Carlos Ferreiro | Nesta primeira quincena do mes de outubro, tivo lugar, como cada ano, a
Fase de Centro do Concurso Hispanoamericano de Ortografía, convocado
pola Xunta de Galicia e o Ministerio de Educación, Cultura e Deportes.
Na xa XIII edición, deuse unha circunstancia insólita no centro: a
necesidade dun masivo desempate (de ate 6 participantes) e un apretado
resultado final. Temos pois que felicitar a Tania Sánchez e Ánxela
Guerra, que chegaron a esa última proba; a Breixo Tomé, Rocío Rodríguez e
Leticia Placín, que comparten o segundo posto, e xa que logo, ao
flamante gañador, Héctor Álvarez, que
representará ao IES Carlos Casares, na final autonómica que terá lugar o
vindeiro xoves 25 de outubro ás 17 horas no IES do Sar de Santiago de
Compostela. Agaradamos que este premio, que redundará na cualificación de
Lingua Castelá e recibirá os aplausos da comunidade educativa no Acto
de final de curso, sirva como estímulo no duro traxecto de 2º de
Bacharelato. Noraboa, Héctor, e sorte na final!
 |
| Na imaxe, Héctor Álvarez na biblioteca |
Noraboa Hector e tamén aos finalistas, que boa nova que haia tanta competencia nunha final de ortografía. Que temble Compostela que o premio vai para Hector.
ResponderEliminarLuis Fernández