun limbo legal, que trae como consecuencia a existencia dun muro de 2800 km de longo que divide familias e amigos, e que produce, na zona controlada por Marrocos, todo tipo de restriccións nas libertades e a violación sistemática dos dereitos humanos. Mentres, o pobo saharauí agarda, como nos confesou Ahmed, asistidos pola razón e a xustiza, o cumprimento da Resolución da ONU que insta a un referendeum de autodeterminación. Grazas a Ahmed e Maite polo seu testemuño, e por facer que esta causa non caia no esquecemento.

Théâtre Ourense

2012-02-11T11:36:00.003+01:00

Betty Nieves. O alumnado de Francés de 3º E.S.O., 4º E.S.O. e 1º BACH foron o día 8 de febreiro a Ourense ver unha representación teatral titulada "Cyrano de Bergerac", íntegramente en lingua francesa.

Ollando ao futuro

2012-02-09T19:27:00.001+01:00

Abriu a III Semana da Orientación con intersantes conferencias e talleres prácticos

Ovidio Villar Marcos, Viana do Bolo. Vén de inaugurarse a III Semana da Orientación no IES Carlos Casares de Viana do Bolo (Ourense). Logo de dúas edicións desta cita xa consolidada, esta terceira edición contou coa presencia das universidades máis próximas a Viana, dos ciclos formativos máis demandados e de diversas opinións sobre a vida logo da etapa secundaria e o futuro, que non son senón froito da experiencia dos e das poñentes.

Congreso de Voluntariado

2012-02-08T00:37:00.000+01:00

O pasado fin de semana, no albergue de Quiroga (Lugo), tivo lugar o I Curso de Voluntariado, organizado polo IES Carlos Casares de Viana do Bolo. Participaron unha decena de alumnos e alumnas do instituto implicados nos programas de colaboración coa biblioteca, cooperación con Bolivia e educación para o desenvolvemento, auditoría ambiental e mantemento do blogue. A sesión foi unha oportunidade para que todos e todas reflexionasen sobre as características mellores que debe ter un voluntario ou voluntaria e para repartir unha serie de tarefas no voluntariado do IES Carlos Casares, recoñecida como entidade de voluntariado pola Xunta de Galicia. A película "Cadena de favores" iniciou o fin de semana.

Clic aquí para ver a galería de imaxes completa

O curso foi impartido por Judtih González Gamallo, educadora social e voluntaria do centro desde 2008, e polos profesores Carlos Ferreiro González, Federico Méndez Sanz e Luis Fernández López. O curso tiña sido preparado pola outra gran amiga voluntaria Ana María García Fernández, que esta vez non puido estar, e que lembramos cariñosamente na formación.

Contratos Programa

2012-02-02T12:45:00.001+01:00

O pasado 31 de xaneiro o director do centro, Luis Fernández, asinou en Ourense o contrato programa coa Consellería de Cultura e Educación, nun acto presidido polo consellerio Jesús Vázquez Abad. Este contrato asínase en base a un proxecto presentado no seu día polo IES Carlos Casares de Viana con dous obxectivos: atender ao alumnado con máis dificultades co programa PROA e atender ao alumnado con bos resultados académicos para acadar a excelencia, a través do programa Quero maís, que será desenvolvido por profesorado voluntario do instituto.

Programa do IES

Prensa (laregion.es)

Maquetas en Tecnoloxía

2012-02-02T10:43:00.001+01:00

José M. Pérez. Os alumnos de 3ºB están traballando no deseño e construcción dunhas maquetas que recollen os distintos tipos de presas que existen e que se atopan nas nosas proximidades. Xunto con esta actividade, a unidade didáctica abrangue a aproximación á enerxía hidroeléctrica e os seus aspectos e a visita concertada con Endesa, empresa colaboradora do noso instituto, ás instalacións de Pías-San Agustín.

Lucía, Paula, Alicia, Marta e Fátima co seu proxecto

David, Marcos, Aarón e Miguel, xunto ao proxecto que comparten con Javier, ausente hoxe

Victoria, Noemí, Andrés, Natalia e Nerea co seu proxecto

Proxecto de Bruno, Daniel, Damián, Roberto e Víctor

Día da Paz

2012-01-31T02:00:00.002+01:00

Ver galería completa do día

Carlos Ferreiro, Viana do Bolo. Nesta xornada do 30 de decembro, en conmemoración do Día da Paz recibimos no IES Carlos Casares a visita de varios alumnos de Xinzo de Limia, que nos viñeron a dar testemuño da experiencia da inmigración, a adaptación á vida noutro país, co seu enriquecemento e tamén as dificultades da viaxe, e por suposto nos falaron da súa cultura, costumes, gastronomía, etc. Os nosos convidados foron Randy Trinidad Díaz (EPA), Ayoub Nagihi (3º ESO), Abdenabi Erraihani (PCPI electrónica), Khadija Bechiki (PCPI cociña), Fatima Ezzahara Aboufaris (4º ESO). Todos eles foron coordinados por Xosé e Conchi, educadores sociais do Concello de Xinzo de Limia. A Paz non é posible sen a convivencia, e esta vai moito máis alá da chamada “tolerancia”. É preciso o desexo de coñecer ao diferente, desfrutar das súas aportacións a nosa vida, a partir da idea de que as mínimas diferencias entre os seres humanos son irrelevantes ao lado de todo o que nos une. Asistiron á charla todas as alumnas e alumnos da ESO e o debate foi áxil e moi participativo.

Xa pola tarde o grupo de teatro Talía, dirixido por María del Carmen Varela representou para todo o centro na Casa da Cultura a obra O xeneral e as bombas , alegato contra o sinsentido de todas as guerras, e para rematar, un macrogrupo de 58 alumnas e alumnos, coordinados polo profesor Pablo Cuervo, de Educación Física representou unha coreografía a partires dun tema orixinal de Michael Jackson. Foi, polo tanto, un excelente fin de festa para un dos días máis especiais do ano no noso instituto. Grazas a toda a comunidade educativo por ternos apoiado e participado.

A nova en "lavozdegalicia.es"

8.12 FM

2012-01-30T12:27:00.001+01:00

Convocado premio internacional de Fotografía Matemática

Bases en CASTELLANO
se recomienda descargar la imagen
para mejor visualización

Bases en GALEGO
recoméndase descargar a imaxe
para unha mellor visualización

Punto de acceso a Internet

2012-01-29T23:53:00.001+01:00

Ovidio Villar, Viana do Bolo. Dende este curso, o IES Carlos Casares de Viana ofrece a todos os membros da comunidade educativa un punto de acceso rápido a Iternet. Dende este ordenador é posible acceder á información na rede, correo electrónico, crear e editar todo tipo de documentos e mesmo imprimilos. Este equipo, situado no corredor contiguo á entrada principal, é unha parte máis da dinamización das TIC no centro.

Con dereitos dende o comezo

2012-01-25T12:52:00.001+01:00

Imaxe de Plácido B. Bembibre
clic sobre ela para ampliar

O IES Carlos Casares de Viana do Bolo vén de participar na organización da SAME (semana de acción mundial pola educación), a través dun dos membros do equipo directivo. O encontro, celebrado en Madrid, tivo lugar baixo a idea de que a educación de calidade debe ter lugar na primeira etapa da vida.

Ver noticia completa en BermejoViana

CROSS DE TINTORES

2012-01-25T12:37:00.004+01:00

O pasado venres, 17 de xaneiro, celebreuse en Tintores (Verín) a fase comarcal de campo a través, onde o noso alumnado quedou clasificado en segundo posto nas categorías infantil masculino e cadete masculino. Na primera categoría, Juan Bembibre obtivo o ouro. Na categoría de cadete feminino, Nerea Pérez e Noemí Ortiz clasificáronse para a fase provincial e na categoría cadete masculino Adrián Anta obtivo o ouro e Marcos García o bronce. Así mesmo clasificouse tamén Bruno López para a fase provincial. O profesor de educación física xunto co demáis profesorado do centro dálle os parabéns ós mesmos e anímaos a seguir entrenando de cara a mellorar ou amosar resultados similares no seguinte campionato.

III Semana da Orientación

2012-01-25T12:18:00.006+01:00

Terceira edición dunha cita xa consolidada

Ovidio Villar, Viana do Bolo. Non se lerá o futuro, pero aconsellarase para poder escribilo ao gusto; 6 e 7 de febreiro, e xornadas en abril e maio, no Carlos Casares de Viana do Bolo.

Ver programa completo

III Certame de Conto Matemático

2012-01-23T20:49:00.000+01:00

O Departamento de Matemáticas do Carlos Casares de Viana vén de convocar a terceira edición deste consolidado certame

Logo de dúas fenomenais edicións, cargadas de números e de boa literatura, sae unha nova convocatoria do Certame de Conto Matemático IES Carlos Casares. O alumnado do instituto vianés pode gañar un lector de libros dixitais sen máis que compoñer unha historia que dalgún xeito faga referencia ás matemáticas. Pódense consultar as bases facendo clic no seguinte vínculo:

III Certame de Conto Matemático IES Carlos Casares (bases)

Agradecemento ao voluntariado do Carlos Casares

2012-01-17T20:19:00.000+01:00

Arcil Arroyo, director da UE T. Rondales

A UE Timoteo Rondales de Bermejo vén de manifestar, a través do seu director Arcil Arroyo, palabras de agradecemento e bo ánimo á comunidade educativa do Carlos Casares de Viana do Bolo logo da venda de case 70 exemplares de "En el envés de la luna".

Ler o manifesto

"En el envés de la Luna"

2012-01-14T20:27:00.003+01:00

Voluntiarias e voluntarios da Biblioteca do IES Carlos Casares de Viana do Bolo na feira do 13. Todo por unha boa causa. A temperatura, -2ºC, non foi obstáculo para a venda de exemplares do libro "En el envés de la Luna".

Foron moitas as persoas que se interesaron por esta iniciativa

Accede a toda a información aquí.

Na capital

2012-01-14T20:09:00.004+01:00

Tres futuros enxeñeiros estudando en Madrid, máis outro que alá estudou; tres titorandos e o seu titor na etapa 2005-2011; un feliz encontro na capital de España entre Adrián, Javier, Pablo e Jose para charlar sobre as dificultades destas carreiras.

De esquerda a dereita: Jose, Adrián, Javier e Pablo

Premio ao esforzo e á superación persoal

2012-01-09T23:35:00.004+01:00

O Director Xeral de Educación da Xunta de Galicia ten comunicado ao instituto que Iván Borges Rodríguez, alumno de 1º de Bacharelato do IES Carlos Casares de Viana ten acadado o premio extraordinario de educación secundaria ao esforzo e superación persoal do ano 2011. O premio xa foi publicado no Diario Oficial de Galicia e será entregado en datas próximas.

O instituto felicitou por carta á familia de Iván. O centro quere destacar a gran valía de Iván, merecedor do premio e a súa implicación na vida do instituto a través do voluntariado. Noraboa.

Iván (cuarto pola esquerda) logo de recibir as felicitacións do equipo docente e compañeir@s

Un ERASMUS vianés no Carlos Casares

2012-01-09T18:44:00.002+01:00

No primeiro día de clase de 2012 tivemos unha grata visita. Un antigo aluno do centro, Jorge López Carracedo, estivo co alumnado de 3º de ESO B falando dos incendios forestais, das súas causas e das consecuencias que teñen para a economía, o medio natural, a paisaxe e as vidas humanas de bisbarras tan afectadas como a nosa, que o pasado outono estivo fortemente castigadas por incendios, a maioría orixinados por humanos que practican condutas bastante alonxadas da intelixencia que debería de caracterizar á nosa especie. O alumnado fixo diferentes preguntas e, neste mesmo curso, realizará diferentes actividades coa axuda deste vianés, actualmente alumno da Universidade de Brno (Chequia).

Jorge López foi aluno do IES Carlos Casares de Viana do Bolo. Xustamente en 3º de ESO, alá polo ano 2001, gañou o Primeiro Premio de Investigación Científica para Escolares da Casa das Ciencias de A Coruña, pola investigación sobre os motivos que levaban a que o pan bendito na festa do Pai Eterno de Quintela de Humoso (Viana do Bolo) non se estragase. Estuda Enxeñaría de Montes no campus de Lugo da Universidade de Santiago de Compostela, estudos que remata ahora en Chequía cunha bolsa ERASMUS.

Festival de Nadal 2011

2012-01-02T23:04:00.001+01:00

Un lobo moi especial
Galería de imaxes (J. Fouz)

María C. Varela, Viana do Bolo. O 21 de Decembro do 2011 celebrouse o Festival de Nadal do IES Carlos Casares de Viana do Bolo, na Casa da Cultura da mesma localidade. Comezamos ás 11:30 horas coa obra titulada COMUNICADOS?, representada por alumnos de 2º da ESO (Tania, Ana Martínez, Ana Alonso, Ana Mancebo, Vanessa Ballesteros, Laura e Noelia). Mellorou a nosa vida co uso dos teléfonos? Acercounos a teléfonía móbil máis ós nosos?

Na obra A outra Carapuchiña vermella, representada por alumnos de 2º da ESO (Tania, Noemí, Rebeca, Laura, Óscar, Ana Alonso Vanessa, Ana Mancebo, Alberto, Rebeca, e Noelia) fixéronnos dubidar de que o conto que nos contaron os nosos pais fora verdade.

Ás doce do mediodía fixemos o sorteo das dúas cestas de Nadal e os agraciados foron dous familiares dos rapaces que venderon as rifas: Concepción Asencio, nai de Alberto Borrajo, de 2º da ESO, e Kin, familiar de Nuria Basteiro, de 4º ESO. Grazas a todos os que participaron comprando a súa rifa. Invertiremos os cartos no Grupo de Teatro.

Rematamos coa obra titulada Érase unha vez ó Nadal, representada por alumnos de 1º e 2º da ESO. Foron un total de 32 alumnos, nomealos a todos sería unha longa lista. A todos eles, aínda que non os nomeo aquí, quero dicirlles que o fixeron moi ben, que son unhas grandes persoas e uns mellores artistas. Espero que o Ano Novo vos traia moitas cousas boas.FESTIVAL DE NADAL 2011

O 21 de Decembro do 2011 celebrouse o Festival de Nadal do IES Carlos Casares de Viana do Bolo, na Casa da Cultura da mesma localidade. Comezamos ás 11:30 horas coa obra titulada COMUNICADOS?, representada por alumnos de 2º da ESO (Tania, Ana Martínez, Ana Alonso, Ana Mancebo, Vanessa Ballesteros, Laura e Noelia). Mellorou a nosa vida co uso dos teléfonos? Acercounos a teléfonía móbil máis ós nosos?

Na obra A outra Carapuchiña vermella, representada por alumnos de 2º da ESO (Tania, Noemí, Rebeca, Laura, Óscar, Ana Alonso Vanessa, Ana Mancebo, Alberto, Rebeca, e Noelia) fixéronnos dubidar de que o conto que nos contaron os nosos pais fora verdade.

Ás doce do mediodía fixemos o sorteo das dúas cestas de Nadal e os agraciados foron dous familiares dos rapaces que venderon as rifas: Concepción Asencio, nai de Alberto Borrajo, de 2º da ESO, e Kin, familiar de Nuria Basteiro, de 4º ESO. Grazas a todos os que participaron comprando a súa rifa. Invertiremos os cartos no Grupo de Teatro.

Gañadoras e gañadores das cestas de Nadal sorteadas

2011-12-31T20:42:00.002+01:00

Clubes de Lectura

2011-12-31T20:21:00.000+01:00

A Xunta de Galicia resolveu as axudas a Clubes de Lectura. O CL O Gato Samuel contará cunha axuda de 900 euros para as súas actividades de fomento do hábito lector no IES Carlos Casares de Viana do Bolo.

CME Galicia 2011

2011-12-31T20:14:00.004+01:00

Unha felicitación especial

2011-12-21T22:55:00.001+01:00

O ministro de Educación, Profesor Angel Gabilondo Pujol, horas antes do seu cese como parte do goberno ten enviado unha agarimosa felicitación a toda a comunidade educativa do IES Carlos Casares de Viana do Bolo, agradecendo o traballo e as convicións da nosa comunidade en prol da educación.

(Clic sobre a imaxe para ampliala)

Entrega do premio BBVA en Madrid

2011-12-21T22:35:00.001+01:00

Vén de facerse efectiva a entrega, por parte do BBVA, do premio de 30 000 € para favorecer o desenvolvemento da UE Timoteo Rondales e toda a comunidade de Bermejo.

Ler máis...

Festival de Nadal

2011-12-21T13:33:00.001+01:00

Ovidio Villar, Viana do Bolo. Mañá intensa no IES Carlos Casares de Viana do Bolo. Primeiro prato, a final do torneo de futbiño. Goles de excelente factura, paradas de infarto, igualdade absoluta e FairPlay con maiúsulas. Ao final, decidiron os sempre inxustos penaltis.

Paco executa un lanzamento ante a atenta mirada Sara, que agarda o rexeite

A mañá foi avanzando ao tempo que a Casa da Cultura se ía enchendo de xente. O grupo de teatro Talía (IES Carlos Casares) amosounos a súa versión da Carrapuchiña Vermella e desexounos un feliz 2012 dunha forma sinxelamente emocionante.

O grupo Talía, sobre a tarima, coma peixes na auga

Entre actos, fíxose o sorteo das cestas de Nadal, estando unha das agraciadas entre o público asistente. Boa forma de comezar as festas.

Torneo de futbiño

2011-12-20T12:23:00.001+01:00

O mellor remedio para combater o frío

No patio do IES e no Pavillón Municipal de Viana. Onte e hoxe. Futbiño de calidade. Equipos mixtos alumnado-profesorado. E mañá a gran final!!!

Clic aquí para acceder á galería de imaxes

Congreso Estatal de Convivencia Escolar e Jaén

2011-12-19T18:36:00.002+01:00

Luis Crende e Carlos Ferreiro, profesores do IES Carlos Casares tivemos a fortuna de poder representar ao noso centro no Congreso Estatal de Convivencia Escolar, que se celebra en Jaén os días 15, 16 e 17 de decembro. Neste Congreso estanse a debater e presentar experiencias de toda España con respecto a temáticas como a Educación para a Paz, a Cooperación para o Desenvolvemento, a Mediación Escolar, o Voluntariado, etc. A nosa aportación consiste nunha comunicación que figurará nas Actas do Congreso titulada "La senda de la convivencia del IES Carlos Casares", asinada polos catro membros do actual equipo directivo, que recollen ademais o sentir, o esforzo e o traballo de moitos compañeiros do instituto actuais e pasados. Todos estades pois, representados en Jaén.

L. Crende e C. Ferreiro con Manuel Dios, Presidente do Seminario Galego de Educación pola Paz

Link a "A senda da convivencia", documento presentado en Jaén.

Codesenvolvemento en Burgos

2011-12-19T13:15:00.000+01:00

Novas dende Burgos, onde Luis Fernández, Director do IES Carlos Casares de Viana do Bolo, participou no "Encuentro Transnacional de Codesarrollo" compartindo o proxecto levado a cabo coa escola irmanada con este IES, a UE Timoteo Rondales de Bermejo SC, Bolivia.

Saber máis...

Obradoiros de consumo da Escola Galega de Consumo

2011-12-14T23:48:00.002+01:00

Carlos Ferreiro, Viana do Bolo. Nesta mañá do 14 de decembro, recibimos no IES Carlos Casares a visita de varias técnicas do Instituto Galego de Consumo que viñeron a desenvolver o Programa InfoconsumoNadal. Esther Álvarez, Directora da Escola Galega de Consumo aproveitou para planificar actividades futuras co noso centro; mentres, Vanessa Alvite, Patricia Rey e Asun Piñeiro traballaron durante dúas horas con todo o alumnado da ESO para concierciarnos da importancia de saber escoller nestas datas marcadas polo consumismo desaforado.

O obradoiro organizado para 1º e 2º da ESO titulouse “O uso axeitado dos videoxogos”, e incidiu nos aspectos de buscar unha selección lóxica de contidos, un reparto de horas de xogo racional, e as ventaxas e tamén inconvintes de este instrumento de ocio.

Posteriormente, o alumnado de 3º e 4º de ESO escoitou a charla denominada “As compras responsables en Nadal”, na que se resaltou o feito de non comprar ao chou, entender as diferenzas entre rebaixas e saldos e os dereitos que como usuarios temos nos métodos de pago, devolucións, etc. Esta mesma charla foi impartida a familias e profesorado en sesión de dúas horas pola tarde. Alí se destacou a importancia de diferenciar que é ou non é un xoguete, ou as normas de etiquetaxe e información axeitada dos mesmso.

De novo, temos que agradecer a disposición dos técnicos do IGC e a Escola Galega de Consumo, que realizan o esforzo de trasladarse desde Compostela, nun traballo con nós que cumple xa dez anos.

Link á noticia en La Región

Proxecto Libros Dixitais

2011-12-14T12:19:00.000+01:00

Esta semana tivo lugar en Santiago de Compostela a segunda reunión de seguimento dos 8 centros educativos de Galicia que estamos cambiando os libros en papel polos libros dixitais en 1º de ESO. A reunión, presidida polo director xeral de Educación, José Luis Mira Lema, serviu para poñer en común algúns dos principais atrancos e xeito de solucionalos. Alí estiveron, José Fouz e Luis Fernández, en representación do IES Carlos Casares de Viana do Bolo. O encontro foi satisfactorio, e todos os centros piloto manifestaron o positivo de estar neste grupo que está a experimentar en primeira liña os cambios que supoñen as novas tecnoloxías.

Coa promoción de 2011

2011-12-13T12:10:00.000+01:00

Agradable reencontro no comedor universitario de Filoloxía en Santiago e posterior chocolatada, aproveitando unha reunión na Conselleria do proxecto piloto de libros dixitais. Pedro (Filoloxía), Álvaro (Políticas), Pablo (Física). Luis Fernández e Jose Fouz.

De esquerda a dereita: Luis, Pedro, Pablo e Álvaro. Fouz á camara.

Premios a Proxectos Solidarios BBVA

2011-12-03T00:14:00.000+01:00

A Unidade Educativa Timoteo Rondales (Bermejo SC - Bolivia), escola irmanada co IES Carlos Casares de Viana do Bolo, verá realizado o proxecto de implantar a formación profesional no centro educativo. A iniciativa de Lucía Prieto e "Escuelas de la Tierra" será financiada con 30000 €, concedidos pola oficina de voluntariado BBVA nos Premios a Proxectos Solidarios. Ademais, as mulleres desta comunidade boliviana poderán conseguir moitos dos seus obxectivos grazas aos microcréditos financiados pola mesma entidade.

Saber máis...

XIV Congreso Estatal de Voluntariado

2011-12-02T00:21:00.001+01:00

O IES Carlos Casares de Viana do Bolo vén de participar nesta xuntanza do voluntariado, celebrada na Coruña durante os pasados 29 e 30 de novembro e 1 de decembro.

Seguir lendo... (fonte: Proxecto Viana-Bermejo)

Día da SIDA

2011-12-01T17:01:00.004+01:00

Ovidio Villar Marcos, Viana do Bolo. No dia de hoxe, o instituto IES Carlos Casares de Viana do Bolo conmemorou o Dia da Sida, baixo tres premisas básicas para a loita contra esta enfermidade: o acceso á información, a prevención e o respeto ás persoas infectadas polo VIH. Polos corredores do IES repartíronse trípticos informativos e pegatinas, material facilitado pola Consellería de Educación.

(Clic sobre a imaxe para ampliala)

Non á violencia de xénero

2011-11-25T16:34:00.015+01:00

Cincuenta e dúas estrelas negras lembran a outras tantas mulleres asasinadas en 2011

Ovidio Villar, Viana do Bolo. É triste que teña que haber un día internacional coma este. Non son poucos os esforzos que fai a sociedade para frear esta barbarie. E non son suficientes. Pero é importante saber que seguimos a loitar, día a día, para podelo conseguir. Esta mañá, no patio do IES Carlos Casares, representamos un pequeno corto que nos fixo chegar unha mensaxe moi clara: "ninguén ten dereito a maltratarte, se acaso a quererte". A continuación, entramos ao corredor central para lembras ás 54 mulleres vítimas da violencias de xénero en 2011, representadas cada unha delas por unha estrela negra pegada no chan e baixo o lema "non me pises". Por un 2012 baleiro de estrelas!

Video 1: Luis Fernández, Director do IES
Vídeo 2: "Amores que matan"

Salta!

2011-11-24T22:56:00.000+01:00

Cristian Diéguez, Viana do Bolo. Actividades no patio do Ies Carlos Casares de igualdade de xénero. Coordinadas polo profesor de EF Pablo Cuervo. Fainos brincar a ritmo de corda a todos e todas. Pasámolo moi ben e cada vez somos mellores.

Gravación: J. Fouz

XXIV Congreso ENCIGA

2011-11-21T23:13:00.002+01:00

Nesta edición de ENCIGA expúxose, entre outros, un traballo realizado o pasado curso no noso instituto

Redacción. O pasado venres 18 de novembro, Pablo Sánchez González, ex-alumno do IES Carlos Casares de Viana e alumno de 1º de Física na Universidade de Santiago de Compostela, e Luis Fernández López, profesor de Bioloxía e Xeoloxía participaron no XXIV Congreso de Ensinantes de Ciencias de Galicia (ENCIGA), que tivo lugar no IES Fontem Albei de Fonsagrada (Lugo).

Luis Fernández ao portátil e Pablo Sánchez á PDI, no Fontem Albei

Na ponencia relataron a experiencia que, durante dous cursos, se realizou no instituto de Viana do Bolo para investigar a posible influencia da Lúa no número de partos en humanos. Para a mostra estudada non se detectou ningún efecto. O traballo foi realizado polos alumnos Pablo Sánchez e Adrián Ortega Fernández, actualmente alumno de enxeñería en Madrid, e coordinados por Luis Fernández e Ovidio Villar Marcos.

A ponencia asistiron uns 15 docentes galegos que manifestaron moito interés polo traballo que axuda a desmontar unha crenza moi enraizada en Galicia.

PDF

Convivencia a tres bandas

2011-11-17T20:32:00.001+01:00

Luis Fernández, Viana do Bolo. O día 16 de novembro tivo lugar no IES Ramiro II de La Robla (León) a reunión de organización do traballo para este curso da agrupación de centros que traballamos sobre diferentes aspectos da convivencia escolar. Lembrar que estamos no segundo ano desta agrupación no que participa o centro de La Robla, o IES de Moreda (Asturias) e o IES Carlos Casares de Viana. O traballo da agrupación está financiado polo Ministerio de Educación.

A reunión asistiu a dinamizadora de convivencia, Susana Fernández, o orientador Plácido Blanco e o director, Luis Fernández. Un dos temas a tratar foi a organización do encontro de mediadores e mediadoras deste curso e dos tres institutos, que nos toca organizar, e se desenvolverá en Viana do Castelo (Portugal) en maio de 2012. Ademais tratáronse outros temas como a elaboración de unidades didácticas para diferentes materias que traten a convivencia e a educación para o desenvolvemento, a análise de protocolos de ciberacoso ou as liñas de traballo para o futura da agrupación que remata a primeira fase de cooperación en xuño de 2012.

Adiccións sociais, escapa delas

2011-11-17T20:16:00.002+01:00

Carlos Ferreiro, Viana do Bolo. Hoxe, 17 de novembro, Pilar Trabazo Arias, técnica sanitaria da Xefatura Territorial da Consellería de Sanidade en Ourense impartiu unha charla acerca do tema “Adiccións sociais” para o noso alumnado de 3º e 4º de ESO. Na Aula Magna, un total de 56 alumnas e alumnos reflexionaron sobre dependencias con respecto ás novas tecnoloxías, ao xogo, á comida, ao exercicio físico desmesurado. Pilar destacou que ningunha desas actividades é, en sí mesma, nociva, senón todo o contrario. O problema xordxe cando a obsesión por unha determinada labor anula a vontade e se converte nunha escravitude para as persoas.

Un grupo traballando na aula Xesús R. Jares (Imaxe: Carlos Ferreiro)

Fin de Gadafi e ETA

2011-11-16T23:47:00.004+01:00

Sandra Escuredo - Rocío Fernández, Viana do Bolo. O pasado día 15 de novembro reunímonos os alumnos de 1º e 2º de bacharaleto e diferentes profesores para debatir sobre o fin dos días de Gadafi, as implicacións morais e éticas sobre a súa morte e as circunstancias que levou a cabo durante a súa vida. Comentamos as demais ditaduras árabes, Siria foi unha delas, e como a ONU actúa en cada unha delas.

Dous momentos do debate, na biblioteca do IES (Imaxes: Isabel Martíns)

Tamén falamos sobre o fin de armas de ETA, e que nos parecían esas ideoloxías, se o nacionalismo tiña un fin lóxico ou simplemente un sentimento, como se poden separar comunidades autónomas de territorios, xa que ETA quere separar o País Vasco, Navarra e territorios franceses, nun país diferenciado; según este nacionalismo teñen unha historia, cultura, idioma… común.

Como non, iniciamos un pequeno debate aparte, sobre política e o perigoso futuro das democracias en gobernos formados por tecnócratas...

Xornadas de mediación

2011-11-16T20:47:00.002+01:00

Susana Fernández, Viana do Bolo. A pasada fin de semana catro integrantes do equipo de mediación desprazámonos a Lugo para participar na III Xuntanza de persoas mediadoras que se celebrou nesta cidade. Acudimos a esta xuntanza un total de dez centros educativos, a maioría lucenses, se ben nelas estaban representadas tódalas provincias galegas. A inauguración correu a cargo do alcalde da cidade, quen resaltou a importancia de que a xente nova se implique neste tipo de actividades destinadas á mellora da convivencia.

O grupo de Viana, nas escaleiras da Praza Maior

Con diversos xogos cooperativos coñecimos alumnado e profesorado doutros centros que, coma nós, forman parte de equipos de mediación escolar. Compartimos experiencias, reflexións e inquedanzas e, participando en representacións teatrais ideadas por nós mesmos, vivenciamos situacións de conflito profundizando na adquisición de coñecementos e habilidades que, sen dúbida, nos serán de utilidade na tarefa de colaborar na súa resolución dialogada.

Galería de imaxes

Igualdade de xénero e educación

2011-11-13T19:51:00.002+01:00

Luis Fernández, Avilés. O IES Carlos Casares de Viana participou, do 10 ao 12 de novembro, no Congreso "Igualdade de Xénero e Educación", que tivo lugar no Centro Oscar Niemeyer, en Avilés (Asturias), organizado polo Ministerio de Educación e o Gobierno del Principado de Asturias.

Fundación Niemeyer, Avilés

Foi unha moi boa oportunidade de encontro e formación que axudará ao noso instituto a continuar na liña coeducativa que iniciamos xa hai anos. Este curso, a a partires de xaneiro, comezará a actividade un grupo de traballo do profesorado, en cooperación con InteRed, para tomar as primeiras medidas para iniciar un camiño a prol da igualdade entre mulleres e homes.

No encontro de Avilés, entre outros aspectos, analizarónse estudos que demostran a importancia do traballo das escolas e institutos para reducir a posibilidade de sufrir ou causar violencia de xénero, recordando que a educación de xénero é responsabilidade das familias pero, tamén, dos centros educativos.

Máis información: http://www.igualdaddegeneroyeducacion.es/

Magosto

2011-11-11T19:48:00.000+01:00

Ovidio Villar, Viana do Bolo. Un ano máis, tizón nas caras e bullotes ao papo. Este pasado xoves, o IES Carlos Casares de Viana do Bolo xuntouse nun novo magosto, en vésperas dun San Martiño calmo, remiso a deixar marchar o verán do que fai gala. Volveron as carreiras para ver a quen pintar, e tamén para poder ver a quen nos pinta. Outro novembro, outra edición dun dos nosos costumes máis enxebres.

(clic para ampliar)

Galería de imaxes (José M. Pérez)

ABALAR 2011

2011-11-09T00:04:00.008+01:00

A maioría do claustro do Carlos Casares de Viana do Bolo participa nesta actividade de formación do profesorado

Un grupo de profesorado probando unha PDI

Ovidio Villar, Viana do Bolo. Esta semana, o grupo de profesores e profesoras que integran o ABALAR no centro vianés seguiron coa súa formación para o uso da pizarra dixital interactiva. Este programa, coordinado polo profesor José Fouz, inclúe tamén a formación nunha ampla gama de software así coma a creación de material dixital. Este curso, ademais, o centro é pioneiro no programa piloto da Xunta de Galicia no ensino con libros web.

Os “Vicente Ferrer” en Cuenca

2011-11-07T22:13:00.002+01:00

Moitos dos centros educativos premiados con este galardón reuníronse na cidade manchega

Casas Colgadas (Imaxe: Ovidio Villar)

Ovidio Villar, Viana do bolo. A pasada fin de semana tivo lugar na UIMP de Cuenca, e baixo a organización da AECID, o II Encontro Nacional de Docentes en Educación para o Desenvolvemento. Os profesores do IES Carlos Casares de Viana do Bolo Adrián López e Luis Fernández tiveron a oportunidade de amosar o traballo en artesanía solidaria impulsado pola UE Timoteo Rondales de Bermejo SC (Bolivia) e no que participa tamén o centro vianés. Foi tamén esta unha boa ocasión para volver coincidir con moitos outros centros tamén galardonados co "Vicente Ferrer".

Máis información

Día da Ciencia en Galego

2011-11-04T20:26:00.005+01:00

David Ponte, Viana do Bolo. Pode realizarse o “retrato robot” do sospeitoso dun crime a partir dunha mostra de ADN? Existe unha orixe común entre as poboacións do norte de Europa e os galegos? Como é o día a día dun investigador? Estas e moitas outras cuestións foron contestadas desde Natal (Brasil) polo profesor Ángel Carracedo (catedrático e director do Instituto de Medicina Legal da Universidade de Santiago de Compostela), que se someteu, a través de videoconferencia, ás preguntas de milleiros de alumnos de educación secundaria.

Un momento da videoconferencia, clic para ampliar (Imaxe: Ovidio Villar)

O evento, enmarcado nas actividades que se realizaron no día da ciencia en galego, tivo lugar na mañá de hoxe e foi seguida desde aproximadamente un centenar de centros de educación de Galicia. Alumnos de segundo ciclo de secundaria e de Bacharelato do IES Carlos Casares participaron no evento (seguido en directo desde a aula magna Xesús R. Jares), que comezou cunha presentación do traballo que realiza o Dr. Carracedo e o seu equipo no eido da medicina legal. O profesor Carracedo describiu as técnicas que se empregan para analizar as mostras que lles remiten corpos policiais de todo o mundo. O avance no estudo do xenoma humano e o prefeccionamento das técnicas de análise xenético fai que, nalgúns casos, sexa posible identificar o autor dun crime a partir, unicamente, dun obxecto persoal atopado na escena do crime.

Galería de imaxes

III Xuntanza de Alumnado Mediador

2011-10-27T13:04:00.004+02:00

Susana Fernández, Viana do Bolo. Os días 11 e 12 de novembro as alumnas de 2º de ESO Ana Martínez, Laura Martínez e Tania Yáñez e o alumno Samuel Balboa, de 4º de ESO, acompañados pola cooordinadora de equipo de mediación, desprazaranse a Lugo para participar na III Xuntanza de Alumnado Mediador. O obxectivo deste encontro é intercambiar experiencias e profundar nos coñecementos sobre mediación escolar.

O programa desta xuntanza pode consultarse no seguinte enlace.

Doazón de órganos

2011-10-26T14:19:00.000+02:00

Jéssica Muriel Cortés, Viana do Bolo. O pasado 24 de outubro, o Dr. Juan Cortés (Coordinación de Trasplantes da provincia de Ourense SERGAS e médico de cuidados intensivos do Hospital de Ourense) e David Gulías (Asociación ALCER, e trasplantado de ril e fígado) viñeron darnos unha charla sobre as doazóns. O Dr. Cortés, entre outras cousas, falounos dos órganos que se poden doar e das taxas de doazón no mundo. David Gulías, pola súa parte, contounos algo importante da súa vida, contounos o que el pasou, pois tivérono que trasplantar dúas veces, unha de ril e outra de fígado. Aprendemos moito: que ao doar un órgano pódense salvar moitas vidas, como ser doantes, a saber o que é a vida dunha persoa trasplantada...

A continuación podemos ler as valoracións de parte do público asistente.

"Os nosos órganos teñen moito valor" (Andrea Pérez)

"Eu aprendín unha cousa do Sr. David: se a un órgano non lle chega o sangue pode parar de funcionar para sempre" (Roberto Blanco)

"O fígado é un órgano moi xeneroso pola súa capacidade de rexeneración" (Jonathan Vega)

"Esta é unha boa oportunidade de coñecer a existencia e xestión das listas de espera e a necesidade de doar órganos" (José M. Martínez)

"Esta charla pareceume moi interesante para poder coñecer, entre outros datos, a taxa de doantes en España, que é a máis alta do mundo" (Alejandro Villasante)

"Unha marabillosa ocasión de amosar xenerosidade" (Ovidio Villar)

Que pasta é mellor?

2011-10-26T12:59:00.001+02:00

Luis Fernández, Viana do Bolo. O luns 24 de outubro, desenvolveuse no laboratorio de Química do IES Carlos Casares de Viana do Bolo un interesante obradoiro de ciencia ofrecido polo Departamento de Ciencias Experimentais da Universidade de Santiago de Compostela.

Beatriz Crujeiras, do equipo de investigación de María Pilar Jiménez Aleixandre, permitiu aos 20 alumnos e alumnas de 3º de ESO, durante as dúas primeiras horas da mañá, deseñar e desenvolver unha pequena investigación que pretendía saber de entre dúas pastas de dentes cal era a máis protectora para os dentes. Utilizamos cunchas como se fosen dentes, ácido clorhídrico como se fose o ácido da boca e tubos de ensaio para simular a cavidade oral. Detectamos que a pasta con máis fluor era a que ofrecía maior protección.

Galería de imaxes

Novo laboratorio na UE Timoteo Rondales

2011-10-23T12:47:00.002+02:00

O centro educativo de Bermejo ultima os preparativos

Case na fase final para a estrea do novo laboratorio, o profesorado da escola boliviana xa está a formarse. Esta dotación é o resultado dun convenio entre Escuelas de la Tierra e o concello de O Barco de Valdeorras (Ourense).

Amplía información

Formado mediadores e mediadoras na Coruña

2011-10-22T16:08:00.000+02:00

Carlos Ferreiro - Luis Fernández, A Coruña. Os días 21 e 22 de outubro dous profesores do equipo de mediación do IES Carlos Casares de Viana teñen formado a un grupo de 15 alumnos e alumnas de ESO como mediadores escolares no IES Rafael Puga Ramón de A Coruña. Este centro leva tres anos introducindo a mediación escolar como forma habitual de resolución pacífica de conflitos. Tamén participou no curso Emilio García, vello amigo do noso instituto, e actualmente xefe de estudos do IES Agra do Orzán de A Coruña.

Esixe pobreza cero!

2011-10-14T12:00:00.006+02:00

Ovidio Villar, Viana do Bolo. Onte xoves 13 de outubro, tivo lugar en Viana un acto público no que se esixiu pobreza cero! Ao abeiro do correr da auga na fonte da Praza, escenificáronse dúas obras de teatro: "La virgen de la cueva", de Plácido Blanco, e "Mujer de papel", de Estela López. Clausurou este acto a lectura dun manifesto no que se lembrou ás autoridades o seu compromiso na loita pola erradicación da pobreza no mundo. Esixe pobreza cero!

Galería de imaxes (Ana M. García - Pepe Fouz)

Intercultural

2011-10-09T14:01:00.000+02:00

Luis Fernández, Verín. "Unha boa conclusión é que, se cadra, un plan de integración debería comezar sentando nunha mesa á maioría de sectores dunha poboación e aos propios inmigrantes para que, en cooperación, definan un plan que sexa asumido por todos e todas". Esta é unha das conclusións ás que se está a chegar no curso “Mediación e resolución de conflictos interxeneracionais“, que se está a desenvolver en Verín dende o pasado día 7, organizado por la Universidade Nacional de Educación a Distancia (UNED).

Máis información

Semana de acción contra a pobreza

2011-10-07T23:51:00.002+02:00

Viana do Bolo centra por terceiro ano o acto principal e único na provincia de Ourense

Luis Fernández - Ana M. García, Viana do Bolo. Millóns de persoas maniféstanse esta semana en todo o mundo contra a pobreza. A Alianza Española Contra a Pobreza forma parte deste movemento global que reclama un mundo no que a pobreza non exista. Galicia únese a este chamamento global e a a vindeira semana, do 10 ao 16 de outubro terán lugar na nosa comunidade as movilizacións contra a pobreza, nas catro provincias galegas. Entre ellas, Ourense estará representada polos actos que organiza o IES Carlos Casares de Viana do Bolo a través do seu grupo de voluntariado local, en colaboración coa Coordinadora Galega de ONGD.

A Campaña Pobreza Cero aboga por un mundo no que os gobernos cumplan as súas obligacións relativas á loita contra a pobreza, e que as persoas teñan as mesmas oportunidades independientemente de onde nazcan ou vivan. Cremos nun mundo xusto no que se respeten os dereitos humanos; as mulleres teñan as mesmas oportunidades que os homes; as persoas traballen en condicións dignas; se respete o medio ambiente e no que as relacións comerciais entre países sexan xustas.

Denunciamos as graves consecuencias que a crisis está supoñendo, especialmente para as persoas máis vulnerables. Máis de 1.400 millóns de persoas sufren pobreza extrema, o 70% mulleres, e casi 1.000 millóns sofren fame. Ante a crisis, denunciamos o mantemento dun sistema que xera desigualdades, asociado ao consumo sin límite, ao patriarcado, manexado polos mercados detrás dos cales hai persoas con grandes fortunas que fan negocios ocultos trala opacidade dos paraísos fiscais, e son capaces de especular cos alimentos sen preocuparse da fame e as mortes que provocan.

É necesario cambiar de modelo. É posible construír outro mundo, rebelarse contra a pobreza e esixir que teñamos as mesmas oportunidades, que a democracia sexa efectiva, que a participación sexa real, que a solidariedade e a igualdade estén no centro.

Por todo elo esiximos aos nosos gobernos:

- O cumplimento do Pacto Galego Contra a Pobreza, suscrito polos tres grupos da Cámara. Os fondos da Xunta de Galicia adicados a cooperación recortáronse un 48 por cento nos últimos dous anos e actualmente representan menos do 0,1 por cento do produto interior bruto galego (PIB); cando no 2010 todos os partidos políticos con representación parlamentaria comprometéronse a avanzar cara o 0,7 por cento asinando o Pacto Galego contra a Pobreza. Un ano despois da súa sinatura son máis os retrocesos que os avances.
- Garantir o cumprimento dos dereitos humanos para homes e mulleres e o dereito a un traballo decente.
- Reflexionar sobre o noso modelo actual de produción e consumo, e reforzar os valores de solidariedade, igualdade e xustiza.
- Revisar as políticas comerciais da Organización Mundial do Comercio e da Unión Europea para que non impoñan acordos perxudiciais aos países do Sur e que se revise a débeda externa.
- Apoiar a creación dun imposto ás transaccións financeiras internacionais, a eliminación dos paraísos fiscais e perseguir a evasión fiscal, para reducir a desestabilidade e a pobreza.
- Que se adopten as medidas necesarias para loitar contra o cambio climático e se garanta a sostenibilidade ambiental.
- Reclamamos un sistema que garanta a igualdade, a solidariedade, o benestar humano, a equidade de xénero, a sostenibilidade ecolóxica, o dereito á educación, á saúde, á participación política e ao desenvolvemento pleno de todas as persoas que habitan o planeta.

Animámosvos a participar en todas as actividades programadas na Semana Contra a Pobreza. Agora máis que nunca é necesario esixir que se manteñan as políticas de loita contra a pobreza. Únete á rebelión!!

Os actos na provincia de Ourense estarán representados polo IES Carlos Casares de Viana do Bolo, e culminarán o vindeiro día 13, con teatro de rúa na Plaza Maior da vila, a cargo do grupo de teatro Talia do instituto. Serán representadas Las caras de la vida, El Pregón de Benedetti e Virgen de la Cueva. Nestas obras denúnciase a exclusión sexa pola causa que sexa e en calquer lugar do mundo.

Premio IES Carlos Casares - Fundación ENDESA

2011-10-07T20:00:00.021+02:00

Convocada la edición 2011-12 de este galardón

"Ya está convocada la IV Edición del Premio IES Carlos Casares-Fundación Endesa de redacción científica sobre energías limpias y/o ahorro energético. Para cualquier duda, los participantes pueden dirigirse al profesor José María Pérez López a través del teléfono del centro (988340086) o bien a través de la dirección de correo electrónico josemariaperezlopez@edu.xunta.es. ¡Suerte a todos!."

bases concurso (galego)

bases concurso (castellano)

Reunión de voluntariado

2011-10-06T00:01:00.001+02:00

Os alumnos e alumnas de Bacharelato e Ciclo Formativo interesados/as en participar no voluntariado do IES Carlos Casares no curso 2011-12, quedades convocados/as a unha reunión o vindeiro luns 10 de outubro, ás 15:45 horas, na Aula de 1º de Bacharelato.

Requisitos:
- Cumprir 16 anos ao longo deste curso ou telos xa cumplidos.
- Ser alumnos/as ou familias do IES Carlos Casares

Ofrécese:

- Colaborar nos programas de mediación escolar, novas tecnoloxías, educación ao consumidor, cooperación con Bolivia, inspección ambiental no centro, biblioteca e outras suxerencias.
- Certificación da actividade realizada e das horas prestadas, no contexto do Voluntariado Galego.
- Axudarche a mellorar como persoa.

Perfil da voluntaria ou voluntario:
Toda persoa con interese en participar na sociedade na que vive e colaborar activamente na mellora da comunidade próxima e allea.

Ata pronto

2011-10-05T18:00:00.002+02:00

Desde que cheguei ás terras da Gudiña e Viana, xa fai un ano, sentinme acollida. E pouco a pouco, cada vez máis feliz e orgullosa de pertencer a uns centros coma o Carlos Casares e o Laureano Prieto.

Foi un privilexio estar con tod@s vós o curso pasado, sodes incribles e especiais. Un equipo de profesorado e de persoal do centro que realmente ama a súa profesión, convertindo o Instituto nun lugar inesquecible. E vós, rapaces, pequen@s tol@s, grande xente da que tanto apredín. Vouvos botar de menos.

Gracias por toda a vosa entrega, por toda a colaboración, a axuda e os bos ratos, por crear ese ambiente xenial que se respira aí. Gracias por estar no coro, os grupos de baile, o teatro e a música, a danza, por todo.

Este curso non vai ser posible que repita a experiencia, pero sei que, dalgún xeito, vos levo comigo, alá onde vaia. E algo de min fica aí para sempre.

As palabras non sempre poden expresar realmente o que un sinte. Aquí queda esta canción.

E non deixedes de tocar, bailar, cantar! Expresade toda esa arte que agroma en vós cada día.

Unha aperta moi grande e ata pronto.

Ilda

Avaliación de competencias

2011-10-04T19:12:00.000+02:00

Na tarde de hoxe, 4 de outubro, tiveron lugar as sesións de Avaliación inicial de competencias para toda a ESO no IES Carlos Casares. Neste curso 2011-2012, as competencias que se están a valorar son 5: matemática, lingüística e comunicativa, interacción co medio físico, dixital e social e cidadá.

Como feito máis reseñable compre destacar que o profesorado de 1º de ESO adicou unha sesión máis longa do habitual, que ademais de medir as competencias, se coordinou cos titores de 6º de Primaria dos centros adscritos ao noso instituto, o CEIP Bibei de Viana do Bolo, o CEIP San Martiño, de Vilariño de Conso e o CEIP Ávila Bustillo, de A Veiga. É un xeito mais de unificar criterios e amosar que o proceso educativo ten que contemplarse non como unha serie de compartimentos inconexos, senón como un continuo coherente e perfectible.

Inmersión lingüística

2011-10-04T19:10:00.000+02:00

Desde o pasado domingo 2 ate o vindeiro sábado 8 de outubro, 23 alumnas e alumnos de 1º e 2º de ESO do noso centro participan no Programa Inmersión Lingüística de Otoño en Inglés, organizado polo Ministerio de Educación.

Este programa, de nova implantación, trata de mellorar a competencia comunicativa en lingua inglesa, ademais de combinar esa aprendizaxe co desenvolvemento de actividades de educacion ambiental, en concreto reciclaxe, sostenibilidade, elaboración de compost, etc, e tamén de tipo patrimonial e cultural. O Programa ten lugar na localidade madrileña de San Mamés- Navarredonda, en plena serra, e culminará o venres coa visita ao Museo Picasso de Buitrago de Lozoya. Como sempre, quizáis o máis destacado desta semana sexa a convivencia con 25 compañeiras e compañeiros doutra comunidade autónoma, neste caso do IES Guasa de Tenerife.

Reunión de seguimento

2011-09-26T22:25:00.001+02:00

Luis Fernández, Viana do Bolo. O luns 26 de setembro tivo lugar en Santiago de Compostela, na Consellería de Educación, a primeira reunión de seguimento dos catro institutos galegos que sustituimos os libros en papel por libros dixitais, no contexto do proxecto ABALAR (Escuela 2.0). Participaron na reunión o IES As Telleiras de Narón (A Coruña), o IES Daviña Rey de Monforte de Lemos (Lugo), o IES Carlos Casares de Viana do Bolo (Ourense) e o IES Aquis Celenis de Caldas de Reis (Pontevedra). En representación do noso centro acudiron Jose Pedro Fouz, coordinador ABALAR e Luis Fernández, director.

O director xeral de Educación, José Luis Mira Lema, con outros responsables e asesores da consellería interesarónse polos diferentes problemas que podían ter os centros no inicio da experiencia e facilitaron vías de solución. Comprobamos que imos cara adiante e vanse solucionando os problemas. A intención é que os catros institutos e a consellería estean en comunicación permanente para conseguir bos resultados nesta experiencia piloto que abre o camiño para o futuro doutros centros educativos.

Moita sorte, Edu!

2011-09-25T21:27:00.003+02:00

Ovidio Villar, Viana do Bolo. A comunidade educativa do IES Río Órbigo en Veguellina de Órbigo (León) está de sorte: acaban de facer unha boa fichaxe. Logo de nove anos en no Carlos Casares de Viana do Bolo, Eduardo Sagüilla trasladouse ao IES leonés.

O pasado sábado tivo lugar en Viana un xantar compartido con el. En total, case corenta persoas, representando á Inspección, á Dirección do IES vianés, ANPA, profesorado, PAS, alumnado e outros compañeiros de deporte e amigos. Entre outros cargos no Carlos Casares, Eduardo foi Xefe de Estudos os últimos catro cursos. Moita sorte, Edu!

Clic aquí para ver a galería de imaxes completa

Comeza un novo curso

2011-09-20T12:34:00.004+02:00

Luis Fernández - Ovidio Villar, Viana do Bolo. O pasado venres foi convocado o alumnado de Bacharelato para a presentación deste novo curso 2011-12. Onte foi o turno do alumnado da ESO, agás os programas de Diversificación Curricular, que hoxe mesmo se presentaron en presenza do alumnado correspondente, o equipo directivo, os titores e os profesores de ámbito. Arrancará completamente este novo ano académico logo das respectivas presentacións do Ciclo Formativo de Atención Sociosanitaria, o 29 de setembro, e o That's English, o 20 de outubro.

Dous momentos durante a presentación do alumnado da ESO

Das 157 matrículas formalizadas, 100 corresponden á ESO, 36 ao Bacharelato e 21 cursarán estudos nun cada vez máis recoñecido e solicitado ciclo de formación profesional. Ademais, un total de 15 alumnas e alumnos matriculados no programa CUALE da Xunta de Galicia, poderán obter titulación oficial da EOI asistindo a sesións semanais de inglés.

Este curso comezará para o alumnado de 1º de ESO cunha importante novidade: o uso de libros dixitais. No marco dun proxecto piloto da Consellería, dito alumnado será pioneiro nunha forma de aprendizaxe que en poucos anos será habitual nos centros educativos.

Labor recoñecida ao voluntariado

2011-09-18T19:52:00.001+02:00

Luis Fernández López, Viana do Bolo. O traballo realizado polo voluntariado do IES Carlos Casares de Viana do Bolo, que vai desde atender determinados servizos da biblioteca, ser mediador ou mediadora, axudar ao equipo TIC do centro ou colaborar co proxecto Viana- Bermejo, é protagonista dun artigo publicado en "Apuntes do CFIE", revista editada pola Consejería de Educación da Junta de Catilla y León.

http://bermejoviana.wordpress.com/2011/09/18/apuntes-cfie-voluntariado-ies-carlos-casares-viana/

A biblioteca do IES recibe unha nova axuda

2011-09-14T01:08:00.003+02:00

IES Carlos Casares, Dirección. Segundo resolución da Xunta de Galicia, publicada no DOG do 13 de setembro, a biblioteca do IES Carlos Casares de Viana do Bolo recibe unha axuda de 1500 Euros no cuarto ano de participación no plan de mellora de bibliotecas escolares. Estes fondos servirán para o funcionamento e actividades da biblioteca que está aberta para calquera persoa interesada entre as 9 e as 18 horas, de luns a venres.

Alumnado de 3º A na biblioteca durante as pasadas xornadas da prensa

Formación recoñecida pola EOI

2011-09-08T17:30:00.001+02:00

IES Carlos Casares, Dirección. O IES Carlos Casares, a través do programa CUALE da Xunta de Galicia, ofrece a posibilidade ao alumnado de Bacharelato, de obter titulación oficial da Escola Oficial de Idiomas, asistindo a 4 horas máis de ingles á semana, en horario de tarde. Este sistema comeza en Viana do Bolo, a partires do inicio do curso 2011-12.

Máis información en: http://www.edu.xunta.es/web/node/3169

Talleres estivais

2011-08-27T14:20:00.000+02:00

Ovidio Villar. As actividades seguen ao outro lado do Atlántico. Durante este mes de agosto, estanse a desnvolver numerosas actividades na Unidade Educativa Timoteo Rondales, en Bermejo SC (Bolivia), destinadas ao alumnado de secundaria ao abeiro do proxecto educativo que o centro boliviano e o IES Carlos Casares de Viana levan a cabo.

Entre outros, estanse a desenvolver obradoiros de xénero e afectividade. É de vital importancia traballar estes aspectos na procura dun mundo no que todas e todos teñamos as mesmas oportunidades, ao tempo que se reducen problemas sociais coma o maltrato ou a violencia de xénero.

Máis información: http://bermejoviana.wordpress.com/2011/08/19/genero-afectividad-sexualida/

Última hora dende Bolivia

2011-08-14T14:36:00.007+02:00

Os programas de cooperación avanzan a bo ritmo

Podes seguir toda a actualidade do proxecto de cooperación Viana do Bolo - Bermejo nos seus posts. As dúas últimas novas xa están dispoñibles:

Visita ao Ministerio de Educación

Proxecto de bibliotecas

O galardón que faltaba por entregar

2011-08-06T01:02:00.000+02:00

Bermejo recibiu o primeiro premio do 7.11 FM

Os voluntarios e voluntarias do IES Carlos Casares de Viana entregaron o 1º PREMIO do Certame de Fotografía Matemática que convoca anualmente o Departamento de Matemáticas do IES. O profesor Adrián López, fixo entrega do diploma á alumna de Bermejo SC (Bolivia) Adriana Mancilla Frías, polo excelente traballo "Circunferencia con centro en yema".

Adriana Mancilla Frías (Bermejo SC, Bolivia)

No seguinte enlace, podedes ler toda a información sobre esta nova e unha entrevista á propia Adriana. Parabéns!

link: blog Viana - Bermejo

Pola mellora da calidade da educación

2011-08-03T16:26:00.000+02:00

O IES Carlos Casares de Viana do Bolo vén de ser seleccionado para participar nos plans de autoavaliación e mellora da calidade da educación para o curso 2011/2012 (Orde do 13 de maio de 2011, DOG do 27).

A finalidade do proxecto elaborado polo instituto vianés é mellorar a lectura, interpretación e análise de datos estatísticos, gráficos e mapas, traballando así, entre outras, a competencia matemática, a lingüística ou a dixital. Para iso, máis da metade do profesorado elaborará unha serie de materiais que serán utilizados, previa avaliación, como materiais de traballo e apoio na ESO o vindeiro curso.

Convocatoria

Resolución de centros participantes

Proxecto do IES Carlos Casares

25 de Xullo en Bolivia

2011-07-31T10:38:00.001+02:00

Interesante xornada a celebrada o pasado 25 de Xullo en Bermejo, na que a nosa escola irmá celebrou o día de Galicia.

Podes ler esta nova completa e seguir outras actividades no blog do Proxecto Viana do Bolo - Bermejo, sen máis que facer clic no seguinte vínculo:

clic aquí

No paraíso natural Illas Atlánticas

2011-07-21T15:27:00.001+02:00

Emotivo e, coma sempre, xenial, o vídeo o que desta volta nos amosa Etela: "A última viaxe xuntos", que non derradeira, lembra a estadía do grupo de 2º de Bacharelato no Parque Nacional das Illas Atlánticas, o pasado mes de xuño.

Cooperación

2011-07-15T11:06:00.001+02:00

Dos profesores del IES Carlos Casares, Adrián López y Luis Fernández, una alumna de That´s English de Viana, Ainara Garea y la voluntaria del centro Judith Gamallo viajan esta semana a Bolivia para realizar diferentes acciones de cooperación internacional en la UE Timoteo Rondales de Bermejo. A través del blog Viana-Bermejo se informará de las principales actividades.

Visita á Escola Galega de Consumo

2011-07-15T11:01:00.001+02:00

Luis Fernández, Santiago de Compostela. Nos últimos días de clase do mes de xuño, un grupo dee alumnado de PROA, ESO e Bacharelato visitaron a Escola Galega de Consumo (Instituto Galego de Consumo), en Santiago de Compostela. Visitaron o centro e participaron nun obradoiro de compra por Internet e publicidade, e visitaron o supermercado. A EGC e o IES Carlos Casares de Viana levan nove cursos de relación, grazas aos traballos de educación para o consumo que se realizan no instituto.

Festivais de abril e fin de curso

2011-06-28T18:14:00.001+02:00

Velaquí tedes uns vídeos que resumen as actuacións dos últimos festivais que fixemos: o de Música, Danza e Teatro ("Ti si que vales") feito en abril, e o de Fin de Curso (Xuño) Tamén podedes ver as imaxes do festival de fin de curso a continuación.

Clic aquí para ver máis fotos do festival de fin de curso

Festival de abril

Festival fin de curso

Consello escolar de final de curso

2011-06-27T17:41:00.001+02:00

IES. Na tarde de hoxe reuniuse o Consello Escolar do IES Carlos Casares de Viana do Bolo, na última sesión oficial antes das vacacións de verán. Esta reunión foi, tamén, despedida dos conselleiros Eduardo Sagüillo, Pablo Sánchez, Pablo Alonso, Roi Ortiz, Álvaro Bermúdez e Licesio González, aos que desexamos moita sorte para o futuro, alá onde se atopen. Foi día tamén de incorporacións: nomeado hoxe polo Concello de Viana, presentouse Francisco Aragón como novo conselleiro representante municipal.

Fotografía: Patricia García

Lipdub finalista do Olloboi 2011

2011-06-22T17:12:00.004+02:00

Ilda Luaces, Viana do Bolo. O Lipdub I love rock'n roll, de 4º da ESO, quedou como finalista no Premio do Público do Certame Audiovisual Galego Olloboi 2011: http://rodaxe.info/

Aínda que finalmente non resultou gañador, todo o camiño ata chegar aquí é un premio, tanto para os participantes coma para a cantidade de votantes que se mobilizaron para apoialo.¡Gracias a tod@s! Crear algo así en grupo non sempre foi sinxelo, pero si gratificante e motivador. Animádevos a darlle forma ós vosos produtos audiovisuais e a mostralos ó público, e continuemos axitando a creatividade do IES Carlos Casares.

Un peche de etapa inesquecible

2011-06-20T21:09:00.003+02:00

Foi a despedida, pero, a natureza e o mar, os cormoráns ou as estrelas, a literatura ou as gaivotas, brindáronnos a oportunidade mellor que temos para poder reter na nosa mente aqueles momentos que non podemos, nin queremos, esquecer.

Momentos que contruén a vida das persoas, sexan alumnos ou alumnas ou sexan profesores; ao fin, un grupo humano que cruzou o camiño da vida durante seis ou sete anos. Aquí queda a lembranza compartida dunha fin de semana, dun final de etapa no IES Carlos Casares de Viana do Bolo, no Parque Nacional das Illas Atánticas, nas Illas Cies, os días 17, 18 e 19 de xuño de 2011.

Acceso ás galerías de imaxes: Illas Cíes 01, Illas Cíes 02.
Vídeo: "A última viaxe xuntos"
Fotografías: Gael, Estela, Luis.

Intercambio co IES Agra de Orzán (A Coruña) II

2011-06-20T12:19:00.002+02:00

Andrea Sánchez, A Coruña. Os días 8 e 9 de xuño fomos todos os de 2º da ESO á Coruña, onde o pasamos xenial. O primeiro día fomos ao instituto, onde nos prepararan un festival de música e danza para nós sós. Comemos alí e fomos paseando polo Estadio do Deportivo da Coruña e a praia de Riazor.

Todo o grupo

Ás 18:30 machamos cara ao albergue de Gandarío, onde nos levamos a sorpresa de compartilo cun grupo de 6º de primaria do Barco. En canto ceamos fomos á praia mollar os pés e facer o parvo, e o pasamos xenial. De novo no albergue puxemos os pixamas e sacáronme do cuarto para cantarme o “cumpreanos feliz” e regalarme unha divertida tarxeta con dedicatorias.

Pola noite armámola boa, todos berrando e correndo polo corredor... E si, botáronnos a bronca, vinte veces como mínimo. Algúns berraban (“catuxa!!”), outros gravaban co móbil para cuarto milenio a durmidos e espertos... pero as profes pilláronos e borraron os vídeos.

Ao día seguinte fixemos un paseo pola zona vella da Coruña, a Torre de Hércules e subimos ao mirador de San Pedro, onde nos divertimos cun labirinto un pouco difícil (aínda que non imposible) para saír. Comemos no instituto e despedímonos dos compañeiros da Coruña. Pero para a miña sorpresa, antes de marchar, organizáronme unha pequena festa de aniversario, cunha peculiar torta de chucherías (que se rematou axiña), e dúas bolsiñas de gusanitos cun lazo, dende logo un agasallo orixinal!

Na viaxe de volta estabamos esgotados, pero Ilda encargouse de quitar fotos aos durmidos e antes de chegar a unhas cantas deunos por cantar, para espertar aos que durmían ou molestar aos espertos.

Quero acabar dando as grazas a Ilda e Liliana, por aturarnos tanto, porque non puideron durmir pola nosa culpa, pero aínda tiveron o detalle de levarnos unha horiña a un centro comercial. E tamén aos meus compañeiros de 2º da ESO, por facerme pasar o mellor cumpreanos da miña vida. Grazas de todo corazón.

Resuelto el Certamen de Fotografía Matemática "7.11 FM"

2011-06-17T18:06:00.004+02:00

El jurado falló hoy este premio de fotografía, ya en su séptima edición

Ovidio Villar, Viana do Bolo. El jurado del VII Concurso Internacional de Fotografía Matemática, este año bajo el nombre 7.11 FM, acaba de establecer los trabajos fotográficos galardonados en esta edición. Este certamen, convocado por el Departamento de Matemáticas del IES Carlos Casares de Viana do Bolo, alcanzó este año proyección internacional gracias a la participación de alumnado tanto de Viana como de Bermejo (Bolivia), en donde se ubica nuestra escuela hermanada la Unidad Educativa Timoteo Rondales.

Después de intensas deliberaciones, provocadas por la gran cantidad de instantáneas presentadas a concurso y la calidad de las mismas, el jurado, compuesto por miembros del Departamento de Matemáticas del Carlos Casares, ha decidido otorgar los siguientes premios:

1er PREMIO: "Circunferencia con centro en yema"

Autora: Adriana Mancilla Frías, UE Timoteo Rondales (Bermejo)

2º PREMIO: "Estas son unhas das palabras que significan m8 (moito) para as persoas"

Autora: María Blando Setién, IES Carlos Casares (Viana do Bolo)

3er PREMIO: "Bolos tradicionais: ocio e moita matemática"

Autor: Javier Sánchez Alonso, IES Carlos Casares (Viana do Bolo)

Todos los trabajos presentados a concurso se pueden ver o descargar haciendo clic en este vínculo. La entrega de premios y diplomas tendrá lugar la seman próxima durante el festival de música y danza de final de curso, en la Casa da Cultura de Viana do Bolo.

Felicidades a todas y todos los participantes así como a las demás personas que han hecho posible este certamen.

Aulas ecolóxicas

2011-06-16T22:32:00.002+02:00

Luis Fernández, Ourense. Un grupo de rapazas e rapaces de 1º de Bacharelato do noso IES veñen de presentar, nun congreso en Ourense, un traballo referente ao análise das aulas máis ecolóxicas do Carlos Casares. Algúns dos factores analizados foron o ter as luces apagadas de non ser precisas ou ter abertas as fiestras estando acesa a calefacción.

Ver noticia completa no blog Ciencias Casares

Festival de música e danza de fin de curso

2011-06-15T23:01:00.003+02:00

Ilda Luaces, Viana do Bolo. Achégase o final deste curso 2010-2011, e o vindeiro martes 21 de Xuño terá lugar o derradeiro festival musical na Casa da Cultura de Viana. Despois dun curso de traballo, esta mostra de diferentes disciplinas na que colaboran tanto alumn@s como profesor@s será unha celebración e unha festa pre-vacacións. ¡Sorte a todos e desfrutade dela!

Intercambio co IES Agra de Orzán (A Coruña)

2011-06-15T09:48:00.003+02:00

Liliana Carro, Viana do Bolo. Os pasados días 2 e 3 de xuño estiveron connosco un grupo de 1º da ESO do instituto Agra de Orzán, na Coruña, de intercambio lingüístico e para compartir experiencias co noso grupo de 1º da ESO.

O primeiro día recibímolos no noso instituto, ensinámoslles o centro e presentámonos, despois comemos todos xuntos no comedor. Pola tarde achegámonos á morrena glaciar de Chaguazoso, onde subimos ata arriba de todo polas pedras, e ao museo etnográfico de Vilariño de Conso; pasamos unha tarde divertida coñecendo nova xente.
O venres regresaron ao instituto e fixemos unha pequena sesión de teatro, baile e contos, antes de saír ao patio e xogar un pouco. Despois de comer de novo no comedor marcharon, e despedímonos deles ata o ano que vén, cando será aos alumnos e alumnas de Viana a quen lles toque ir aló.

Inmersión lingüística en Viana do Bolo

2011-06-12T23:43:00.001+02:00

Rocío Rodríguez, Viana do Bolo. Nun pasado, os rapaces do I.E.S. Sanxillao de Lugo ofrecérannos ir a Lugo para coñecer a súa cidade e o seu colexio. Pois fomos nós quen desta vez lle ofrecemos vir a Viana para que coñeceran un poco desta terra. Aparte de coñecer Viana, o seu casco antigo e o colexio, esta pasada semana tamén fomos a Vilariño de Conso, onde viron o pobo e o museo etnográfico que está exposoto no concello.

III Feira das ciencias

2011-06-10T23:57:00.000+02:00

Ovidio Villar, Viana do Bolo. Hoxe celebrouse no IES Carlos Casares a terceira edición da nosa cita anual coa ciencia. Da man de diversos grupos de alumnado da ESO e do BAC, soubemos de reaccións químicas, presión hidrostática, anatomía, eficiencia lumínica ou pigmentación.

Creando materia con clorhídrico e amoniaco

Os "stands", colocados nos corredores interiores do IES e no corredor anexo ao patio, comezaron a recibir visitantes a partires das 10 horas, e sendo case a hora do xantar aínda había quen quería ver repetido algún dos interesantes experimentos.

Tamén este venres tivemos uns visitantes especiais: o alumnado e profesorado do último curso de primaria dos colexios de Viana, A Veiga e Vilariño que, ademais de ver a exposición desta III Feira das Ciencias, aproveitaron para coñecer o centro do que participarán en breve.

Ver galería completa de imaxes

RUTAS LITERARIAS ANDALUCÍA 2011

2011-06-08T00:16:00.002+02:00

Laura Lameiro Vega, Andalucía. El día 01-06-11, dejamos el albergue de Sevilla y nos Fuimos a Málaga antes de ir al nuevo albergue. En Málaga, vimos el centro cultural donde había una exposición de Chicano, la biblioteca y la pequeña imprenta que era de algunos personajes de la G.27. Conocimos un poco de la ciudad y los monumentos más importantes como la “ Manquita”. Comimos en un albergue y luego, después de caminar un rato y tener algo de tiempo libre, fuimos para nuestro albergue. El albergue estaba en un pueblecito de Granada llamado Víznar. Estaba bien pero no tanto como el de Sevilla.

El día 2-06-11, conocimos la vida de Lorca al completo. Primero fuimos a su pueblo natal, Puente Vaqueros, donde vimos la casa en que nació y Valderubio o Asquerosa, donde él vivió algún tiempo. Vimos la casa por dentro y en la cuadra había un teatrillo donde quien quiso, subió a leer poemas de Lorca. Fue una experiencia muy grata. Por la tarde, dimos el último paseo que hizo Lorca la noche de su muerte y vimos el olivo donde lo mataron. Por grupos, tuvimos que dedicarle una elegía que tenía que empezar por: Federico, ¿dónde estás?. Más tarde fuimos al Barranco de Víznar, donde había una fosa común de la Guerra Civil con más de 3000 cadáveres. Nuestras monitoras, nos hicieron leer las elegías y nos empezaron a contar cosas, acabamos llorando y abrazandonos todos.

El día 3-06-2011, fuimos a Granada. Es muy bonita. Allí vimos la catedral y muchas más cosas que identifican a la gran ciudad. Después de comer, fuimos a ver la maravillosa ALHAMBRA. ¡Es impresionante!. Tuvimos un poco de mala suerte porque llovió pero aun así la pasamos muy bien. Al ser el último día, estábamos todos muy tristes y a la noche nos hicieron una pequeña fiesta. Antes de la fiesta, nos dieron un papel donde teníamos que identificar la semana con un adjetivo y decir lo mejor y lo peor, donde yo, no encontré nada malo. La noche fue muy corta, porque fue la última noche todos juntos.

El día 4-06-11 fue el último día y el que nadie quería vivir. Fue una despedida muy triste, muchos llorando, porque aunque parezca mentira, en una semana se le coge mucho cariño a algunas personas. Queremos verlos y esperamos que sea dentro de poco.

Gracias por esta semana inolvidable.

Ver resto de fotos

Programa de Recuperación e Utilización Educativa de Pobos Abandonados

2011-06-03T17:32:00.002+02:00

Bubal (Huesca) 22/05/2011-28/05/2011 3ºESO

Nuria Basteiro e Francisco Basalo, Bubal. É difícil describir esta excursión. A verdade... foi unha semana inolvidable... Pero non inolvidable coma a final dunha copa de fútbol ou o día no que te atopas ó teu actor favorito pola rúa... Non. Inolvidable de verdade, un deses recordos que sabes que por moitos anos que pasen ou por moito que as cousas cambien sempre che sacarán un sorriso.

Panorámica de Bubal

Lembraremos unha semana na que nos dous primeiros días se aveciñaba moi longa e que finalmente resultou ser demasiado curta. Unha semana na que o pasamos xenial e convivimos con xente nova nun entorno rural, no corazón do Val de Tena, rodeados por enormes montañas.

Por unha parte esta experiencia serviunos para coñecer un modo de vida pasada e revivirmos anos e anos da historia de Bubal e dos pobos dos Pirineos en xeral así como das suas xentes. Pero por outra parte ensinounos a convivir como adultos facendo tareas domésticas ou aprendendo a cooperar en traballos como a construción, cortar a leña ou arranxar valados...

Tamén puidemos disfrutar do noso tempo libre en diversas actividades coma xogar o fútbol, o Pim-Pom, o futbolín, as cartas, escoitar música ou simplemente dar un paseo polos escuros e á vez máxicos camiños do pobo.

Persoalmente cremos que esta estancia en Bubal nos enriqueceu e nos fixo madurar como persoas.

É preciso tamén recoñecer a profesionalidade de todos e cada un dos monitores e monitoras así como o resto do personal responsable de que esta actividade funcione tan ben como o está a facer. Grazas.

Galería completa de imaxes (clic aquí)

Coñece máis de Bubal: pdf sobre Bubal

SE GRADUARON … POR FIN!

2011-06-03T17:07:00.005+02:00

María C. Varela, Viana do Bolo. El pasado jueves, día 26 de mayo, celebramos la fiesta de Graduación de los alumnos de 2º de Bachillerato y también entregamos los diplomas a la primera promoción del Ciclo de Grado Medio de Atención Sociosanitaria. Comenzó el acto con el discurso del representante de los padres, el Sr. Don Andrés Montesinos. Seguidamente les tocó el turno a los representantes de los alumnos de 2º de Bachillerato, el Sr. Don Álvaro y la Srta. Doña Marina. Su discurso nos hizo reír y llorar (En el acto lloró hasta el apuntador).

Pero también nos sirvió para ver cuánto talento albergaban estas paredes. Le tocó el turno al tutor, que embargado por la emoción, lloró “a mogollón” (¡Ánimo, Jose! ¡Tú si que vales!). Por último le tocó el turno a Adrián, el profesor del Ciclo, que nos deleitó con los ecos de su voz.

Concluidos los sermones, pasamos a la entrega de orlas y premios. Se entregaron los premios del Concurso Hispanoamericano de Ortografía, cuyo primer premio fue concedido a Don Petrus Basalus Benevivere, más conocido por los indígenas de la zona por Pedro Basalo Bembibre, un futuro Filólogo que nos abandona para dedicarse a las nobles labores del Studium Litterarum Hispanarum. A este insigne estudiante se le otorgó, también , el certificado que lo acredita como el más “amante del Studium” de su promoción, pues en él se le imponía el noble título de Bachiller con Matrícula de Honor (¡Anda que no sabe Latín éste!).

El acto estuvo amenizado por el coro del instituto dirigido por la única, la inimitable, la inigualable… profesora de Música, Ilda. Después de un pequeño sainete dramático interpretado por el señor Don Federico (al que los dioses cuiden la memoria, per saecula saeculorum) y la que aquí escribe, disfrutamos con la proyección de un magnífico vídeo realizado por nuestra querida alumna Estela, que nos permitió ver cuánto han cambiado estos chicos, y cuán guapos eran en tiempos pretéritos, confirmado el consabido dicho de que ”cualquier tiempo pasado fue mejor”.

Concluido el acto fuimos a “cultivar el corpus” con unos deliciosos manjares ofrecidos por el Sr. Director y maravillosamente preparados por Patricia. (Gratias vobis agimus!). Manjares que fueron amenizados por las melodiosas voces de nuestros niños del coro, de nuestro matemático preferido (que además tiene nombre de poeta latino) Ovidio, y de nuestro, no menos preferido, profe de Tecnogía, Jose. (También os damos las gracias). Arturo, Ginebra y demás caballeros de la mesa redonda, pusieron fin a la Graduación en el pub Camelot. Bueno, hay que decir que algunos caballeros y damiselas pusieron fin a la fiesta en dicho lugar, otros desconozco en qué lugar acabaron la celebración. Bien es verdad que, todo hay que decirlo, al día siguiente, estaban desayunando en la cafetería Chusco en torno a las 9:00 de la mañana y se disponían a subir al instituto con todas las intenciones de invocar a Morfeo.

Visita á ESAD e ó CMUS de Vigo

2011-06-02T17:03:00.001+02:00

Ilda Luaces, Vigo. O pasado mércores 25 de Maio, alumnado pertencente a cursos desde 1º da ESO ata 2º de Bacharelato, acompañados polas profesoras Liliana, María e Ilda, realizaron unha excursión a Vigo para visitar a Escola Superior de Arte Dramático e o Conservatorio Profesional de Música.

Diante da ESAD

Pola mañá, na ESAD, o alumnado participou en diversos talleres de Dramaturxia, Expresión Corporal e Dirección, impartidos por profesorado do centro, cos cales puideron achegarse un pouco máis a diferentes ámbitos do Arte Dramático.

Á tarde, asistiron a un taller de canto impartido polo profesor de coro do Conservatorio, Ángel, e a continuación presenciaron un ensaio co coro do Conservatorio.

No CMUS

(Clic sobre as imaxes para amplialas)
(Clic aquí para ver a galería completa de imaxes)

Rutas literarias

2011-06-02T16:54:00.004+02:00

Carlos Ferreiro, Sevilla. Tras un largo viaje de 10 horas, la tarde del domingo 29 de mayo llegábamos llenos de ilusión al albergue Inturjoven de Sevilla. Curiosamente, en ese momento hacían entrada nuestros compañeros y compañeras del IES ABYLA de Ceuta, con los que estamos compartiendo estos increíbles días. TRas el reparto de habitaciones, realizamos una dinámica de presentación y nos dirigimos a cenar. Desde un primer momento se pudo observar la buena sintonía de ambos grupos que ya se conocían por mail y redes sociales.

Momento de descanso (galería completa)

La Ruta Literaria Poetas del 27 comenzó ayer, lunes 30, en Sevilla. Por la mañana visitamos la casa natal de Bécquer, la iglesia de Jesús del Gran Poder y recorrimos la parte más antigua de Sevilla desde el barrio de Santa Cruz hasta el Parque de María Luisa y la Plaza de España, siguiendo el itinerario vital y poético de Luis Cernuda. Por la tarde, chicos y chicas disfrutaron de los Reales Alcázares, y dispusieron de tiempo libre en el entorno de la Catedral hispalense.

Esta mañana llegó una de las jornadas más esperadas: nos dirigimos en autobús hasta el Puerto de Santa María (Cádiz), para visitar la Fundación Rafael Alberti, en la casa donde vivió el universal poeta gaditano la mayor parte de su vida. Más tarde conocimos el Colegio San Luis Gonzaga, donde, además del propio Alberti, estudiaron insignes figuras literarias como Juan Ramón Jiménez o Pedro Muñoz Seca. La comida fue un picnic en el pinar de la playa de La Puntilla, en el Puerto, que terminó con un impresionante baño en un Atlántico bastante menos frío que el nuestro...

Por la tarde fue el turno de la naturaleza, con un Paseo por las Marismas de Puerto Real, que conectaba con lecturas del alumnado de fragmentos literarios de Alberti. La jornada termina con un paseo nocturno y un refresco por Sevilla, y pronto a dormir, porque mañana nos esperan un madrugón, Málaga y Granada...

Emotiva despedida a un amigo

2011-05-30T14:38:00.001+02:00

"A toda la comunidad educativa del IES Carlos casares, y en especial a la familia de Richard. Conmocionada todavía por la noticia, recibid mi más sincero pésame y mi cariño en estos difíciles momentos. Saludos."

Verónica Herrera

"Acabo de ler a noticia... A verdade é que me enterei da súa desaparición no momento en que falastes diso o día da graduación de 2º de Bacharelato, e foi un lóstrego que me sacudiu o corazón. Dende ese día seguín a noticia e o domingo nos xornais vascos lin que aparecera... non o quito da cabeza, teño unha pena inmensa porque a vida o tratou moi inxustamente, e lémbrome del cunha claridade absoluta... o seu sorriso, a súa mirada pícara... era un bo neno... pobriño... Só espero que se hai algo máis aló, lle toque un mundo máis xusto..."

Ángeles Rodríguez Llamazares

"Eu simplemente quería dicir que Richard era unha excelente persoa e un tío moi divertido. Sempre que estabas con el facíate rir, en calquera situación. El sabía como sacarche un sorriso aínda que estiveras mal.

E para min non só era iso, era un amigo. Porque aínda co problema que el tiña eu entendíame perfectamente con el. E foi para min un reto ter un amigo xordomudo e poder ter esa capacidade para entendernos.

Non poido crer que lle tivera que pasar isto, porque era moi forte e moi valente. E sabía seguir adiante con calquera problema que tivera, e cun sorriso.

Ben, Richard, esteas onde esteas quero que saibas que te quero, e que nunca te olvidarei, nin eses momentos que pasei contigo, porque fuches moi bo amigo. E como ti me dixeches a última vez que falamos... extráñote moito!"

Teresa Rábano

ELEGIA A RAMÓN SIJÉ

(poema de Miguel Hernández, lido por María C. Varela)

(En Orihuela, su pueblo y el mío, se me ha
muerto como del rayo Ramón Sijé, con quien
tanto quería.)

Yo quiero ser llorando el hortelano
de la tierra que ocupas y estercolas,
compañero del alma, tan temprano.

Alimentando lluvias, caracoles
Y órganos mi dolor sin instrumento,
a las desalentadas amapolas

daré tu corazón por alimento.
Tanto dolor se agrupa en mi costado,
que por doler me duele hasta el aliento.

Un manotazo duro, un golpe helado,
un hachazo invisible y homicida,
un empujón brutal te ha derribado.

No hay extensión más grande que mi herida,
lloro mi desventura y sus conjuntos
y siento más tu muerte que mi vida.

Ando sobre rastrojos de difuntos,
y sin calor de nadie y sin consuelo
voy de mi corazón a mis asuntos.

Temprano levantó la muerte el vuelo,
temprano madrugó la madrugada,
temprano estás rodando por el suelo.

No perdono a la muerte enamorada,
no perdono a la vida desatenta,
no perdono a la tierra ni a la nada.

En mis manos levanto una tormenta
de piedras, rayos y hachas estridentes
sedienta de catástrofe y hambrienta

Quiero escarbar la tierra con los dientes,
quiero apartar la tierra parte
a parte a dentelladas secas y calientes.

Quiero minar la tierra hasta encontrarte
y besarte la noble calavera
y desamordazarte y regresarte

Volverás a mi huerto y a mi higuera:
por los altos andamios de mis flores
pajareará tu alma colmenera

de angelicales ceras y labores.
Volverás al arrullo de las rejas
de los enamorados labradores.

Alegrarás la sombra de mis cejas,
y tu sangre se irá a cada lado
disputando tu novia y las abejas.

Tu corazón, ya terciopelo ajado,
llama a un campo de almendras espumosas
mi avariciosa voz de enamorado.

A las aladas almas de las rosas...
de almendro de nata te requiero,
que tenemos que hablar de muchas cosas,
compañero del alma, compañero.

In Memorian

2011-05-29T17:57:00.003+02:00

Loito no IES Carslos Casares de Viana por Richard Oliveira

Lamentablemente a noticia que se temía chegou. O mar devolveu o corpo de Richard Oliveira da Silva na mañá do sábado 28 de maio de 2011. Afogou o luns na praia de Zarauz, en Euskadi, cando se tiña desplazado alí desde Pamplona, onde vivía na actualidade. Richard naceu en Santos, unha cidade costeira de Sao Paulo, en Brasil. Compartiu con nós varios anos de estudo, na ESO, e no Programa de Cualificación Profesional Inicial. O último ano da ESO, Carolina a súa interprete, axudouno a que a súa xordeira non fose un atranco e, co seu esforzo e superación, chegou á meta. Richard foi e será un membro recordado da comunidade educativa do IES Carlos Casares de Viana do Bolo.

En sinal de loito as bandeiras exteriores do instituto ondearán a media asta durante catro días e, no interior, a súa bandeira brasileira acompañará a súa foto con crespón negro. O luns 30 de maio, ás 13:00, gardaremos un minuto de silencio en lembranza de Richard.

Descansa en paz e grazas por compartir con nós parte da túa vida.

Enlace de prensa: http://www.laregion.es/noticia/156199/aparece/cadaver/alumno/viana/

Sen fronteiras II

2011-05-27T00:10:00.001+02:00

Vicedirección, IES. Hoxe, venres, 27 de maio, tivo lugar a presentación no IES Carlos Casares do volumen Sen Fronteiras II. Este libro, coordinado polos profesores Monserrat Ulloa e Carlos Ferreiro, está financiado por fondos Interreg III, da Unión Europea, e terá unha distribución ampla en diferentes bibliotecas públicas e universitarias de Galicia e Portugal.

Presentación de "Sen fronteiras II" na Aula Magna Xesús R. Jares

A obra contén diferentes experiencias de innovación educativa, recoñecidas, en diversas materias (bioloxía, literatura, matemáticas, educación para o desenvolvemento, educación para o consumo, teatro, etc) e que se levaron a cabo na Escola Secundaria Monte da Ola de Viana do Castelo (Portugal) e no IES Carlos Casares de Viana do Bolo-Ourense.

Link prensa: La Voz de Galicia.es

Entramos a concurso

2011-05-27T00:01:00.000+02:00

O lipdub "I love rock'n roll" de 4º da ESO supera a 1ª preselección do concurso Olloboi

Ilda Luaces, Viana do Bolo. O lipdub realizado polo alumnado de 4º da ESO do IES Carlos Casares superou a 1ª fase de selección para entrar no concurso Olloboi. Xa podedes velo na páxina de rodaxe: http://rodaxe.info/.

O lipdub "I love rock'n roll" en http://rodaxe.info/ (clic sobre a imaxe para ampliala)

Proximamente poderedes acceder á votación do público, o traballo audiovisual que reciba máis votos levará o premio do público. En canto empece a votación poñeremos enlace directo no Choupín, ¡estade atentos!

Moito máis que samba

2011-05-24T10:02:00.005+02:00

Carlos Ferreiro, Viana do Bolo. Durante as xornadas de hoxe 24 e mañá 25 de maio, temos a oportunidade moi especial no IES Carlos Casares de contar con tres invitados brasileiros que nos van a achegar dun xeito completo a unha panorámica da historia, cultura, música, desenvolvemento científico e industrial e ao cinema dese xigante do Cono Sur que é o Brasil.

Momento na aula de música (Fotografía: Ovidio Villar)

As actividades serán impartidas por Leandro Pereira, profesor na Universidade de Lisboa e Doutor pola Universidade de Sao Paulo, a psicóloga Mariluci Vieira, e o estudante de Historia da Universidade do Estado de Rio de Janeiro, Thiago Bastos.

Cun grupo nun corredor (Fotografía: Luis Calvo)

Xunto a Carlos Casares (Fotografía: Luis Calvo)

A actividade inicial tivo lugar na aula de Música para o alumnado de 4º da ESO, cun obradoiro sobre o "Panorama da música brasileira actual", na que se falou dos ritmos máis coñecidos do país carioca, samba, bossa nova, pero tamén do rock e pop actuais, da capoeira como disciplina deportivo-musical, e insistiuse na riqueza e na variedade das manifestacións culturais e musicais brasileiras, alén do tópico da samba e o Carnaval. Máis tarde, Thiago Bastos disertou, nas materias de Historia de 4º de ESO e 1º de Bacharelato, sobre o tema: "Migracións de ida e volta". Por último, Leandro e Mariluci, organizaron unha dinámica para 1º e 2º de ESO acerca de "A lingua galego-portuguesa no Brasil", con referenzas a contos tradicionais infantís.

Na Aula Xesús R. Jares (Fotografías: Ovidio Villar)

O colofón a esta gama tan extensa de actos terá lugar mañá cunha charla para todo o centro, e aberta á comunidade cidadá de Viana, as 10 da mañá, titulada "Achegamento a Brasil: unha potencia emerxente", na que participarán os nosos tres expertos convidados, e culminaremos ás 12 horas coa proxección e coloquio sobre o filme brasileiro "Tropa de elite".

Probablemente sexa esta a actividade adicada a un país máis completa nos últimos cursos, polo que agradecemos o esforzo que os invitados fixeron por vir a coñecernos e difundir a cultura do seu país desde Lisboa e Jaén, respectivamente. Hoxe estamos máis cerca, pois, do Brasil e sabemos quie é moito máis que samba e fútbol.

Mediadiores e mediadoras 2011

2011-05-22T17:10:00.001+02:00

Fotografía: J.Fouz

Brasil en Viana

2011-05-21T13:59:00.006+02:00

Luis Fernández, Viana do Bolo. Grazas á colaboración dunha amiga do IES Carlos Casares, a profesora Erica da Silva Sarmiento, podemos ter dúas xornadas de aproximación á realidade do Brasil, da máxima categoría pola calidade dos docentes que nos visitan.

ampliar imaxe

¡Gran evento!: 1º Lipdub do IES Carlos Casares

2011-05-21T13:26:00.004+02:00

Ilda Luaces, Viana do Bolo. O alumnado de 4º da ESO da optativa de Música, coa axuda como extras de algúns alumn@s de 1º de Bacharelato, realizaron un Lipdub empregando a canción "I love rock'n roll" (a versión realizada por Joan Jett & The Blackhearts no 1982) Despois de moitas semanas de traballo e ensaios, xa temos en Youtube o LIpdub rematado. Proximamente vaise inscribir no "III Concurso Audiovisual Galego Olloboi", e durante parte do mes de Xuño estará dispoñible para as votacións. Consta de 3 premios, entre eles o premio do público, no que conta o número de votos online que reciba cada vídeo, ¡así que fagamolo circular! En canto estea inscrito no Concurso poñeremos anuncio no Choupín e enlace directo á páxina de Rodaxe. E agora, desfrutade co noso Lipdub!

Letras Galegas 2011

2011-05-20T15:51:00.000+02:00

Montse Rey, Viana do Bolo. O pasado 13 de maio, festexamos no instituto o Día das Letras Galegas que, como sabedes, este ano se lle dedicou ao poeta monfortino punk Lois Pereiro. Na primeira parte houbo representacións teatrais a cargo do alumnado de 2º e 3º de ESO. A continuación, puidemos escoitar o recitado de varios poemas do poeta homenaxeado, na voz de alumnos de 3º PDC e de 4º da ESO. Todo isto alternado con música en directo interpretada por Samuel Balboa, Pablo Sánchez e Breixo Tomé.

Como remate do acto, déronse a coñecer os gañadores do relato curto organizado polo ENDL e que foron os seguintes:

PRIMEIRO CICLO:

1º PREMIO: Tania Yáñez Rodríguez con “O amigo imaxinario”

2º PREMIO: Denis Pérez Salgado con “O ladrón de ovellas”

SEGUNDO CICLO:

1º PREMIO: Breixo Tomé Díaz por “A porta do ego”

2º PREMIO: Samuel Balboa Gómez por “Señor presidente”

BACHARELATO:

1º PREMIO: Susana García Pérez con “O meu lobo”

2º PREMIOS : Sergio García Álvarez e Inés Ortega Fernández por “A igrexa de Xares” e “A casa vermella”, respectivamente.

Desde os Departamentos de Lingua Galega e Normalización Lingüística -que foron os encargados da organización– queremos agradecer enormemente o traballo que fixeron todos os rapaces e rapazas, collendo tempo dos seus recreos, para poder sacar adiante a actividade. Tamén queremos agradecer a participación, que foi masiva, no concurso de relatos curtos e animar ós rapaces a continuar escribindo, xa que o nivel foi bastante notable.