O Choupín dixital
A revista do IES Carlos Casares de Viana do Bolo

martes, 28 de decembro de 2010

Traballos en EPV

Ovidio Villar, Becerreá. O alumnado de 1º de ESO e o de 4º de ESO veñen de rematar, respectivamente, os traballos "Máscaras" e "Maquetas", realizados na asignatura EPV (Expresión Plástica e Visual) baixo a coordinación do profesor José Fouz. No caso das máscaras, son realizadas básicamente con papel de xornal endurecido, e reflicten os gustos e inquedanzas dos rapaces. E, no caso das maquetas, os rapaces e rapazas de 4º preséntannos reproducións de vivendas unifamiliares construídas a escala, sen pasar por alto detalles coma as placas solares, a cantería ou os lousados a varias augas. Fenomenal traballo. 

Ver fotos de "Máscaras"
Ver fotos de "Maquetas"

luns, 27 de decembro de 2010

Novas do clube de lectura "O Gato Samuel"

Luis Fernández, Quiroga. O Clube de Lectura "O Gato Samuel", do IES Carlos Casares de Viana do Bolo, recibiu da Xunta de Galicia un aporte económico de 600 Euros cos que axudar nas actividades programadas polo profesorado implicado, que conta coa colaboración do poeta e secretario do "Circulo Poético Orensano" Jose Santos Guedes. A subvención foi concedida mediante resolución da Dirección Xereal de Centros e Innovación Educativa, de 22 de decembro de 2010.

Noraboa a todo o alumnado e profesorado que lle dá sentido ao clube, mediante as tertulias, os libros do trimestre, as viaxes a través da Literatura, os obradoiros de poesía e, en xeral, a práctica habitual da competencia lingüística.

sábado, 25 de decembro de 2010

Festival de Nadal 2010

Divertido, ameno e de calidade. A profesora de música do CPI Laureano Prieto (A Gudiña) e do IES Carlos Casares (Viana do Bolo), Ilda Luaces, foi quen de xuntar a rapaces de ambos centros na Casa da Cultura de Viana para facer música xuntos. Coros, frautas, piano, acordeón, guitarras, percusión... Non perdas detalle do mellor deste Festival de Nadal 2010. Tamén podes ver as mellores instantáneas facendo clic aquí.



Presentación: Noelia Meléndez, Alberto Borrajo
Coordinación: Ilda Luaces
Fotografía: José Fouz
Gravación: Jesús Rodríguez
Montaxe: Ovidio Villar

venres, 24 de decembro de 2010

Deseño: Prof. Plácido Blanco
O Instituto de Educación Secundaria Carlos Casares de Viana do Bolo deséxache unhas felices festas de Nadal e un ano 2011 cheo de éxito persoal e profesional

xoves, 23 de decembro de 2010

Visita a la central de San Agustín y a la presa de Pías

En la jornada de hoy los alumnos de Tecnología de nuestro instituto han conocido las instalaciones de la Central y Parque de Transformadores de San Agustín, así como la presa de Pías, todas ellas pertenecientes a Endesa. La visita se encuadra dentro del Proyecto de Colaboración entre nuestro instituto y esta empresa. Desde estas páginas digitales queremos agradecer a don Ramón Laguna (Director de UPH Noroeste de Endesa Generación) la deferencia que ha tenido con nosotros al autorizar la visita. También damos las gracias a don Ernesto Marra y el resto de trabajadores de Endesa en San Agustín, quienes han sido anfitriones y guías durante toda la mañana.

mércores, 22 de decembro de 2010

Histoires d’amour - Love stories

Os Departamentos de Francés e Inglés do IES Carlos Casares convocan este certame de historias de amor. 

Para poder participar, consulta as bases facendo clic no seguinte vínculo (para lelas cunha mellor calidade podes descargar o arquivo orixinal en PDF).

BASES


Por Mercedes Garrido

martes, 21 de decembro de 2010

Consumo racional

CONSUME RESPONSABLEMENTE, SEN CREAR INXUSTIZA. BO NADAL.

O alumnado do ciclo formativo de atención sociosanitaria do IES Carlos Casares de Viana, traballando os contidos do módulo de apoio domiciliario, aprenden a  importancia da xestión das economías domésticas mediante a racionalización do consumo.


Teñen realizado un mural coa intención de sensibilizar ao resto da comunidade educativa de cara a súa posición coma consumidores nun mundo globalizado e, especialmente, de cara as datas festivas de nadal, caracterizadas polo exceso de consumo. Nos días previos ao Nadal expoñen o seu traballo na cafetería do instituto. Estades todos e todas invitados a visitalo.

Por Adrián López

sábado, 18 de decembro de 2010

Cara unha cidadanía inclusiva

Máis de trinta profesionais do mundo do ensino e dos servizos sociais están a participar nun curso-obradoiro sobre igualdade de xénero celebrado no IES Carlos Casares de Viana do Bolo. Este grupo, integrado concretamente por 35 persoas chegadas dos concellos de A Veiga, Vilariño de Conso, Verín, A gudiña e Viana, vén de desenvolver, o pasado día 13 de decembro, a segunda xornada do cursiño. Outro grupo de características similares, está a traballar os mesmos contidos de forma paralela no IES San Rosendo, de Mondoñedo (Lugo).


Estes dous talleres, nos que se reflexiona, entre outros, sobre aspectos relacionados cos roles de xénero tan importantes como o sistema sexo - xénero, a relación igualdade formal - igualdade real ou os modelos educativos, están organizados por InteRed Galicia, subvencionados pola Cooperación Galega da Xunta de Galicia e contan coa colaboración do CFR de Burela-Lugo, do CFR de Ourense e da USC.

Saber máis
Ver máis fotos

xoves, 16 de decembro de 2010

Foro pola integración cultural

O IES CARLOS CASARES DE VIANA INVITADO POLA OEI A PARTICIPAR IV XORNADAS IBEROAMERICANAS INTEGRANDO CULTURAS

Os días 14 e 15 de decembro de 2010, o IES Carlos Casares de Viana do Bolo, participou, como invitado, nas “IV Xornadas Iberoamericanas Integrando Culturas” celebradas na Casa de América de Madrid e organizadas pola Organización de Estados Iberoamericanos (OEI).

O ano anterior participamos neste foro compartindo a experiencia de educación para o desenvolvemento, do irmandamento do noso instituto coa UE Timoteo
 
Rondales de Bermejo (Bolivia), mediada pola ONG “Escuelas de la Tierra”. Nesa ocasión nos acompañara a colega boliviana, Yaneth Rivero. Este ano dúas novas experiencias, con Ecuador e Arxetina, amplian o horizonte común de escola iberoamericana.

mércores, 15 de decembro de 2010

II Certame de Conto Matemático "IES Carlos Casares"

Buscamos unha historia orixinal e inédita, na que apareza reflectido o mundo das matemáticas. Sen límite de estilo literario nin de caracteres. Envía os teus traballos ao enderezo electrónico ochoupin@gmail.com antes do 15 de febreiro de 2011 e poderás gañar un fantástico MP4 e unha recopilación das mellores historias matemáticas (premio único). O fallo do xurado, composto este polos membros do Departamento de Mateḿaticas do IES Carlos Casares, así como o traballo premiado, serán publicados nesta revista.

domingo, 12 de decembro de 2010

O IES CARLOS CASARES DE VIANA NO FORO MUNDIAL DA EDUCACION 2010


O IES Carlos Casares de Viana do Bolo participou, o pasado sábado 11 de decembro de 2010, no Foro Mundial da Educación 2010, celebrado en Santiago de Compostela. Na aula 25, da Facultade de Económicas da USC, nunha sesión que tivo lugar desde as 10:30 as 13:30, compartimos a nosa experiencia educativa cos compañeiros e compañeiras do IES Terra de Trasancos de Narón, que nos contaron os proxectos de educación para o desenvolvemento e cooperativismo que realizan en Jujuy (Argentina) e Tarija (Bolivia), así como os traballos sobre banca ética ou obxectivos de desenvolvemento do milenio, que abordan desde as materias de Bacharelato ou de ciclos formativos de grao superior.
Eles e nos compartimos a ledicia de ter conseguido o Premio Nacional de Educación para o Desenvolvemento Vicente Ferrer, da AECID. A sesión, ademais de formativa, serviu para coñecernos e comezar a traballar xuntos en favor da potenciación da educación para o desenvolvemento en Galicia e a traballar para que os centros educativos de primaria e secundaria sexan recoñecidos, polas administracións, como posibles entes de voluntariado e cooperación.

xoves, 9 de decembro de 2010

Agrupación de centros

EL IES CARLOS CASARES DE VIANA TRABAJARÁ EN RED CON UN INSTITUTO DE LEÓN Y OTRO DE ASTURIAS, DURANTE VARIOS CURSOS

En la jornada de hoy (jueves, 9 de diciembre de 2010) ha comenzado el trabajo de una agrupación de institutos de secundaria en la que participa el instituto de Viana en el que, durante dos años, ampliables a cuatro, se desarrollará un proyecto de innovación educativa común.

Hoy se ha formalizado la agrupación en una reunión celebrada en la Robla (León), a donde acudieron la responsable de convivencia, Susana Fernández y el director del centro, Luis Fernández. La agrupación está formada por el IES Carlos Casares de Viana do Bolo, el IES Valle de Aller de Moreda (Asturias) y el IES Ramiro II de La Robla (León). 

mércores, 24 de novembro de 2010

Biodiversidade e Cinema

"Biodiversidade e Cinema". Éste é o título dun interesantísimo certame convocado polo Departamento de Xenética da USC e ao que varios rapaces e rapazas do noso instituto presentaron traballos aos que podedes acceder ao final deste post. Logo de visualizar, entre outros, os filmes "O Oso", "The Cove", "Avatar" e "Erin Brockovich", os diferentes grupos, que comprenden alumnado de 3º de ESO a 1º de Bacharelato, debateron sobre a relación dos filmes co coidado da biodiversidade no noso planeta, chegando a unhas conlclusións que non debedes deixar de ler.
Ler o traballo sobre o filme "Erin Brockovich" (grupo "Os Cromáticos")

Toda a información sobre este fenomenal certame (participantes, premiados, vídeo resume...), a golpe de clic en:
www.biodiversidadeecinema.org

Agardamos unha nova convocatoria!

Por Ovidio Villar

mércores, 17 de novembro de 2010

Rutas científicas por Valencia

Un grupo integrado por alumnado de 1º e 2º de bacharelato e dous dos seus profesores participan durante esta semana nunha Ruta científica pola Comunidade Autónoma de Valencia. Este proxecto, compartido co IES Ramón J. Sender de Fraga (Huesca), está financiado polo Ministerio de Educación e a Xunta de Galicia.


Dende o Choupín seguimos a ruta día a día (actualiza esta entrada).

O día a día, por Luis Fernández López

Rutas científicas, por Andrea Hervella Vicente

Memoria final da actividade

martes, 16 de novembro de 2010

IV Certame de relato curto “A vida éche un conto”

"Outono", Ansemil
Despois de xa tres edicións deste certame quizais poidamos falar xa de consolidación. Sen dúbida se trata dun concurso que cada ano goza de máis popularidade e, por que non dicilo, tamén de máis calidade. Como na pasada edición seguimos a insistir en ampliar a nosa oferta e facer que este certame traspase os muros do Instituto IES Carlos Casares de Viana. É, por iso, que esperamos a túa participación. Si, a túa! Non mires para o lado! Saca o escritor que levas dentro e lánzate a encher cuartillas cibernéticas. Seguro que non sabes do que es capaz. Agardámoste!!!
Bases da convocatoria.

luns, 15 de novembro de 2010

Magosto 2010

Unha vez máis o outono tiznou os rostros dos que compartimos chourizos e bullotes a carón do lume.

Se queres ver as demáis instantáneas só tes que facer clic no seguinte enlace:

álbume MAGOSTO 2010


Fotografías: Ansemil, José Fouz.

venres, 12 de novembro de 2010

III Premio IES Carlos Casares - Fundación Endesa


Ya está convocada la tercera edición del Premio IES Carlos Casares - Fundación Endesa  sobre energías limpias y ahorro energético. Este año el concurso se ha abierto a nuestros vecinos zamoranos y leoneses. El plazo de presentación de los trabajos expira el 10 de mayo de 2011. El premio será entregado el viernes 3 de junio en un acto que tendrá lugar en el Aula Magna Xesús R. Jares de nuestro instituto. Suerte para todos los participantes. Si eres alumno de Bachillerato o de Formación Profesional puedes participar en la tercera edición del Premio IES Carlos Casares - Fundación Endesa y ganar 500 €. Debes hacer una redacción sobre energías limpias y ahorro energético. Consulta las bases. Buena suerte.


Xa está convocada a terceira edición do Premio IES Carlos Casares - Fundación Endesa sobre enerxías limpas e aforro enerxético. Este ano o concurso abriuse ós nosos veciños zamoranos e leoneses. O prazo de presentación dos traballos expira o 10 de maio de 2011. O premio será entregado o venres 3 de xuño nun acto que terá lugar na Aula Magna Xesús R. Jares do noso instituto. Sorte para todos os participantes. Se es alumno de Bacharelato ou de Formación Profesional podes participar na terceira edición do Premio IES Carlos Casares - Fundación Endesa e gañar 500 €. Debes facer unha redacción sobre enerxías limpas e/ou aforro enerxético. Consulta as bases. Boa sorte.



Por José María Pérez

xoves, 28 de outubro de 2010

Movic

Albergues Movic é un proxecto de creación multidisciplinar na cidade, a partir de estancias creativas de xoves creadores de toda España, promovido pola Red Española de Albergues Juveniles (Reaj) 

Trátase dun programa de estancias creativas en distintos albergues destinado a menores de 35 anos de tódalas Comunidades Autónomas. Durante 15 días, 10 artistas seleccionados de diferentes disciplinas realizan unha intervención no Albergue e o seu entorno. 
 
A finalidade desta actividade é promocionar e estimular a creación artística da xente nova dentro dos parámetros do arte actual. O abano de disciplinas artísticas polas que se poden inscribir é moi amplo: pintura, escultura, debuxo, fotografía, vídeo, graffiti, instalación, danza, videoarte, arte urbano, arte electrónico, performance, música ou calquera outra tendencia de actualidade. Os proxectos terán necesariamente que integrar a identidade de cada territorio, a viaxe e o albergue como outra maneira de viaxar.

O Programa de Movilidad Creativa en Albergues comezou este ano o seu recorrido por cidades do territorio nacional (Zaragoza, Lugo, Miranda del Ebro, Vic...) Se tes algunha aficción artística ou queres adicarte no futuro a unha disciplina artística, estate atento a vindeiras convocatorias e participa en MOVIC.

Infórmate na páxina de Xuventude (http://xuventude.xunta.es/), no facebook de MOVIC (http://www.facebook.com/alberguesMOVIC) e na páxina da REAJ (http://www.reaj.com)

Por Ilda Luaces Torre.

venres, 22 de outubro de 2010

Obradoiro "El cuento hispanoamericano contemporáneo"

Neste venres 22 de outubro, a Dra. Haydée Ahumada Peña, profesora de Literatura Española e Hispanoamericana da Universidade Católica de valparaíso e Universidade de Chile, impartiu un obradoiro baixo o título. "El cuento hispanoamericano contemporáneo". Esta actividade foi desenvolvida en dúas sesións, para alumnado de 4º da ESO e 1º de Bacharelato, por unha banda, e 2º de Bacharelato, por outra. 

Durante unha hora, falouse das técnicas do conto moderno, herdadas do cine, para captar a atención dos lectores, e analizouse un dos mellores relatos do século XX: "La noche boca arriba" do arxentino Julio Cortázar. A iniciativa contou cunha boa atención e participación do alumnado, pretendendo estimular o placer pola lectura tamén no xénero conto, ás veces inxustamente relegado a un plano inferior ao da novela, pero  do que temos mostras con Borges, Cortázar, ou en Galicia con Manuel Rivas, Gonzalo Navaza ou Suso de Toro, de excelente calidade.

Por Carlos Ferreiro González.

venres, 20 de agosto de 2010

Día de Viana do Bolo en Bolivia

O pasado venres 14 de agosto, o irmanamento entre a UE Timoteo Rondales e o IES Carlos Casares fíxose sentir de novo. Desta vez, a través dunha xornada adicada a Viana do Bolo, celebrada en Bermejo, Santra Cruz (Bolivia).

(Fonte orixinal: http://proyectobermejoviana.spaces.live.com)

Por Luis Fernández López.

martes, 6 de xullo de 2010

Xogos de verán

Coloca os dedos en posición (fai click no vínculo e fíxate que cada dedo ten asociadas determinadas teclas segundo a cor) e teclea as letras que van saíndo.

Non mires aos dedos!

Por Ovidio Villar Marcos.

sábado, 26 de xuño de 2010

VI mostra de TEaTRo

Para nenos e nenas, para os non tan nenos nin tan nenas, para os maiores, para os chistosos, para os calados, para os alegres, para os inconformistas, para os que aman a tarima, para os que non se atreven a subir a ela, para os que viñeron de lonxe, para os que viñeron aínda de máis lonxe, para as músicas, para as matemáticas, para os tecnolóxicos, pour les françaises, para os lingüistas, para quen filma, para quen sobe e baixa camiñando, para quen atopa taxi, para os taxistas, para as costureiras, para as do catering...

para quen ri e para quen chora, para os clásicos, para as vangardas, para quen se apura, para quen suspira, para os prudentes ao volante, para quen nos dá bos consellos na estrada, para os que din stop accidentes, para as Carapuchiñas, para os lobos, para as rás, para quen desfila, para quen dirixe a quen desfila, para quen comeza a escribir teatro, para os mimos, para as luces, para as sombras, para todas e cada unha das persoas que fixeron posible esta VI Mostra de Teatro. Para María. Para un aniño máis. Para a VII.

Por Ovidio Villar Marcos.

mércores, 9 de xuño de 2010

Nova promoción de Bachareles IES Carlos Casares 2010



Despídese de nos cun ata pronto unha nova promoción de 2º de Bacharelato. Comeza agora unha nova etapa na súa vida na que lles desexamos o mellor. Ata pronto. Ata sempre

Lección de saída (Prof. Carlos Ferreiro)

Por Ovidio Villar Marcos.

Premio Endesa - IES Carlos Casares

A prensa galega recolle a nova do acto de entrega do galardón Endesa - IES Carlos Casares.
Clic no link.

martes, 8 de xuño de 2010

Proxectos TIC 2.0

Recentemente un grupo de profesores e voluntarios do IES Carlos Casares de Viana do Bolo (Ourense), coordinado polo profesor Ovidio Villar, vén de rematar o proxecto TIC que desenvolveron neste curso: "Incorporación do encerado dixital á práctica docente no tratamento das oito competencias básicas da ESO, no Bacharelato e na Formación Profesional". Froito das moitas horas de traballo adicadas ao mesmo, naceron cinco completas actividades para encerado dixital que xa son accesibles dende a aula virtual da nosa web (accede facendo clic aquí)

martes, 1 de xuño de 2010

Que tes pensado facer en xuño?

Para todos os gustos. Desfruta do mes de xuño co IES Carlos Casares de Viana do Bolo (Ourense)



Exposición "VI Concurso de Fotografía Matemática"
IES Carlos Casares
Do 2 ao 30 de xuño, de 09:00 a 20:00 horas, no corredor da Aula Magna Xesús R. Jares

"Fiadeiro - Café Literario"
IES Carlos Casares
9 de xuño, ás 11:00 horas, na Biblioteca do IES

"VI Mostra de Teatro Escolar Viana do Bolo" (ver programa)
Casa da Cultura
Do 14 ao 23 de xuño, de 10;00 a 14:00 horas, xornadas para escolares
17, 21 e 23 de xuño, de 20:00 a 21:30 horas, xornadas para todo o público

sábado, 29 de maio de 2010

Fallado o VI Concurso de Fotografía Matemática

O xurado do VI Concurso de Fotografía Matemática, composto polos membros do Departamento de Matemáticas do IES Carlos Casares de Viana do Bolo (Ourense), decidiron outorgar os galardóns aos seguintes participantes:

1º premio: "Paralelas musicais ao infinito" (Pablo Alonso)


2º premio: "Algunhas palabras compostas pódense formar con letras e números" (Pablo Pérez)


3º premio: "As fraccións representámolas ata con mandarinas" (Nuria Basteiro)


Estas e máis fotos estarán expostas no IES a semana que vén e ata fin de curso. Grazas a todos os participantes, pois facedes deste certame unha cita ineludible coa fotografia e coas matemáticas.

martes, 25 de maio de 2010

Fallado o II Premio Fundación Endesa - IES Carlos Casares

O xurado composto polos profesores Constantino Armesto, Amelia Pintos, Monserrat Ulloa, José Fouz e José María Pérez decidiu outorgar na Segunda Edición do Premio Fundación ENDESA - IES Carlos Casares o galardón a Adrián Ortega Fernández, alumno do IES Carlos Casares de Viana do Bolo e autor dun traballo sobre a enerxía hidroeléctrica e a comarca de Viana.

O acto de entrega do premio terá lugar o venres 4 de xuño, na Aula Magna Jesús R. Jares, ás 13:00h. Asistirán a este acto diversos membros de ENDESA, entre eles don José Antonio Galván Fernández, Responsable de la Unidad Territorial Ponferrada de la Unidad Producción Hidráulica Noroeste de Endesa Generación S.A.

venres, 21 de maio de 2010

Fantástica viaxe cultural a Barcelona

Na derradeira semana de Marzo 50 alumnos e alumnas de Bacharelato, acompañados de catro profesores do centro (Carlos Ferreiro, Federico Méndez, Monse Ulloa e Mª del Carmen Varela) desfrutamos de catro días de visita cultural a Barcelona. Estivemos aloxados no albergue Pere Tarrés na zona da Diagonal, despois dunha longa e cansada viaxe. O primeiro día visitamos a área de Montjüic onde nos guiaron a través da historia da arte no Museo Nacional de Arte de Catalunya. Esa tarde rematamos cun paseo e unha boa e merecida cea.


O mércores, logo da noite “toledana” que tivemos grazas ao grupo almeriense coñecimos o Museo da Ciencia de Cosmocaixa, na falda do Tibidabo onde faláronnos da historia da materia e percorrimos un muro xeolóxico. Pola tarde uns visitaron as Ramblas, Catedral, Sagrada Familia e Barrio Gótico e outros tivemos a sorte de gozar dunha vitoria do Barça fronte o Osasuna no Camp Nou. O día seguinte, os asistentes ao estadio foron sorprendidos gratamente cun xantar en Como en Casa de Fermín, templo gastronómico culé que quedou inmortalizado nunha fotografía co presidente Joan Laporta; moitos lembrarán sempre certas conversacións futbolísticas na sobremesa.

Moitos alumnos e alumnas acudiron tamén a toda unha semana de teatro, no que coñeceron a experiencia do café-teatro pouco habitual en Galiza. Algunhas alumnas e profesores acompañantes lembrarano tamén pola fauna urbana do Barrio do Rabal.

A mañá do xoves destacou por unha longa camiñata no entorno do Parque Güell onde Federico nos explicou as orixes deste proxecto de Gaudí, alí fixemos a foto xeral de grupo como recordo da excursión.

Na última noite houbo certa relaxación horaria tras a dura negociación de Pedro con Carlos. Era preciso aproveitar os lazos de unión entre Viana e Almería.

Na mañá do venres logo dun pequeno enfado nos diriximos a Port Aventura e gastamos os derradeiros folgos nunha xornada de lecer no parque caracterizada polo bo tempo que nos permitiu desfrutar das atraccións acuáticas e das colas para algunha delas.

A viaxe tocaba ao seu fin pero restaba outra longa viaxe por estradas aragonesas, sorianas, etc., que se nos pasaron entre doces soños.

Ás 8 da mañá do sábado chegamos a Viana para durmir horas e horas aínda que sorprendentemente moitos recuperaron a forma na noite do sábado para contar nos pubs as anécdotas da viaxe.

luns, 17 de maio de 2010

LETRAS GALEGAS 2010


Marbillosa imaxe a que nos ofrecen os nosos compañeiros Lidia e Ramón en colaboración co alumnado de 2º ESO.

xoves, 6 de maio de 2010

CRITIQUE DE CINÉMA: PERSEPOLIS

On aime le cinéma français et la liberté d´expression! C´est pourquoi, lors de la semaine de la presse dans notre lycée qui a eu lieu en même temps que le jour de la femme, les élèves de français de 1º BAC avons regardé le film Persepolis de Marjane Satrapi et Vincent Paronnaud. Un film qui nous a fait réfléchir sur la situation de la femme, la guerre... et voilà le résultat: nos critiques de cinéma! Bonne lecture!


"Persepolis c´est un film intéressant qui raconte l´histoire d´une femme qui passe par de différentes étapes de sa vie très compliqués. La guerre contre l´Irak, la chute du régime du Shah, la liberté, les vertiges de l´amour et la solitude sont quelques thèmes dont on parle dans le film pour ce qui le fait

Xornadas da Orientación 2010

Agora que para moitas e moitos de vós se achega o momento de decidir sobre o voso futuro académico e profesional, non está de máis lembrar os sabios consellos que nos deron os ponentes das Xornadas de Orientación 2010 do Carlos Casares de Viana. Un amplo abano de participantes o convocado polo Departamento de Orientación, que coordinou o acto. Contamos con representantes da Inspección, das Universidades de Santiago, León e Europea de Madrid, profesores de Ciclos Formativos de O Barco de Valdeorras, mandos de Infantería de Marina e, mesmamente, con outros profesionais que nos contaron as súas experiencias na elección do seu futuro nunha interesantísima mesa redonda.

Aquí queda un pequeno resumo. Material completo, e moito máis, no Departamento de Orientación.

martes, 4 de maio de 2010

Unha alumna do Carlos Casares gaña o III Certame de Relato Carlos Caneiro

A nosa compañeira de 4º da ESO, Clara Ortega Fernández, resultou gañadora do III Certame de Relato Curto Carlos Caneiro, organizado para centros de Secundaria de toda Galicia polo CPI Laureano Prieto de A Gudiña. Clara resultou elexida polo seu magnífico relato "A pequena bohemia", que vos convidamos a ler, e que xurde a partires dunha lectura persoal de O principiño, de Saint-Exupéry. O Premio foi entregado o pasado luns 3 de maio, na Gudiña, polo propio Carlos Caneiro, e consistiu nun Notebook, nun diploma, un lote de libros, e, por suposto, a publicación inminente do seu relato. Clara leu de xeito excelente, aínda que nerviosa pola emoción, o seu texto ante o público asistente. Desde aquí lle damos os parabéns, e animámola a seguir a súa andaina polo vieiro da literatura. ¡Noraboa, Clara! A continuación, o relato gañador:


A PEQUENA BOHEMIA

Cando tiña cinco anos, cada tarde meu pai líame un conto. Un día, mentres me lía “O principiño”, díxenlle: Papa, ti es ese neno, a que si? 

sábado, 1 de maio de 2010

Fallo do certame "Cartas de Amor"

O xurado do certame "Cartas de Amor" vén de emitir o seu fallo:

Categoría 1º e 2º da Eso:

1º. Lois González Alonso
2º. Anduriña Ochoa Blanco

Categoría 2º e 3º da Eso:
1º. Clara Ortega Fernández
2º. Tania Sánchez Gómez

Categoría 1º e 2º de Bacharelato
1º. Irene Gregorio Couso
2º. Iván Prado Alonso

Clic aquí para ler as cartas premiadas.
Parabéns a gañadoras e gañadores.

martes, 20 de abril de 2010

Un gol pola educación

O pasado luns 19 de abril dende o IES Carlos Casares de Viana do Bolo unímonos á campaña mundial "Un gol pola educación". Logo de lembrar que económicamente non é imposible, nin moito menos, conseguir que o proceso de escolarización chegue a cada recuncho do planeta, desfrutamos da poesía de Gabriel Celaya e participamos (ben no campo, ben arredor del) nun partido de fútbol amistoso que reuniu, unha vez máis, a todos os ámbitos da comunidade educativa. 

Podes ver máis opinións nos seguintes medios:

O seguinte video é o editado no canal de Youtube do diario ourensán La Región (Valdeorras)

luns, 29 de marzo de 2010

Alto aos accidentes

O pasado venres tivemos a oportunidade de conversar con Sinda Aguiar, responsable de Educación Vial, e David Llorente, Xefe Provincial de Tráfico, nunha animosa charla que foi dende as novas licenzas e permisos de circulación e conducción ata o grave risco de accidente que temos se econducimos baixo os efectos do alcol. Tamén puidemos ver como ao longo dos anos foron evolucionando as campañas de prevención (casco, cinto, non alcol...) na estrada: dende as primeiras, dos anos 60 e 70, "inxénuas" en certo modo, ata as máis impactantes e realistas dos últimos anos.

martes, 23 de marzo de 2010

Entrevista a Eduardo García-Rodeja, catedrático de Edafoloxía en Santiago

A composición ideal do solo non existe

- ¿Qué é a edafoloxía?

- A edafoloxía é unha rama da ciencia que estuda a composición e natureza do solo e a súa relación coas plantas e o entorno que as rodea. Podemos encontrar dentro da edafoloxía unha relación entre esta, a física e a química.

-¿Qué tivo que estudar para chegar a ser catedrático do departamento de edafoloxía e química da U.S.C ?

- Primeiro saquei o graduado escolar e o bacharelato, despois entrei na universidade, estudei bioloxía, e comezo a facer unha tese mentres facía a tese, exercín como profesor axudante ata que mais adiante xa exercín como profesor.

- ¿Como podemos diferenciar uns solos doutros?

- Os solos cambian moito dun lugar a outro, presentan diferenzas na súa composición química e a súa estrutura física, ademais os diferentes tipos de solo están determinados polo tipo de material xeolóxico do que se orixinan, pola súa parte vexetal e pola cantidade de tempo en que actuou a meteorización.

luns, 15 de marzo de 2010

Fallado o primeiro certame de Contos Matemáticos IES Carlos Casares

Ducias e ducias de contos. E todos interesantes. Difícil elección. O Departamento de Matemáticas do IES Carlos Casares de Viana do Bolo (Ourense) proclama gañador deste certame de Contos Matemáticos IES Carlos Casares a Pablo Alfonso Sánchez, de 1º ESO, polo seu orixinal e ben elaborado conto "O secuestro do número 4", que podedes ler a continuación. Parabéns, Pablo!

O SECUESTRO DO NUMERO 4

Un día calquera, nun lugar calquera, estaban a discutir os números e as letras, para ver quen era máis importante; non se daban posto de acordo e quedaron así.

luns, 8 de marzo de 2010

Carolina non sabe

Carolina non sabe cándo é o día dos dereitos humanos, nin o día mundial sen tabaco; nin o día internacional da paz; nin o día da bicicleta; nin o do xurelo de Cambados ou o do pemento de Padrón, ela non está ó tanto destas celebracións tan sinaladas do calendario. Sen embargo ela si sabe, cando o neno máis pequeno ten clase de ximnasia e lle ten que ter preparado o chándal, ou cando o maior quere saír de marcha e precisa sempre aquela camisa negra que nunca está ben pasada.

martes, 2 de marzo de 2010

VI Concurso de Fotografía Matemática

Fíxose esperar pero xa está aquí. Arranca a sexta edición deste certame, organizado polo Departamento de Matemáticas do IES Carlos Casares, que dende hai anos trata de unir dúas afeccións que no fondo non son tan diferentes (máis ben complementarias): a fotografía e a matemática. ¡Anímate a presentarte! Envía as túas fotos con título (o nome da foto) e os teus datos (no asunto ou na mensaxe) antes do 30 de abril de 2010. Poderás gañar un destes fantáticos premios: 1º CAMARA DIXITAL, 2º MARCO DIXITAL, 3º MEMORIA USB. Os traballos premiados serán publicados nesta revista. Fai clic na imaxe da dereita para ver ampliado o cartel do sexto certame.

sábado, 27 de febreiro de 2010

Celebración do Día da Paz

O pasado 29 de xaneiro o alumnos e profesores do Equipo de Mediación Escolar do noso instituto distribuímonos por aulas para iniciar a celebración do Día da Paz. En cada aula realizáronse pequenos obradoiros relacionados non soamente coa mediación, senón que se traraton outros temas de interese como os estilos de comunicación. Ao longo da mañá tamén se entregaron os diplomas correspondentes ás dúas últimas promocións de mediadores. Pechou o acto a lectura musicada dun fermoso poema de Estela, creado nun dos obradoiros de poesía celebrados recentemente no centro. Resume dun minuto neste video.


Ovidio.

mércores, 24 de febreiro de 2010

Retos de cara ó futuro: igualdade de xénero

O vindeiro luns, 1 de marzo, ás 18:15 horas , na Aula Magna "Xesús R. Jares" terá lugar a conferencia: "Cara unha sociedade en igualdade de xénero. Un reto para quen nos toca educar". Será impartida por Paz Cainzos Rodríguez, socióloga e experta en xénero e desenvolvemento. A actividade, que durará aproximadamente unha hora e media, vai dirixida específicamente ao profesorado do instituto e os pais e nais de alumnos/as que tamén están convocados. Ademais, a actividade está aberta ao público interesado. A actividade está organizada pola ONG InterRed e financada pola AECID, dentro da campaña "Móvete pola igualdade. É de xustiza". Ese mesmo día desenvolverán actividades con todo o alumnado do centro, como a actividade do Día da Muller, e tratando unha cuestión de importante impacto educativo nesta bisbarra.

luns, 15 de febreiro de 2010

Exitosa conferencia de Sebastián Álvaro

O pasado venres, Sebastián Álvaro, director do mítico programa de televisión "Al filo de lo imposible", soubo meterse no peto ao público dunha ateigada Aula Magna Xesús R. Jares, no IES Carlos Casares de Viana. Narracións impecables, imaxes impactantes e unha xenial música de fondo provocaron a continuada atención, durante case hora e media, dunha morea de rapaces de Viana do Bolo, A Veiga, Vilariño de Conso e A Gudiña. Ademais de dar resposta a todas as preguntas do público, este intrépido aventureiro soubo satisfacer tamén a curiosidade de moitos rapaces e rapazas que, ao finalizar o acto, se achegaron a coñecer persoalmente ao conferenciante. A carón destas liñas, vemos a un grupo de rapaces de bacharelato conversando animadamente con el. Francamente xenial.

mércores, 10 de febreiro de 2010

venres, 5 de febreiro de 2010

Namorad@s

O Equipo de Normalización e Dinamización Lingüística do IES Carlos Casares de Viana do Bolo (Ourense) vén de convocar un concurso de cartas de amor. Destinado a todo o alumnado do IES, este certame tratará de seducir a imaxinación das/dos declarantes con perfumes e colonias como premios do máis orixinal, buscando as mellores declaracións de amor.

mércores, 3 de febreiro de 2010

Semana da Orientación

Durante os días 9 e 10 de febreiro terán lugar no IES Carlos Casares de Viana do Bolo (Ourense) unha serie de conferencias todas elas no eido da orientación profesional de cara ao noso alumnado. Universidade? Ciclos formativos? Que me convén máis? Teño dúbidas?

Destinatarios: alumnado de ESO e Bacharelato e as súas familias.

Organiza: Dpto. de Orientación



luns, 1 de febreiro de 2010

Ao fío do imposible

O vindeiro venres 12 de febreiro teremos a oportunidade de desfrutar en Viana do Bolo de dúas interesantes conferencias impartidas por Sebastián Álvaro, montañista, escritor e director do coñecido e recoñecido programa "Al filo de lo imposible". Visita a montaña vianesa un escalador de primeira.

No IES Carlos Casares ás 11:30 h.: "30 AÑOS DE AL FILO"
Na Casa da Cultura ás 19:00 h.: "GESTIÓN DEL RIESGO: SHAKELTÓN, EL AVENTURERO PERFECTO"

Para desfrutar.

luns, 18 de xaneiro de 2010

Recoñecemento dos clubes de lectura

A Xunta de Galicia vén de outorgar a contía de 800 € ó clube de lectura "O Gato Samuel", do noso centro.

mércores, 13 de xaneiro de 2010

Festival solidario

Vivindo o proxecto Viana - Bermejo.

Poucos días antes do Nadal tivo lugar, na Casa de Cultura de Viana do Bolo, e organizado polo Vountariado do IES Carlos Casares de Viana, o II Festival Solidario con Bermejo (Bolivia), en presenza da representante da ONG “Escuelas de la Tierra”, a profesora boliviana Yaneth Rivero Rivero, quen permaneceu en Viana do Bolo durante mes e medio.

Na hora e media de duración do festival, coordinado e presentado polo voluntario do instituto Óscar López Mendaña, a música e o teatro fixeron desfrutar a unha sala chea de veciños e veciñas de Viana, Vilariño e A Veiga. O grupo de teatro, o alumnado de música, os rapaces de PROA, o alumnado de Ciclo Formativo de Atención Sociosanitaria... foron desfilando pola tarima entre os aplausos dos asistentes.


Ao logo do acto, que rematou cun chocolate quente, recaudouse o suficiente para que dous alumnos ou alumnas da UE Timoteo Rondales de Bermejo poidan iniciar estudos na universidade a partir do mes de febreiro. Foron 1000 euros os que se recolleron na furna solidaria e coa venta de rifas. Cincocentos euros son o custo da matrícula e o aloxamento na cidade de Santa Cruz (Bolivia) dun estudiante ao longo dun curso académico. As bolsas son destinadas a alumnado con interese e capacidade que non ten maneira de estudar se non é coas bolsas de “Escuelas de la Tierra”. É unha inversión en solidariedade e futuro, porque cada bolseiro adica tres horas de voluntariado á súa comunidade axudando nos estudos a rapaces e rapazas máis novos.


E todo por solidariedade, todo por xustiza. Grazas a todos e todas, no contexto dunha cidadanía global na que vianeses e bermejeños comparten os mesmos dereitos humanos.