Samaín

Fotografía: J. Fouz

Lourdes Vaz | A festividade do Samaín deu lugar a unha serie de actividades interdepartamentais. Así, dende o Departamento de Debuxo os alumnos e alumnas de 1ºESO tallaron unhas cabazas emulando caras de medo expostas á entrada do instituto. Por outra banda, o Departamento de Galego dedicou varias sesións á confección de carteis encol deste tema, contamos relatos de medo e sobre a Santa Compaña nas aulas e falamos das teorías acerca das orixes do Samaín. Tamén o Departamento de Inglés traballou sobre tema con encrucillados e xogos de léxico relacionados co Halloween.

No mundo dos celtas a chegada das ánimas supoñía un potencial perigo para os vivos, os cales se defendían deixando caveiras fóra das casas con candeas de lume acesas no interior destas. Esta tradición, conservada tamén en Irlanda, puido ser exportada aos Estados Unidos e alí adaptaríana substituíndo as caveiras por cabazas dando lugar ao denominado Halloween. Co tempo e dada a influencia cultural americana regresaría a Europa onde se populizaría.

Ortografía compostelá

Onte 25 de outubro foi un deses días onde algo imprevisto provoca unha situación que che fai medrar como persoa. O tema era un concurso de ortografía, o protagonista principal Héctor Álvarez, e os actores secundarios Rocío e Breixo máis o profesor José María Pérez. O escenario, o IES  do Sar en Santiago de Compostela.

De esquerda a dereita: Jose, Rocío, Héctor e Breixo

Día da Biblioteca Escolar

(ampliar)

Ovidio V. | Hoxe 25 de outubro, celebramos o día internacional das Bibliotecas Escolares cunha curiosa iniciativa: unhas pegadas anónimas custodiadas por exemplares de libros, cómics, panfletos... convidaban a achegarse á biblioteca do noso intituto. Esta orixinal iniciativa, coordinada polo profesor Federico Méndez, provocou que máis dunha persoa comprobara se eran os seus pasos os que guiaban cara á lectura. Hoxe máis ca nunca, a biblioteca encheuse de curiosos e curiosas que trataban de averiguar a onde conducían as misteriosas pegadas.

Formación do profesorado

Mª Dolores Morrillas

Ovidio V. | Esta tarde tivo lugar no IES Carlos Casares de Viana a charla-obradoiro "A organización da Aula para unha Educación Transformadora". Da man de Mª Dolores Morrillas Gómez, profesora de Ciencias do Insituto Veritas (Madrid) e Directora do Instituto De Estudos Pedagóxicos Somosaguas, o grupo de asistentes tivemos a oportunidade de analizar a fondo diferentes técnicas de traballo na aula, como pode ser o traballo coa porta aberta, onde o corredor é unha extensión natural da aula, a comparativa entre aulas por grupos e aulas por materias, e mesmo a reorganización do espazo na procura do ambiente de aprendizaxe máis efectivo.

O grupo participante nesta actividade facilitada pola ONG InteRed foi amplo, estando integrado fundamentalmente por docentes do IES que desenvolven moitos dos proxectos actuais do centro (Grupo de Igualdade de Xénero, Grupo de Cine, ABALAR...), e mesmo profesionais doutros niveis do ensino como Preescolar na Casa.

Prestige, do CEIDA

4ºA expoñerá traballos referentes ao tema

Ovidio V. | Na entrada principal do IES Carlos Casares, e ata o vindeiro 31 de outubro, permanecerá a exposición didáctica Prestige, cedida temporalmente polo CEIDA, e que nos acompaña xusto no momento no que o buque liberiano afundido preto de Fisterra en 2002 está de candente actualidade no panorama xudicial. Dez anos despois da marea negra, non só segue o asunto nos tribunais, senón tamén o perigo do fuel no mar. Esta exposición, ademais de ubicarnos no acontecemento dunha década atrás, profunda dun xeito crítico no modelo enerxético dependente do petróleo, analizando ao mesmo dempo outras fontes de enerxía sostibles.

Na estela de Arcimbolo

José F. | Pedíase imaxinación e creatividade ao alumnado de 1º ESO nestes traballos de plástica. A proposta consistiu no deseño con froitas e verduras dunha cabeza humana, en soporte papel e acabado a cor, e como tarefa para casa, crear un deseño real cos alimentos vexetais da cociña. Algúns dos resultados mostrámolos nas imaxes, dignas do propio Arcimboldo.

Na loita contra a contrariedade

Deseño de Plácido B.

O pasado 19 de outubro conmemorouse o Día Mundial contra o cancro de mama, unha enfermidade que afecta case na súa totalidade a mulleres (máis do 99%) e que, por sorte, cada vez é máis factible tanto previla coma loitar contra ela. Con motivo desta conmemoración, Rosa, nai dunha alumna de 1º de ESO, quixo compartir con nós o seu desexo:

A detección oportuna e rápida do cancro de mama pode salvar a túa vida... Non o olvides... Unha vela "verde esperanza" por todas aquelas mulleres que loitan cada día contra esta enfermidade...

Comezo do That's English

Carlos F. | Esta tarde, 22 de outubro, tivo lugar a presentación do Programa That´s English, no que o noso centro actúa como Centro de Apoio Titorial dependente da Escola Oficial de Idiomas de Ourense. O profesor vai ser Xosé Manuel Vázquez Vázquez, e dase a circunstancia de que a xornada inaugural amosou un record histórico de asistencia, con 19 matriculados nos diferentes módulos. Desde aquí, desexamos o mellor aproveitamento nas clases e damos a benvida aos novos (moitos tamén antigos) alumnos e alumnas do IES Carlos Casares. Welcome to That´s English.

Presentación do alumnado de That's English, co profesor ao fondo.

Enerxía para unha senda

Nesta fin de semana do 19 ao 21 de outubro, tivo lugar na facultade de matematicas da Universidade de Santiago de Compostela a celebración das I Xornadas Galegas de Educación para o Desenvolvemento, organizadas pola ONG Intervida e a Coordinadora Galega de ONG para o Desenvolvemento. O IES Carlos Casares tivo a honra de ser chamado para unha ponencia, na que o Director, Carlos Ferreiro compartiu xunto coas representantes do IES Campo de San Alberto de Noia, as experiencias de Boas Prácticas Educativas para a Cidadanía Global.

Tenis de mesa

J. Fouz | Pablo, profesor de educación física, organiza, cos voluntarios Iago, Borja e Axel de 2° ESO, o sorteo do campionato de tenis de mesa. Hai 30 alumnos-as e 10  profesores-as participantes.

Talleres na aula de música

Ilda L. | Durante este curso 2012-2013 empeza, nos centros IES Carlos Casares e CPI Laureano Prieto, o... Taller de Canto e Expresión Corporal!!

Neste Taller, aberto ás propostas do alumnado e á evolución do grupo, vaise traballar voz e corpo coma un todo, a través de cancións, xogos, coreografías simples...

Pensado coma un lugar de experimentación, de aquí poden saír grupos de baile, canto, a unión con instrumentos, percusión corporal... Non ten fronteiras.

Os horarios serán:
IES Carlos Casares: luns no 2º recreo (12:50-13:10) e mércores no 2º recreo (12:50-13:10)

Anímate a participar!

Concurso Hispanoamericano de Ortografía

Carlos Ferreiro | Nesta primeira quincena do mes de outubro, tivo lugar, como cada ano, a Fase de Centro do Concurso Hispanoamericano de Ortografía, convocado pola Xunta de Galicia e o Ministerio de Educación, Cultura e Deportes. Na xa XIII edición, deuse unha circunstancia insólita no centro: a necesidade dun masivo desempate (de ate 6 participantes) e un apretado resultado final. Temos pois que felicitar a Tania Sánchez e Ánxela Guerra, que chegaron a esa última proba; a Breixo Tomé, Rocío Rodríguez e Leticia Placín, que comparten o segundo posto, e xa que logo, ao flamante gañador, Héctor Álvarez, que representará ao IES Carlos Casares, na final autonómica que terá lugar o vindeiro xoves 25 de outubro ás 17 horas no IES do Sar de Santiago de Compostela. Agaradamos que este premio, que redundará na cualificación de Lingua Castelá e recibirá os aplausos da comunidade educativa no Acto de final de curso, sirva como estímulo no duro traxecto de 2º de Bacharelato. Noraboa, Héctor, e sorte na final! 

Na imaxe, Héctor Álvarez na biblioteca

V Premio IES Carlos Casares - Fundación Endesa

José M. Pérez | Por quinto año el IES Carlos Casares de Viana do Bolo convoca, junto con la Fundación Endesa, el Premio IES Carlos Casares-Fundación Endesa sobre energías limpias y ahorro energético. Este premio está dirigido a alumnos de Bachillerato y Formación Profesional de Galicia, León y Zamora. Las bases de la convocatoria se adjuntan en esta noticia. El/la alumno/a que elabore el trabajo preferido por el jurado será premiado/a con 500 euros. La ceremonia de entrega tendrá lugar en el Aula Xesús R. Jares de nuestro centro el viernes 7 de junio de 2013. Con este nuevo certamen pretendemos seguir apostando por fomentar en la juventud el análisis científico, el espíritu crítico y el respeto al medio ambiente. Desde nuestra revista O CHOUPÍN deseamos mucha suerte y nuestros mejores deseos a todos los participantes.

Bases da convocatoria (galego)

Bases de la convocatoria (castellano)

O principio dun compromiso

Ao fondo, cartel en Fornelos de Filloás

Ovidio Villar | O grupo de traballo que o curso pasado gañara o Luis Freire, vén de consolidar o seu compromiso co Premio coruñés poñendo en marcha a campaña "Non queimes, porque a vexetación é o anxo do monte". O traballo realizado por Lucía, Daniel, Alicia e Marcos, e coordinado por Luis Fernández, puxo de manifesto a importancia que a vexetación ten nun monte para conter o terreo e permitir que este siga a ser fértil. Este experimento científico, inspirado na situación real da comarca de Viana, complétase agora coa pegada de carteis animando á sociedade ao respeto á natureza, incidindo na importancia de non queimar o monte. Cada vez máis lugares dos concellos de Viana do Bolo, Vilariño de Conso e A Veiga coñecen de primeira man este importante comunicado.

Avaliación cero

Ovidio Villar | Un ano máis, levouse a cabo no IES Carlos Casares de Viana do Bolo a avaliación inicial de competencias. Todo o alumnado da ESO realizou as probas de avaliación deseñadas especificamente para as competencias lingüística, matemática, de interacción co mundo físico, tratamento da información e dixital e social e cidadá. Como en anos anteriores, na avaliación de 1º da ESO estivo non só o profesorado do Carlos Casares, senón tamén dos centros de primaria adscritos, neste caso o CEIP Bibei de Viana do Bolo e o CEIP San Martiño de Vilariño de Conso. Esta é unha excelente maneira de reflectir que a educación é un proceso contínuo, e non un cúmulo de etapas illadas.

Un instante da avaliación de 1º da ESO (J. Fouz)

Adopción

J. Fouz | Viña formalizar unha matrícula, pero a súa mirada delataba soidade, abandono. E entón apareceu Alba para dar alegría a esta preciosa cadeliña, asinando con ela un compromiso non só de adopción, senón tamén de cariño e amizade. Só nos queda saber do seu nome. Copiamos iniciativa, que nos gustou e moito.

Por fin o sabemos. Chámase Chispa, pois anda dun lado para o outro, e non para. Que nome máis chulo!