O Choupín dixital
A revista do IES Carlos Casares de Viana do Bolo

martes, 24 de xuño de 2014

Sistema de control de temperatura: incubadora

Jose M. Pérez | Os alumnos de tecnoloxía de 4ºB remataron o curso coa construcción dunha incubadora que consta de tres partes:

- una caixa de madeira e unha estrutura de contrachapado xiratoria con manivela, onde se colocan os ovos suxeitos ós ocos mediante a forza elástica dunhas pinzas.
- un sistema eléctrico de con dous ventiladores reciclados de computadoras vellas alimentados a 12 voltios de corrente continua, procurando a maior transmisión da calor por convección forzada e a homoxeneidade de temperaturas no interior da caixa.
- un sistema de control con cableado alimentado a 12 voltios. Consta dun sensor de temperatura, un dispositivo de transducción para referencia (37ºC desexados), un comparador, un regulador (neste caso un relé, que fai un control todo-nada) e un actuador que consiste nunha bombilla de infrarroxos de 250 watios.

Os alumnos quixeron demostrar a eficacia do artello, e quince ovos galeados (fecundados) colocáronse no dispositivo
hoxe 24 de xuño, esperando o nacemento dos polos cara ao 15 de xullo.

luns, 23 de xuño de 2014

Tarde de teatro

O. Villar | O pasado xoves pola tarde fun ao teatro. Agradáronme moito as gañas de actrices e actores, a capacidade de meterse no papel, os diálogos ben executados (e complexos moitos deles). Agradoume tamén a ilusión que se respiraba entre bambalinas, e eses nervios propios de quen sabe que familia e amigos nos están a ver. Agradoume o ambiente, os guións, os traballados decorados... a verdade é que foi unha función xenial. A persoa máis xove que asistiu tiña meses, e a máis maior andaría preto dos oitenta. E todas e todos o pasamos ben. TEATRO con maiúculas o que escenificou o Grupo de Teatro Talía, do IES Carlos Casares. Parabéns a todas as persoas que o integran, unha canteira realmente con futuro.

Carreira contra a violencia

O pasado xoves 19 de xuño tivo lugar na Praza Maior de Viana do Bolo a I Carreira Contra a Violencia de Xénero. Organizada conxuntamente pola ong InterEd e polo IES Carlos Casares, foi un bonito broche a todo un traballo anual no eido da campaña Actúa con Coidados. Hai que facer unha mención especial ao alumnado de 4º da ESO do IES Carlos Casares, quen levou o peso da organización desta carreira.

Instantes antes da saída (ver aquí galería completa)

Previndo a violencia

A través do CIM (Centro de Información á Muller) do Concello de Viana do Bolo), o alumnado de 1º de ESO manexou información de primeira man para poder actuar ante situacións de violencia de xénero. Unha actividade interesante, útil e moi directa. Grazas, Sara (CIM).


venres, 20 de xuño de 2014

Fin de curso

Rematou o curso 2013-14, e no IES Carlos Casares fíxoo con tres xornadas de actividades: Festival de Música o mércores 18, Festival de Teatro o xoves 19 e venres 20, e obradoiros de Xogos Tradicionais, Guitarra e Papiroflexia neste último día. Feliz verán a todas e todos!



martes, 17 de xuño de 2014

venres, 13 de xuño de 2014

VII Feira das Ciencias

O. Villar | A VII Feira das Ciencias celebrouse no IES Carlos Casares o pasado 10 de xuño. Coincidindo coa visita do alumnado de 6º de Primaria dos colexios de Viana do Bolo, Vilariño de Conso e A Veiga, e tamén coas celebracións do Día do Ambiente, reuniu interesantes stands sobre ciencia. Organizado polos departamentos de Física e Química e Educación Plástica e Visual, este ano premiouse aos mellores experimentos. Aquí se resume o mellor... (Vídeo: J. Fouz | Galería de imaxes: M. Ulloa)

mércores, 11 de xuño de 2014

Acto de Bacharelato 2014

Ovidio V. | Un ano máis despedimos unha promoción. Un ano máis temos a sensación de que o tempo voa, de que vai con présa de máis.

Nuria e Javier, nun momento do seu discurso (imaxe: Ansemil)

Un ano máis reunímonos para compartir moitas das anécdotas das nosas fillas e fillos no Carlos Casares nestes anos anteriores. Nun sinxelo e emotivo acto, despedimos á promoción de 2º de Bacharelato que neste ano 2014 remata os seus estudos. Palabras sentidas e emocionadas de Ricarda, Nuria, Javier e Montse, que falan de futuro, de boa sorte e de poder contar sempre coa xente que nos quere ben. Moi boa sorte, peques!

Galería completa de imaxes (Ansemil)

Carreira Solidaria

Laura M. | O día 19 de xuño o alumnado de 4º da ESO organizará a I Carreira Solidaria contra a violencia de Xénero. Contarase co alumnado de diferentes colexios e institutos dos arredores. A carreira comezará na Praza Maior e rematará na mesma. Esperamos a vosa colaboración. Grazas.

luns, 9 de xuño de 2014

VI Premio IES Carlos Casares - Fundación ENDESA

Hoy viernes 6 de junio ha tenido lugar en el Aula Magna la entrega de la sexta edición del Premio IES Carlos Casares - Fundación Endesa, que versa sobre energías limpias y ahorro energético. El ganador de esta edición ha sido Moisés Carral Ortiz, alumno de 1º de Bachillerato del IES Castro Alobre de Vilagarcía de Arousa, autor de un excelente trabajo sobre la tecnología LED en el que pone de manifiesto sus posibilidades para ahorrar energía eléctrica en el hogar mediante el uso de estos diodos emisores de luz, de alta eficiencia energética.

Lectura del Acta del Jurado

Moisés recoge su premio


Hemos tenido el placer de contar con la presencia de nuestro colaborador Constantino Armesto y del Director del IES Castro Alobre y la profesora de tecnología de Moisés, Carlos Cid y Susana Oubiña, respectivamente. Por parte de Endesa han asistido Ernesto Marra, sobradamente conocido en Viana y en nuestro instituto, y Maximiliano Villarejo, el responsable de la Agrupación Orense-Zamora de hidráulicas de Endesa. Volvemos a mostrar nuestro agradecimiento a ellos y a Endesa por su presencia y apoyo a este proyecto de difusión cultural, científica y didáctica.

martes, 3 de xuño de 2014

Aberto o prazo de votacións

Certame Internacional de Fotografía Matemática 2014

Queda aberto, e ata o vindeiro 10 de xuño, o prazo de votacións para escoller a fotografía gañadora do "Premio Especial do Público. a partires do día 10, publicarase nesta mesma revista a resolución deste certame.


Para decidir cal é a instantánea preferida d@s internautas, podedes seleccionar ata cinco (as que máis vos gustaron), e a que ao final leve máis votos gaña.

Campionato provincial de futbiño

Pablo C. | Os alumnos do noso centro acadaron dous premios no Campionato Provincial de Fútbol sala celebrado en Xinzo de Limia o pasado sábado día 31 de maio. Os infantís acadaron un terceiro posto, tras una axustada derrota (4-5) que non lles permitiu xogar a final. Mediante unha victoria por goleada (15-2) acadaron este posto de bronce.


Pola súa parte, o equipo cadete, de forma épica, levantou un resultado en contra na primeira parte (2-7) cun resultado a favor de 12-9. O apoio incondicional do equipo de Xinzo tamén axudou a levantar a moral dos nos alumnos nesta increíble segunda parte. Palabras de ánimo como ¡Sí se puede! ou a exaltación dos nomes dos nosos xogadores contribuiron a acadar este éxito.