O Choupín dixital
A revista do IES Carlos Casares de Viana do Bolo

mércores, 31 de decembro de 2014

Teatro de Noël

Betty N. | O pasado 26 de decembro, o alumnado de francés do IES Carlos Casares representou diferentes obras teatrais na Casa da Cultura de Viana do Bolo. A finalidade, recadar fondos para a súa viaxe a Bélxica no vindeiro mes de abril.





domingo, 28 de decembro de 2014

Estamos na rede

Boas!



A partires de agora, podes atoparnos na nosa canle de Youtube, en Facebook, a través do Skype ou suscribirte ás novas mediante o fedd rss. Poderás facelo dende os enlaces da esquina superior dereita deste blog. Non deixes de visitarnos!





https://www.youtube.com/ochoupin

https://www.ochoupindixital.blogspot.com/feeds/posts/default

https://www.facebook.com/ochoupin

voluntariadocasares

Festival de Teatro Talía na Casa da Cultura

Ovidio V. | O alumnado do Grupo de Teatro Talía, do IES Carlos Casares, levou a cabo unha memorable atuación na Casa da Cultura de Viana do Bolo. Nun formato moi dinámico que incluía coreografías, imitacións, pequenas obras de teatro e monólogos, o público acabou entregado ante o entusiasmo destes mozos e mozas que, nun guiño á súa inesquecible María, pecharon de forma sensacional este último trimestre de 2014.


 Galería completa de imaxes

venres, 19 de decembro de 2014

Un Nadal diferente

Ovidio V. | Hai días que esta iniciativa de "Agasallos para todos" se colou nas nosas vidas xa non só como algo bonito ou necesario, senón como lóxico e de xustiza. A idea, nacida no seo do Equipo de Normalización Lingüística do noso centro, levounos, xunto co IES Xermán Ancochea Quevedo de Trives, a recoller centos de xoguetes usados e en bo estado, que serán distribuídos entre aquelas familias máis desfavorecidas da montaña ourensá.

Carlos Ferreiro, Director, e Loli García, Coordinadora do ENDL, agradecen ao alumnado do IES Carlos Casares a súa fenomenal implicación nesta proposta.
Á volta do Nadal, ambos centros educativos levaremos a cabo unha videoconferencia para valorar a repercusión desta iniciativa sostible e de xustiza social.

Taller de recortes

Ovidio V. | A través dunha interesante iniciativa do MAC (Museo de Arte Contemporánea da Coruña), onte 18 de decembro visitounos o artista ourensán Rosendo Cid, quen desenvolveu un divertido taller de collage co alumnado de 1º e 2º de ESO. Logo de explicar con detalle as técnicas máis utilizadas nesta forma de crear arte, Rosendo animou a rapaces e rapazas a crear as súas propias obras de arte.







xoves, 18 de decembro de 2014

Hábitos de Alimentación (II)

Ovidio V. | Baixo este título tivo hoxe lugar a segunda parte do taller levado a cabo pola Cruz Vermella entre o alumnado de 4º de ESO. A continuación podedes ver algún dos traballos creados neste obradoiro.

Navegando polo mundo antigo

Ovidio V. | A semana pasada convidáronme a presenciar a exposición de diferentes traballos sobre Roma e Grecia clásica: mitoloxía, hábitos de vida... Un marabilloso traballo levado a cabo polos rapaces e rapazas que cursan Latín e Grego en 1º de Bacharelato. Se me avisades de novo, volvo encantado. Parabéns polo voso traballo!



mércores, 17 de decembro de 2014

Congreso en Madrid

O IES Carlos Casares, por medio do seu director, Carlos Ferreiro, estivo representado o 15 e 16 deste mes en Madrid, na Comisión de Planificación da Rede "Docentes para el Desarrollo", que se celebrou na Agencia Española de Cooperación Internacional Para el Desarrollo.


O objectivo básico era organizar durante o 2015 o V Encontro nacional de docentes en educación para o desenvolvemento e, por parte do noso centro, aportamos a idea da necesidade de reflectir a educación para o desenvolvemento, a solidariedade e a cooperación dentro das señas de identidade dos centros, especialmente de institutos como o IES Carlos Casares, onde esa prioridade leva tempo a ser traballada. Introducir tarefas que implican atención ás desigualdades de todo tipo debe ser un desafío que vaia dende o PEC ás programacións de Departamento, ate e sobre todo, ás programacións de aula, para que o alumnado asuma unha forma de aprender reflexiva, crítica e solidaria. Foi de novo un placer reunirnos cos nosos compañeiros e compañeiras premiados das diferentes edicións do "Premio Vicente Ferrer de Educación para el Desarrollo". Grazas a tod@s.


Festival de Música 2014

(Gravación e Montaxe: J. Fouz)

martes, 16 de decembro de 2014

Quérote máis

Acaban de comezar as actividades programadas para este curso en colaboración co programa Quérote máis da Consellería de Traballo e Benestar. O alumnado de 3º de ESO beneficiarase desta iniciativa integrada no Plan Proxecta e que traballa temas tan interesantes coma a autoestima, a sexualidade ou as relacións sociais.


venres, 12 de decembro de 2014

VOTA!!!

Vota, ou re-vota!!!

O vídeo "Nun recuncho de Galicia..." precísate. Están a chegar votos emitidos no lugar equivocado. Vota a través deste enlace:

https://m.facebook.com/story.php?story_fbid=769410146440195&id=120716441309572


xoves, 11 de decembro de 2014

Estatuto de Autonomía de Galicia

Nestas datas conmemoramos o nacemento do Estatuto de Autonomía de Galicia, no ano 1981. Trinta e tres anos da historia máis recente da nosa comunidade, que hoxe se están a analizar e valorar nas aulas do noso instituto.

Nas imaxes, podedes ver ao alumnado de 4º A nunha sesión do Ámbito Socio-Lingüístico pescudando non só sobre o Estatuto actual, senón tamén sobre o seu precedente de 1936. 



Dereitos Humanos

Onte 10 de decembro conmemorouse o Día Internacional dos Dereitos Humanos. O alumnado de Educación para a Cidadanía de 2º da ESO organizou unha interesante exposición de carteis alusivos á reivindicación dos dereitos básicos, e pemanecerá aberta ao público durante o mes de decembro.


mércores, 10 de decembro de 2014

Nun recuncho de Galicia...

José F. | Preseleccionada no concurso de axenda dixital  2020 a nosa curta "Nun recuncho de Galicia 2021" realizado por 5 alumn@s de 1BAC do IES Carlos Casares de Viana do Bolo. Por favor, dar a ME GUSTA e reenvialo aos amig@s. Cantos máis mellor.

sábado, 6 de decembro de 2014

Día Internacional do Voluntariado

Onte 5 de decembro conmemorouse o día internacional do Voluntariado. A primeira actividade no noso IES foi un Skype con outro centros galegos participantes na Rede de Centros Escolares Solidarios e a Dirección Xeral de Voluntariado. O alumnado voluntario vianés intercambiou ideas sobre que significa ser voluntario ou voluntaria e mesmo compartiu información referente á labor voluntaria no Carlos Casares.

En breve teredes máis información sobre a segunda actividade, Pulseiras e Abrazos.

Construindo as pulseiras

Skype a cinco bandas

Skype, detalle do monitor

Antes de partir cara á Praza Maior

Pulseiras e Abrazos

Pulseiras e Abrazos

Pulseiras e Abrazos

Pulseiras e Abrazos


venres, 5 de decembro de 2014

Cooperación Galega, presentando o proxecto

Ovidio V. | Hoxe presentouse no IES Carlos Casares de Viana o programa "Cooperación Galega: o mundo que queremos". Enmarcado no Plan Proxecta, este programa pretende promover o pensamento e o debate sobre as grandes desigualdades existentes arredor do planeta, especialmente ao longo do eixo Norte-Sur. O noso centro afronta co ilusións renovadas a súa segunda participación nesta actividade, desta volta con 2° e 4° de ESO.

Link á nova en www.osil.info

Carlos e Paula, ao comezo do taller de 1° de ESO

Dinámica de grupo

Reparto desigual: nenos son persoas de diferentes continentes e sillas riqueza

Dinámica do reparto da riqueza con 4° de ESO

O teatro é a nosa linguaxe

Durante un ensaio

Pintando os camerinos

mércores, 3 de decembro de 2014

Un Nadal diferente

O IES Carlos Casares de Viana do Bolo e o IES Xermán Ancochea Quevedo da Pobra de Trives están a levar a cabo conxuntamente unha campaña de recollida de xoguetes. Esta interesante iniciativa, que parte do Equipo de Normalización e Dinamización Lingüística do centro vianés, pretende favorecer un Nadal diferente, onde todas e todos os nenos teñan o seu agasallo. Ata o 18 de decembro recollemos  xoguetes. Animádevos a participar!!


Constitución, preparativos...

O vindeiro 6 de decembro a Constitución Española cumpre 36 anos. Para conmemorar este feito o alumnado de 3º A vén de deseñar, a través do Ámbito Socio-Lingüístico, uns chamativos carteis que vos convidamos a vir ver.




Gañando terreo ao VIH

Este pasado 1 de decembro conmemorouse o Día Internacional da loita contra a SIDA. Esta enfermidade, que sofre unha considerable parte da poboación, parece estar preto do tránsito de mortal a crónica. Aínda así, son moitas as lagoas que aínda quedan por cruzar, e unha das máis importantes é a tolerancia, respecto e comprensión para quen a sofre. Este foi o traballo que desenvolveu Natalia, voluntaria da Cruz Vermella, nun intenso obradoiro con 3º de ESO.



martes, 2 de decembro de 2014

O mellor consello...

Instantes antes de saír cara Verín para participar no "Campo a través", o profesor de Educación Física transmite ánimo e ilusión a rapaces e rapazas que consideran o deporte como un verdadeiro medio de expresión. Citando palabras textuais, "o principal é que vaiades a pasalo ben e desfrutedes da xornada".


Plan de convivencia en centros

Como cada ano, o noso IES acóllese ao Plan Director para a Convivencia e a Mellora da Seguridade nos Centros Educativos e nas súas Contornas, unha moi boa iniciativa promovida pola Delegación do Gobernos en Galicia. Desta vez, tiveron lugar dúas máis que necesarias ponencias: "Perigos das novas tecnoloxías" para 1º de ESO e "Violencia de xénero" para 2º de ESO. Agradecemos, neste caso á Garda Civil como representantes deste proxecto de cara ao noso centro, o seu esforzo na procura de dous obradoiros tan importantes como amenos e participativos.

luns, 1 de decembro de 2014

Cinefórum contra a violencia de xénero

Dentro das actividades programadas con InterEd para este curso, o pasado 25 N, día Internacional contra a violencia de xénero, tivo lugar na aula Xesús R. Jares un interesante Cinefórum e posta en común para analizar a repercusión social da violencia e as posibles formas de traballar en favor da igualdade de xénero. Agradecemos a presenza de Paz e Ángel no desenvolvemento desta actividade para o primeiro ciclo da ESO.