O. Villar | Onte celebrouse a VII Semana da Orientación no IES Carlos Casares. A xornada, inaugurada pola Xefa Territorial de Educación Mercedes Gallego, foi valorada como moi positiva por parte dos asistentes. O alumnado de 3º ESO, 4º ESO e Bacharelato coñeceu de primeira man o funcionamento das universidades galegas, entre outras, e os aspectos máis relevantes dos ciclos formativos que se poden cursar, entre outros lugares, na Pobra de Trives ou no Barco.
Durante a mañá visitáronnos as Universidades de Santiago de Compostela, Vigo, A Coruña, León e Chaves. Xa pola tarde, leváronse a cabo tres talleres informativos: o de infantería de marina, o de electricidade e o de mecánica. Roberto Cid, inspector de educación, valorou este tipo de iniciativas como útiles, vitais e de necesaria conexión coa realidade.
Ningún comentario:
Publicar un comentario