Asinados os Contratos-Programa

Na mañá de hoxe, 30 de xaneiro, o IES Carlos Casares, representado polo seu director Carlos Ferreiro, asinou en Ourense o convenio dos Contratos-Programa para este curso 2012-2013. O Acto tivo lugar no Edificio Administrativo da Xunta de Galicia, e contou coa presenza do Conselleiro de Cultura, Educación e O.U. Xesús Vázquez Abad e da Xefa Territorial, Mercedes Gallego. Nas súas palabras o Conselleiro agradeceu o esforzo das comunidades educativas en tempos difíciles e salientou o mérito de 9 dos 35 centros ourensáns incorporados ao Programa que actúan en dúas liñas diferentes. É o noso caso, co PROA, que conta con 10 alumnas e alumnos, adicado ao reforzo para alumnado con necesidades educativas especiais, e o "Quero Máis" que busca a excelencia académica nun grupo que contará con 15 participantes.

Dende o Equipo Directivo do centro, que coordinou a selección do alumnado conxuntamente co Departamento de Orientación, debemos agradecer especialmente a colaboración voluntaria do profesorado do "Quero Máis", que este ano ademáis aumentou o número de docentes, chegando a 8, destacando entre eles a presenza nunha das sesións de Luis Fernández, o noso antigo director, que impartirá o 3 de abril un módulo sobre "Como plantexar un proceso de investigación científica?" Agardemos que a avaloración do alumnado do Programa sexa positiva.