Cando o pan sabía a pan....

Ansemil | Cando o pan sabía a pan é unha pequena mostra dunhas horas máxicas de gravación que compartimos coa señora Chon e os seus veciños alá polo outono do 2009. Chovía en Quintela de Edroso cando o Telmo, Inés e eu chegamos cargados co trípode, a cámara e un foco prestado que non funcionou. E alí estaba a señora Chon cos seus veciños! Oitenta e dous anos nun corpo de braciños miúdos que se tornaron pólas de rebolo cando comezaron a remexer na masa. O milagre do fermento e o lume fixeron o resto.

Dende aquela, sempre que un pan me sabe a pan pecho os ollos e vexo á señora Chon a contraluz remangada enriba da artesa, entón sei que hai cousas que aínda están ben. Un tamén precisa algunha certeza á que aferrarse.

Saúde!

Ya basta de que nos manipulen

Jonathan R. | Estamos hartos de ver famoso, a ricos, a futbolistas, ... ¿realmente son felices? ¿Que hace falta para tener una vida plena? ¿Hacen falta muchas cosas para ser felices?

Desde luego no estaría mal ser ricos, pero eso no da la felicidad. Que si, que ya se que nos ayuda, pero ¿Realmente nos llena por dentro?

Desde luego que no. Ser buenas personas, ayudar a los demás y empezar por nosotros mismos, así es como podemos ser más felices y llegar a cambiar un pelín este mundo.

Pero no, nos encerramos en lo superficial y valoramos las personas que siempre andan peleando con los demás , borrachos y armando. Por favor, parecemos críos. Hay que valorar a una persona por lo que es como tal, y no por lo que tiene.

La televisión tiene mucha culpa. La sociedad tambien, los hombres queremos tener 3 o 4 mujeres a la vez. ¿Para que? Para presumir ¿No es esto acaso, algo superficial? ¿Un chaval o un hombre que no tenga novia ya no vale nada? Por favor en que mundo vivimos.

Os pido por favor que cambieis ya, que no valoremos las personas por lo que tengan, si no por lo que son.

Contratos-Programa para o curso 2013-14

Onte asináronse en Ourense os Contratos-Programa 2013-14, en base aos proxectos que os diferentes centros educativos da provincia elaboran para traballar dunha forma máis eficaz a atención á diversidade. Entre outros contratos asinados polo Conselleiro de Educación, Cultura e Deporte, Jesús Vázquez, figuran os dos dous centros vianeses. Francisca Rodríguez (Directora do CEIP Bibei) e Carlos Ferreiro (director do IES Carlos Casares) acodiron a esta reunión en representación dos seus respectivos centros.

Imaxe: http://www.edu.xunta.es/web/node/11545

Ver a nova no portal educativo.

Un lapis e moitas mans

Carlos F. | No día de onte, 16 de xaneiro, o alumnado de 4º da ESO, guiado pola compañeira de Intered Paz Caínzos, organizou unha sesión formativa-divulgativa arredor da campaña Actúa con Coidados.

Preparando a actividade con Paz

Unha escena do lapis colaborativo

Tras unha primeira parte da sesión na que se levou a cabo un xogo grupal, o do "lápis colaborativo", que pretende ensinar como os logros colectivos son máis rendibles que os retos individuais, na segunda parte, entraron na Aula Magna os estudantes de 1º da ESO. Os seus compañeiros de 4º espuxeron unha serie de problemáticas en torno aos coidados, divididos en cinco apartados: violencia de xénero, atención a dependencia, incendios forestais, consumismo e descoido do medio ambiente. Logo de establecer os perxuizos que implicaba cada un deles, iniciouse un debate entre os máis novos acerca de cal lles parecía máis urxente á hora de ser abordado no instituto, e foi elixido de xeito claro o da violencia contra a muller. Polo tanto, sen esquecer o resto dos problemas, esa terá que ser unha vía de traballo prioritaria nas nosas actividades da escola...

O alumnado de 1º de ESO, atento ás intervencións dos compañeiros e compañeiras de 4º de ESO

Presentación de Ilustres en Viana do Bolo

O pasado venres 10 de xaneiro, presentouse na Casa da Cultura de Viana do Bolo o libro "Ilustres". No acto, presentado por Óscar López, fíxose un percorrido pola historia vianesa, como preludio á vivencia que supuxo, en mans e boca do propio autor Carlos X. Ares, escribir "Ilustres".

De esquerda a dereita: Carlos X. Ares (autor), Carlos Ferreiro (Director IES Carlos Casares)

Ao comezo, tomou a palabra o Director do IES Carlos Casares, Carlos Ferreiro, lembrando o Proxecto de Cooperación do centro vianés coa Unidade Educativa Timoteo Rondales de Bermejo, Santa Cruz (Bolivia) e a importancia de manter con vida este vínculo. E é que este foi un acto altruísta, no que se agasallou cun exemplar de Ilustres a cada persoa que aportou un donativo para que rapaces e rapazas bolivianas poidan continuar os seus estudos académicos. En palabras do propio Carlos Ferreiro, "agradecemos a Carlos Ares este fermoso agasallo que é a súa obra Ilustres, que fará que a educación en Bolivia siga sendo unha realidade para moitos mozos e mozas".

Ilustres

Carlos F. | Neste pasado venres, 10 de xaneiro, ás 11:15 h, tivo lugar no IES Carlos Casares de Viana do Bolo a presentación oficial do libro Ilustres, escrito polo vianés Carlos Xavier Ares Pérez, e prologado por Óscar López Mendaña. A obra traza un percorrido histórico, cultural e social polas tradicións da bisbarra vianesa e detense na biografía dun total de 18 persoeiros destacados da vila, en todas as épocas e en diversas facetas (política, científica, artística, empresarial...). Intégranse exemplos actuais como o Mago Teto, os artistas Piquico, Poldras ou Nieves Fernández, importantes no século XX como a doutora Charo Castells, ou de periodos ben máis lonxanos como sucede con Santiago Morán, pintor de cámara de Felipe III e predecesor nesa honra do propio Diego Velázquez.

Instantánea de Ilustres nun momento do acto

Estiveron invitados á presentación os homenaxeados e homenaxeadas actuais, representantes das familias de todos eles, os concellos da bisbarra, etc., e contamos coa presenza de Luis Fernández, anterior Director e hoxe Rector do CCEE Reyes Católicos de Bogotá-Colombia. O acto foi presidido pola Xefa Territorial da Consellería de Cultura, Educación e O.U. en Ourense, Mercedes Gallego Esperanza, e polo director do centro, Carlos Ferreiro González, e permitiu un achegamento á obra de Carlos Ares e á vida dos "ilustres" dun xeito máis vivencial.

Mesa inaugural

Durante o mesmo, pintores como Piquico e Poldras, elaboraron un debuxo que deixaron como presente para o centro, o mesmo que fixo Nieves Fernández cunha das súas esculturas. Contamos tamén cun intre de maxia e humor a cargo de Teto. O acto finalizou cunha foto de familia dos "ilustres" vivos e de representantes das familias e amigos dos que pertencen a épocas pasadas e xa non están con nós.

A implicación do IES Carlos Casares foi absoluta dende o primeiro instante, afrontando a edición de "Ilustres" en formato ebook. Nese sentido, é destacable a tarefa do Vicedirector, Ovidio Villar, que levou a cabo a maquetación e a edición dixital da obra de xeito altruísta e cun duro traballo durante as vacacións do Nadal.

Dentro do espírito do noso IES, que se centra na Cooperación para o Desenvolvemento, esta obra entrégase como agasallo para todas aquelas persoas que decidan colaborar, a través dun donativo de 5 euros, co proxecto de irmanamento que dende hai anos une ao IES Carlos Casares coa UE Timoteo Rondales de Bermejo SC, Bolivia. A resposta da vila vianesa só pode ser definida como excepcional, e xa a día de hoxe se acadaron uns 550 euros, que supoñen case dúas becas para estudos superiores durante un ano para os nosos e as nosas estudantes de Bermejo. Moitas grazas a todas e todos e como non  a Carlos Ares e Óscar López pola súa xenerosidade.

Galería de imaxes