Ovidio V. | O IES Carlos Casares de Viana do Bolo participou esta mañá na videoconferencia "Facendo Física de Partículas polo Mundo". Con conexións dende Londres, Lisboa, Xenebra e Santiago de Compostela, esta actividade, organizada pola Coordinadora Galega de Equipos de Normalización e Dinamización Lingüística con motivo do Día da Ciencia e da Tecnoloxía en Galego, resultou un exercicio de grupo para todo o alumnado de Física do IES. Certos problemas de son, que non fixeron senón dar máis credibilidade a unha conferencia deste tipo, non impediron que chegaran con claridade as respostas ás nosas preguntas tanto a través do son coma do chat.
Ningún comentario:
Publicar un comentario