Galiciencia 2014

Adrián P. | O pasado venres 21 de novembro de 2014, o alumnado de 1º, 2º e 3º da ESO puidemos visitar a edición de Galiciencia 2014 no Parque Tecnolóxico de Ourense. Alí explicáronnos os procesos de cristalización, ademáis de explicarnos a repercusión das investigacións nese campo de diferentes científicos que gañaron o Premio Nobel. Noutra sala tivemos unha clase práctica sobre a importancia das ondas, con experimentos musicais e xogos estilo "Guillermo Tell". Ao final dirixímonos a unha carpa onde desfrutamos dos experimentos dos centros seleccionados para a fase final de Galiciencia 2014.

O alumnado do IES Carlos Casares, que tamén participou no certame de fotografía Galiciencia 2014

María

Se tódolos camiños levan a Roma, como se sae de Roma?
Bonito anxo, María.

Que decirche que non saibas xa?
Que te imos botar moito de menos, eso xa o debes de saber, non nos cansaremos de dicilo; non nos cansaremos de dicir que fuches, es e serás a mellor, non só como profesora, senón como amiga, a cal nos levantaba a cabeza cada vez que estabamos mal, tristes ou decaídos. Grazas por ser a nosa segunda nai, por coidarnos sempre, por preocuparte por ter unha sonrisa para nós ainda que estiveses cansada, triste ou enfadada.
Por facer todo o posible para que nunca nos renderamos: esa paixón  que tiñas por sacar o mellor de cada un de nós.
Dicías que nunca te deitarías sen aprender algo novo e hoxe nós aprendemos algo: a vida é demasiado curta como para non ser un mesmo, e ti, nese sentido fixéchelo moi ben, sempre sendo ti, únicamente ti. Polo teu “vamos chiquis” ao empezar a clase, ou por esas gañas de facer plans para o futuro, e nós intentaremos seguilos.
María, sempre estarás con nos “ab aeterno” e “conditio sine quae non"

Lucía Estévez Mato, Alicia Blanco Parada, Fátima Estévez Basalo e Marta Fernández Guerra (Alumnas de Latín e Grego de 2º de Bacharelato)

Rutas CAL 2014, 3° día

Moi esperado o paseo matutino polo barrio gótico, e demasiado curto, se cadra. Quedamos con gañas de máis... Xa pola tarde, visita guiada ao Aquarium e relaxado paseo pola praia da Barceloneta...

Nas imaxes podedes ver: simbolixía no barrio gótico (a xustiza é volátil coma as anduriñas e lenta coma unha tartaruga), paseo pola "Catedral do Mar" (guiño a I. Falcones), Colón sinalando América, sala de tiburóns e paseo pola praia. Se queredes, podedes consultar a crónica diaria feita polos diferentes grupos aquí:

http://orillasdelmar.wordpress.com/

Rutas CAL 2014, 2° día

Hoxe comezamos o segundo día cun maxistral Gaudí. As visitas ao Park Guell, a Pedrera e a Sagrada Familia sensacionais. Día de selfies e de convivencia. Somos un so grupo.

En breve veredes o blogue que entre todas e todos estamos a crear. Mentres tanto, un aperitivo: azotea da Casa Milá, bicas vianesas compartidas e equipos de periodistas traballando.

Rutas CAL 2014, 1° día

Primeiro día de viaxe para participar na oitava das Rutas Científicas, Artísticas e Litetarias, neste caso Cataluña e Valencia, propostas dende o MECD. Dura xornada de viaxe, pero a ilusión e as gañas intactas. Ao chegar a Castellbisbal por fin coñecemos aos compañeiros e compañeiras de Quintanar de la Orden, Toledo, que compartirán con nós esta aventura.

Nas seguintes fotos podedes ver, respectivamente, o noso paso polo Meridiano de Greenwich e a xuntanza do Carlos Casares co Alonso Quijano.

Samaín larpeiro

Loli G. | Conta a tradición que o Samaín é o momento no que as almas dos mortos voltan aos seus fogares para visitar os seus familiares que aínda viven. Aproveitan a visita para atopar comida e lume e así entrar en calor. Para manter os espíritos contentos e afastar as malas influencias, as familias déixanlles comida fóra...

O ENDL vén de convocar unha conmemoración larpeira para o Samaín. E a resposta do alumnado, alucinante... e exquisita. Mirade, mirade...

Torta gañadora

A gañadora do concurso de tortas, Ana Mancebo Macía, conta que lle encanta todo o relacionado coa cociña. De feito quere facer un ciclo superior de Hostelería. A persoa que lle ensinou a cociñar é a súa avoa, a quen lle está moi agradecida.

Halloween!

O grupo de 3°ESO B presentounos recentemente unha serie de carteis conmemorativos do Hallowen. Dende as súas orixes ata o máis enxebre Samaín.

Machismo e violencia de xénero

Hoxe o alumnado de 2° de ESO compartiu con Sara (C.I.M. Viana do Bolo) tempo e espazo para analizar diferentes formas de machismo e a súa relación directa coa violencia de xénero. Preparando xa o 25N...

Catalogando...

O Equipo de Biblioteca non para. Un grupo de profesorado traballa na biblioteca varias horas diarias (na imaxe, María e Monse catalogando libros). Ademais, o alumnado voluntario xestiona o préstamo nos recreos, e en breve o Clube de Lectura "O Gato Samuel"  participará nunha tertulia literaria en Allariz. Pódese pedir máis?

CEAM Viérnoles, día 5

Carlos | A última mañá de estancia no CEAm comezou tendo que facer as maletas e logo de almorzar tivemos dous talleres que dirixiron os profes de Viana e Cortegana. O taller que propuxeron os de Cortegana era un dominó do cambio climático, consistía nun xogo de catástrofes que podían aparecer por culpa do cambio climático e estivemos barallando distintas opcións para diminuír o quecemento global. Acto seguido fixemos un xogo para aprender a que colector debería ir cada material.

O taller que dirixiron Jose e Monse chamábase “Xogo dos cubos solidarios”, repartíronnos en grupos asignándonos un pais (Canadá, Chile, Filipinas e Etiopía), e co material que nos daban (non o mesmo a cada un) tiñamos que facer cubos. Con este xogo se reflictían as distintas oportunidades nos países. Falamos de que é inxusto que unha persoa por nacer en España, Canadá, Alemania teña maior número de oportunidades que outra persoa que nacese en Etiopía ou Filipinas e que non é de todo xusta a frase de “Son o que son por nacer onde nacín”.
Despois disto e da comida tocou a despedida logo de cinco días xuntos cos rapaces e rapazas de Cortegana e a promesa de seguir en contacto a lo menos a través do Whatsapp.

Durante a estancia do CEAm algúns compañeiros nosos fixeron de reporteiros fotográficos e blogeiros, o resultado podédelo ver no seguinte enlace (http://ceamcantabria.blogspot.com.es/)

II Encontro da Rede de Centros

Ovidio V. | Onte o noso centro participou, en Santiago de Compostela, no II Encontro da Rede de Centros Escolares Solidarios, programa enmarcado no Plan Proxecta e cuio máximo expoñente é a acción do voluntariado a través dos centros educativos. O IES Carlos Casares, como entidade de voluntariado que é, promove neste intre diferentes eidos de axuda e cooperación entre todos os membros da comunidade educativa, especialmente entre o alumnado. Algúns deles son Voluntariado de Biblioteca Escolar, TIC e Aulas Ecolóxicas, Equipo de Mediación Escolar, Voluntariado para Eventos Deportivos e para a Cooperación Internacional a través do Proxecto Viana-Bermejo.

Alumnado voluntario do IES Carlos Casares a caróndo seu stand

Detalle do stand

A xornada foi inaugurada pola Conselleira de Traballo e Benestar, Beatriz Mato, quen posteriormente adicou uns intres a analizar a realidade dos centros nunha conversa máis  informal co profesorado. Logo houbo tempo para coñecer a fondo os diferentes traballos levados a cabo por todos os centros participantes, tanto no curso pasado, co visionado de micromovies ou spots, coma neste curso, grazas á interacción entre alumnado e profesorado procedentes dos distintos puntos da xeografía galega.

Borja, durante a presentación do spot "Faite voluntario, é un agasallo"

Aproveitando a ocasión, presentouse tamén o logotipo da rede, e mesmo se comezaron a planificar algunhas accións a levar a cabo nos centros durante o mes de decembro. A xornada rematou cun exitoso worldcafe para o profesorado e un mercado de troco de obxectos entre rapaces e rapazas participantes.

Sergio, do Equipo de Comunicación do encontro, durante a clausura do mesmo

Galería de imaxes de Voluntariado Galego

CEAM Viérnoles, día 4

Hernán, Jorge, Samuel e Zaira | Hoxe xoves fomos a ver o Parque Natural de Saja-Besaya. Caracterizado por ser un bosque mixto caducifolio que ten como árbores principais os carballos máis abundantes na parte máis baixa e faias (cos seus froitos chamados “faiuchos”) abundantes nas partes altas. Na zona do río vimos o bosque de galería composto por abelaira, salgueiros, freixos... Polo camiño atopamos diferentes especies de musgos, liques (algúns son bioindicadores de aire limpo), setas, acivros moi desenvolvidos, había exemplares como árbores nos que as follas máis altas deixaban de ter pinchos e o seu borde era máis liso. Como é un bosque natural os troncos das árbores mortas non se retiran porque serven de hábitat e alimento a outros seres vivos (liques, musgos, escaravello, paxaros carpinteiros...).

Vimos tamén un lugar onde os xabaríns se dan baños de barro e os troncos das árbores onde logo se rascaban para desparasitarse (estaban cheos de barro).
Ao final da subida a pleno sol chegamos aos restos dun pobo abandonado chamado Rozas. Xa na baixada que fixemos un pouco máis rápido algúns estivemos aprendendo a imitar o son dos paxaros coas mans. Pola tarde, tivemos dous talleres: Environmental Impact e unha simulación sobre un posible proxecto de construción dun campo de golf en parte dos terreos do Parque Natural das Dunas de Liencres que fomos a ver onte.

No taller de inglés analizamos as accións do home causantes de impactos e os tipos de impacto segundo a consecuencia (positive or negative) e segundo o alcance (local, regional and global), cunha presentación. Logo por parellas contestamos nos ordenadores unha preguntas e despois todos expuxemos diante do grupo vestidos con chaquetas e fulares mentres nos gravaban (os vídeos están colgados no blog do CEAm (http://ceamcantabria.blogspot.com.es/). No taller de simulación dividíronnos en 4 grupos: construtores, políticos, habitantes da zona e ecoloxistas. Cada un defendeu a súa opinión con argumentos a favor e en contra sobre a construción do campo de golf e logo votamos. Saiu que non. O día rematou coa festa onde primeiro Carlos fixo un monólogo e logo bailamos.

XV Concurso Hispanoamericano de Ortografía

Miguel A., recollendo un merecido agasallo

Bruno L. | O día 22 de Outubro os alumnos Miguel Angél Meléndez, Diego Oliveira e Bruno López, acompañados polos profesores Carlos e Monse, viaxamos por segunda vez en dúas semanas ao XV Concurso Hispanoamericano de ortografía celebrado en Santiago de Compostela. O noso representante era Miguel Ángel, ao que notamos moi ilusionado e contento por dispoñer da oportunidade de representar ao instituto e facelo o mellor posible. Os seus compañeiros fomos animar ao noso amigo coa ilusión de pasar un gran día e quedar o mellor clasificado posible. E así foi, pasamos un gran día todos xuntos. Tamén quero facer especial mención ao papel desenrolado polos profesores acompañantes, que se portaron xenial en todo momento, facendo a viaxe máis amena e contribuíndo a que fose un día perfecto. O resultado non foi o mellor, esta vez non gañamos, pero a verdade é que había moita xente, a mellor de Galicia e xa por ese feito de estar aí entre os quince mellores de Galicia xa é un trunfo para Miguel e tamén para todos os demáis, incluindo o centro e os compañeiros. Cando o concurso rematou, fomos ao centro onde nos agardaba unha gran sorpresa, pois a nosa ex-profesora de lingua castelá, esperábamos nunha cafetería para tomar un placenteiro chocolate con churros en boa compaña. Por suposto non podían faltar as anécdotas. Diego e eu, mentres o noso compañeiro competía, tiñamos unha hora e propuxémonos chegar ao centro comercial que quedaba a 5km, e fomos por Santiago sin ninguna indicación ca sorte de acertar á primeira!!!

Bruno, Miguel A. e Diego, alumnos de 2º de Bacharelato

Tamén mencionar o ligue de Miguel, que coñeceu a unha rapaza moi simpática e... a ver que pasa!!! En canto aos profesores, comentar a velocidade á que nos levou Monse pola autovía en accións temerarias a 70 km/h e eramos adiantados polos camións!!! E en relación a Carlos, comentar o seu sufrimento polo Deportivo da Coruña e a súa loita por gañar algún partido. En conclusión, un gran día, coa mellor compaña posible!!! Estamos moi agradecidos.

Galería completa de imaxes