Enquisa de actualidade

Na xornada de hoxe, o alumnado de 3º ESO, 4º ESO e 1º BAC realizou unha enquisa sobre diferentes  hábitos e condutas relacionadas coa sexualidade.

Desta interesante enquisa, desprenderase información tan relevante como valores de respeto e tolerancia, realidade sobre igualdades (ou desigualdades) de xénero ou prácticas como o sexting, que ben seguro todas e todos queremos eliminar da vida cotiá. Estivo a realizar esta actividade no noso IES Patricia Ruído, da Universidade de Vigo (Ciencias da Educación - Ourense), e a quen moi posiblemente vexamos de novo en Viana.

O que Abalar uniu...

Hoxe casaron dúas persoas ben queridas pola comunidade educativa de Viana do Bolo. Pepe e Rosa, docentes do IES Carlos Casares e do CEIP Bibei respectivamente, deron un paso no que dende esta revista lles desexamos toda a felicidade do mundo. Parabéns, compis!

Avaliación 0

Ovidio V. | Onte xoves, pola tarde, desenvolveuse no IES Carlos Casares a Avaliación Cero en competencias. A avaliación de 1º de ESO foi compartida cos compañeiros e compañeiras dos centros de primaria de Viana do Bolo, Vilariño de Conso e A Veiga, a quen agradecemos a súa presenza dada a importancia que ten para nós o bo coñecemento do novo alumnado do centro.

Francisca Rodríguez, Directora do CEIP Bibei (segunda pola esquerda), durante unha intervención

As probas, que tiveron lugar a pasada semana, miden o nivel de competencia lingüística, matemática, dixital, social e cidadá e en interacción co mundo físico do alumnado da ESO.

Moulin Rouge

Uxía F., Joëly F. | O pasado venres 19 de setembro fomos ver un musical chamado Moulin Rouge, interpretado polos alumnos e alumnas do IES Taboada Chivite de Verín. Desfrutamos moito véndoos actuar. Ao finalizar o espectáculo, comemos un snack e regresamos ao instituto.

Voluntariado TIC 2014-15

J. Fouz | Con renovadas ilusións comezan os voluntarios as Abalar TIC o novo curso. Uns con máis experiencia, os de 2 curso; para outros é o primeiro ano no ies Carlos Casares. Son Guillermo, Tomé, Hernán, Cosme, Carlos (titor de apoio TIC dos de 1º de ESO), María, Iago, Rodrigo de 2º de ESO, e Lara, Míriam e Noé de 1º de ESO.

Voluntariato TIC de 1º de ESO

Voluntariado TIC de 2º de ESO

Voluntariado TIC de 3º de ESO

Unha das súas primeiras e moi útiles colaboracións foi o apoio nas probas de competencia dixital realizadas no Centro a todo o alumnado de Secundaria Obrigatoria. Distribución, supervisión e substitución de equipos, resolución de dúbidas ou atrancos coa páxina da aula virtual, ou tests, foron as súas tarefas nestas probas anuais. Colaborarán, tamén este curso, na distribución dos miniportátiles, dado o diferente número alumnado por aula, e a súa rotulación e rexistro, así como en resolver pequenas incidencias TIC de pizarras e portátiles, son, conexións á rede... levando o control das mesmas.

Apertura do curso escolar 2014-15

O IES Carlos Casares tivo a honra de estar representado, por medio do seu Director, na inauguración oficial do curso escolar 2014-2015, que tivo lugar este martes, 16 de setembro, no CEIP Ben-Cho-Shey, de Pereiro de Aguiar-Ourense, coa presenza das SSMM os Reis.

A Raíña dona Letizia con directores do rural ourensán

No sinxelo acto, o Director do Ben-Cho-Shey, Antón Gómez, fixo unha defensa da importancia da escola pública como garante da equidade e a igualdade de oportunidades, incidindo aínda máis no valor das escolas rurais, como divulgadoras dunha visión amplia e global do mundo. O acto pechouno o rei Felipe VI, que recalcou aspectos como a necesidade dunha educación adaptada á realidade social e da valoración da figura dos docentes como elemento chave na transmisión de valores.

Finalmente o acto pechouse cunha interpretación musical do tema "O son da auga" de Luar na Lubre, a cargo de varios alumnos de primaria de Pereiro de Aguiar e rematou cun pequeno aperitivo no que os monarcas departiron informalmente cos convidados.

Misión cumplida

Paloma Vargas e Juan Manuel Rivero xa recibiron os seus merecidos premios polos traballos fotográficos que presentaron ao X Certame Internacional de Fotografía Matemática, que convoca anualmente o IES Carlos Casares. Luis Fernández, de volta a Bogotá, foi o portador dos diplomas e os agasallos, entregados finalmente polos membros do departamento de Matemáticas do CCEE Reyes Católicos.

Fonte orixinal

Un certame, dúas realidades culturais

Esta mañá reencontrárone na Praza Maior de Viana do Bolo Luis Fernández (Rector do CCEE Reyes Católicos de Bogotá) e Ovidio Villar (Vicedirector do IES Carlos Casares de Viana do Bolo). A excelente relación entre as dúas entidades educativas, promovida a partires da incorporación de Luis Fernández ao centro colombiano hai dous anos, fotaleceuse hoxe un anaco máis logo da entrega dos premios do X Certame Internacional de Fotografía Matemática, obtidos por un alumno e unha alumna do Reyes Católicos.

Este non é o primeiro encontro entre Viana e Bogotá. En xaneiro de 2013, ambos centros sentaban na Aula Xesús R. Jares do IES Carlos Casares as bases para unha relación con futuro.

Link á nova na revista "El Reyes de Bogotá"

Fotografía Matemática 2014

El jurado del X Certamen Internacional de Fotografía Matemática acaba de hacer público el fallo de esta edición. Los trabajos premiados son:

 1er Premio

"Asíntota narcisista"

Juan Manuel Rivera López

Centro Cultural y Educativo Español Reyes Católicos, Bogotá (Colombia)

Premio especial del Público

"Geometría Bailada"

Mariana Vargas Pascua

Centro Cultural y Educativo Español Reyes Católicos, Bogotá (Colombia)  

El Departamento de Matemáticas del IES Carlos Casares felicita a todas y todos los participantes por sus excelentes trabajos. Una vez más, ha sido complicado elegir una fotografía ganadora. Muchas gracias, nos vemos en la XI edición.