Vines contra o racismo

A pasada semana contamos de novo coa presnza de María e Roi co alumnado de 1º de ESO, desta volta para crear unha serie de "vines" contra o racismo. Aquí podedes ver algún dos momentos desta sesión...

Preparando o Entroido

Hoxe un grupo de rapazas e rapaces do noso instituto achegáronse ao castelo de Viana para facer soar os bombos, as aixadas e as gadañas. O obxectivo, promocionar o entroido da comarca a través do fulión e os boteiros, veráse conseguido cando este evento, recollido para RTVE, sexa emitido proximamente no programa "Aquí la Tierra".

Jorge Domínguez Couso, responsable da asociación "Fulións Rurais" de Viana do Bolo e membro da Comisión do Entroido 2017 agradeceu ao noso alumnado a súa participación, ao tempo que os animaba a pensar que "sodes o piar das nosas tradicións, tratádeas con sentimento e cariño porque a esencia da nosa cultura é conservala como nos aprenderon os nosos ancestros".

Olimpíada de Biloloxía

Alba. Laura e Irea veñen de participar na Olimpíada de Bioloxía 2017, celebrada na Facultade de Bioloxía da USC (Santiago de Compostela). Ademais de ser unha magnífica experiencia para vindeiros eventos, permitiu a estas tres alumnas de 2º de Bacharelato visitar un laboratorio da Facultade.

 

Aí ven o 2017...

Novas mensaxes de apoio

Non baixamos a garda!

Montaxe de robots

O alumnado de TIC II vén de montar os mBots enviados pola Consellería, así como probalos vía bluetooth mediante a app Makeblock. Incluso algún se animou a introducir certas melloras no chasis para improvisar un recolledor automático.

Obradoiros contra o VIH

O alumnado do segundo ciclo da ESO participou esta semana en dous obradoiros contra o VIH, promocionados pola Cruz Vermella e impartidos por Mónica, a quen agradecemos a súa labor informativa.

Trivial de xénero

Cristina e Olaya, da asociación cultural Os Tres Reinos da Mezquita, veñen de organizar cos rapaces da ESO do noso IES, este martes 20, un trivial con preguntas referentes á igualdade de xénero, unha actividade innovadora polo seu formato e que gustou ao noso alumnado.

Premiados!

Aquí tedes ao Gonzalo e ao Christian, logo de recoller un merecido trofeo pola súa boa clasificación na V Carreira e Andaina de Nadal, celebrada o pasado 18 de decembro na Rúa.