O Choupín dixital
A revista do IES Carlos Casares de Viana do Bolo

venres, 23 de decembro de 2016

Montaxe de robots

O alumnado de TIC II vén de montar os mBots enviados pola Consellería, así como probalos vía bluetooth mediante a app Makeblock. Incluso algún se animou a introducir certas melloras no chasis para improvisar un recolledor automático.



Obradoiros contra o VIH

O alumnado do segundo ciclo da ESO participou esta semana en dous obradoiros contra o VIH, promocionados pola Cruz Vermella e impartidos por Mónica, a quen agradecemos a súa labor informativa.



Trivial de xénero

Cristina e Olaya, da asociación cultural Os Tres Reinos da Mezquita, veñen de organizar cos rapaces da ESO do noso IES, este martes 20, un trivial con preguntas referentes á igualdade de xénero, unha actividade innovadora polo seu formato e que gustou ao noso alumnado.


Premiados!

Aquí tedes ao Gonzalo e ao Christian, logo de recoller un merecido trofeo pola súa boa clasificación na V Carreira e Andaina de Nadal, celebrada o pasado 18 de decembro na Rúa.


xoves, 15 de decembro de 2016

Buscando ideas para as FCT

Carlos Ferreiro e Ovidio Villar veñen de participar no II Fórum "Ensino Profissional e Transfronteiriço 2016: Perspetivas de Cooperaçao", celebrado en Valença (Portugal) o pasado 13 de decembro, para analizar unha nova forma de xetión de empresas para a realización da FCT (formación en centros de traballo) do alumnado de formación profesional.


link ao programa

venres, 9 de decembro de 2016

Prevención

Na tarde do pasado 7 de decembro, o noso director, Carlos Ferreiro, representou ao centro nunha Xornada de Prevención do Acoso Escolar, enmarcada no evento cultural e de lecer Megaxove, 17 Salón da Xuventude, no recinto ferial Expourense da capital provincial, e organizado pola Fundación Cipri Gomes, cuxo director actuou de moderador. Xunto ao experto en ciberacoso da Garda Civil, Roberto Valente, a directora do Centro de Formación e Recursos Dolores Nieto, e ao , Carlos incidiu no diálogo e a Mediación como mecanismo de prevención de actitudes mais graves como o acoso e tamen como aprendizaxe personal e colectivo para unha convivencia axeitada. A charla coloquio tivo unha gran cobertura dos medios de comunicación e unha participación activa do público asistente. Agradecemos pois aos organizadores da Fundación Cipri Gomes a sua invitación.

mércores, 7 de decembro de 2016

Cómic ODS 2030

Os días 28 e 29 de novembro, na sede da AECID en Madrid, o IES Carlos Casares, por medio do seu director Carlos Ferreiro, participou nun proxecto didáctico de elaboración de un Cómic que pretende recoller os 17 Obxectivos de Desenvolvemento Sostible 2030, que se agrupan en torno a cinco eixos clave, denominados as 5 P, polas suas iniciais en inglés: (Planet, People, Peace, Prosperity, Partnership) ou sexa Planeta, Persoas, Paz, Prosperidade e Alianzas.


O froito debe ser un producto que sirva como guía educativa para a aula, con actividades motivadoras e interdisciplinares, e que teñas un forte carácter visual e simbólico. A maioría deses contidos (cultura de paz, igualdade de xenero, consumo responsable) son ben coñecidos e traballados no noso centro, polo que a aplicación práctica da publicación, agardemos que sexa un éxito absoluto. A principios de febrero habera unha xuntanza final para cerrar a edición, e como siempre, desexamos agradecer a Axencia Española de Cooperación Internacional para o Desenvolvemento a consideración especial que ten co noso instituto.

Concurso de Ortografía

Na tarde do pasado 17 de novembro, no IES do Sar de Santiago de Compostela tivo lugar a fase final autonómica do XVII Concurso Hispanoamericano de Ortografía. O IES Carlos Casares foi representado  por Alba Rodríguez de Zugasti, que foi acompañada por Uxia, como tutora, Carlos como profesor de Língua Castela e as dúas compañeiras finalistas na fase de centro, María Blanco Oliveira e Tania Yañez Rodríguez.



Foi unha interesante experiencia competindo con moitos centros públicos e privados de Galicia, especialmente urbanos, e o xurado fixo especial mención de recoñecemento e agradecemento a Alba e ao noso Instituto polo esforzo que supon a viaxe a capital de Galicia. Noraboa, Alba, polo trunfo en Viana e por este novo reto da participación a tan alto nivel.

Vai de cadros

Seguimos aprendendo a xogar ó xadrez ou perfeccionando o noso nivel. Pronto participaremos no campionato provincial en Ourense.







Le Petit Prince...

O pasado 30 de novembro, o alumnado de primeiro ciclo da ESO desprazouse a Ourense para asisitir á representación teatral "Le petit prince", unha exquisitez que cos anos imos os máis grandes interpretando de maneira diferente. Recomendable para todos os públicos.




Voluntariado TIC Abalar 2016-17

Presentamos o voluntariado TIC Abalar do primeiro ciclo da ESO para este curso. Lois, Gael e Tania de 2º de ESO e Andrea, Uxía, José Ramón, Simón, Yoel e Paulo de 1º de ESO. Colaboran no bo funcionamento das novas tecnoloxías na aula, reparto de equipos, control de carga, problemas, prendido e apagado de equipos... Coordina J. Fouz.


Impresión 3D

Modelo de silla deseñado por alumnado do IES Carlos Casares (Vídeo de J. Fouz)


xoves, 1 de decembro de 2016

Tertulia literaria en Allariz

Hoxe, 1 de decembro, tivemos a oportunidade de participar na tertulia literaria organizada polo IES de Allariz, no que a escritora compostela Inma López Silva respondeu a uns 50 alumnos de Secundaria de Xinzo de Limia, Maceda, U. Laboral de Ourense, Allariz e a Breogan Rodriguez e María Montesinos, do noso centro, que amosaron unha gran madurez coas suas intervencións.


Tivemos a honra de presentar a autora no programa radiofónico, e Irene e Monse representaron a nosa Biblioteca e Clube de Lectura. A novela Aqueles días en que eramos malas, plantexa múltiples temáticas como a perda da liberdade, a victimización da muller, as diferentes formas de manifestar o amor e o desexo e a morte como liberación. Foi unha xornada excepcional pola cercania da autora e a participación activa do alumnado. Grazas como sempre as compañeiras de Allariz pola sua invitación.

luns, 28 de novembro de 2016

Impresoras 3D

Acabamos de probar o este kit de impresión 3D recén chegado ao centro. En breve estará operativo para construir modelos de aplicación na aula. A impresión tridimensional ofrece múltiples posibilidades: figuras xeométricas, ortopedia, mapas de relevo...



Obradoiros de xénero

Sara estivo con nós de novo para achegarnos á prevención da violencia de xénero... Nas imaxes aparecen as actividades programadas para a ESO en colaboración co CIM Viana do Bolo...



Non á violencia, ti decices o cambio

Acaban de editalos rapazas e rapaces de 4º da ESO coa súa profesora de galego...



Entregadas as mochilas viaxeiras

Acaban de recibilas alumnas e alumnos de 1º de ESO. Nelas van libros, filmes... e algunha que outra sorpresiña...


Montaxe de robots

A Consellería acaba de enviar varios kits de robótica aos centros. O modelo de robot enviado ten tres posibilidades de montaxe, manéxase co móbil mediante bluetooth e grazas a un software específico é posible programalo para realizar diferentes accións. Na imaxe aparecen José Fouz e Ovidio Villar, profesores de Educación Plástica e Matemáticas no IES Carlos Casares, que están a realizar no Barco de Valdeorras un curso de formación específico para esta actividade, e en breve a poñerán en práctica co alumnado nas aulas.



venres, 25 de novembro de 2016

25 N

Hoxe foi un día para lembrar a todas aquelas vítimas da violencia de xénero, para non baixar a garda e para ver que todos e todas estamos unidos para conseguir o mesmo obxectivo: nin unha menos, hoxe e sempre.







mércores, 23 de novembro de 2016

Noticias revoltas

Ovidio V. | Durante a xornada de hoxe visitounos María Lobo (AGARESO) para traballar co alumnado de 1º de ESO neste proxecto anual. Hoxe tocaba gravar unha nova inspirada nunhas determinadas imaxes pero cunha voz en off que dera a volta á noticia, intercambiando roles, analizando estereotipos e practicando a empatía. #EpdLAB


Este programa educativo permite ao alumnado traballar en tres liñas importantes: a cooperación entre as persoas como eixo dunha educación en valores, a análise da actualidade e as novas tecnoloxías.

Roedores

O Concello de Viana do Bolo vén de ofertar de forma gratuíta a obra de teatro "Roedores", con tintes non sexistas e como alegato á igualdade de oportunidades. A aula de 1º de ESO tivo a oportunidade o día 21 de asistir ao teatro na Casa da Cultura de Viana do Bolo.


Cross en Tintores

A pasada semana, o equipo de cross formado por alumnado do CEIP Bibei e do IES Carlos Casares conseguiu dous prezados trofeos no campionato provincial de cross en Tintores (Verín, Ourense). Parabéns!


martes, 22 de novembro de 2016

Visita a Galiciencia 2016

Marcos & Gabriel (3ºESO) e Joely, Angel, Adrián, Álvaro & Rubén (1ºBac). Hoxe 17 de novembro os grupos de 3º de ESO e 1º de bacharelato fomos a visitar Galiciencia, a maior feira das Ciencias de Galicia, a San Cibrao das Viñas. De camiño paramos a comer en Allariz. Ao chegar separáronnos en dous grupos: nun dos grupos os de 3º de ESO e no outro os de 1º de bacharelato.
Na carpa puidemos ver uns experimentos que facían alumnos doutros centros. De todos os que había o que máis nos gustou foi no que se cultivaban microorganismos nuns recipientes chamados placas Petri que conta con alimento para os microorganismos, o experimento consistía en poñelas en diversos lugares do seu instituto e logo observaban o tipo de microorganismos que crecía en cada unha delas. O experimento estivo moi ben e ademais déronnos unha placa para facelo na casa ou no noso instituto. Tamén vimos un experimento dun robot que se poñía nas clases que esquivaba obstáculos e que se os alumnos falaban moito avisaba ao profesor.



Tamén nos deron unha charla de “As matemáticas na natureza” onde un dos temas tratados foi a lei de Fibonacci e fixemos pompas de xabrón.
No salón de actos do Parque Tecnolóxico escoitamos outra charla tamén a cerca das matemáticas e a súa utilidade con exemplos prácticos do mundo que nos rodea. Centráronse na historia dos números, nas súas crenzas (666, o número do demo), na historia do xadrez que posúe un gran achegamento ás sucesións matemáticas, na estatística (co Manuscrito Voynich) e o bonito achegamento que sucede entre as matemáticas e a música (cun exemplo visual para observar a forma das ondas que que se xeran cos distintos xéneros musicais; todo isto provocado nun tubo denominado Tubo de Rubens).


Ao acabar marchamos cunha libreta e dúas piruletas e coa mente chea de cousas e experimentos aprendidos...

Un recordo de Búbal

Para que quede constancia no centro da nosa semana no programa PRUEPA en Búbal o derradeiro día alí como parte do noso proxecto comezamos a facer uns murais que rematamos xa ao noso regreso engadíndolle fotos para que os nosos compañeiros podan ver un anaquiño da nosa experiencia e nós a lembremos cando pasemos polos corredores.



luns, 21 de novembro de 2016

Viaxeiras

Temos unha maleta viaxeira na biblioteca, cargada de cómics para ti. E temos mochilas viaxeiras para os clubes de lectura... con sorpresa... Valo perder?



venres, 4 de novembro de 2016

Sábado 22: O regreso a casa logo dunha gran experiencia

Cosme, Guille e Raquel. Finalmente o sábado tocou a canción a mesma hora de sempre, para algúns o despertar foi máis duro, fixemos a cama para os futuros ocupantes e almorzamos.


Despois de despedírnonos dos nosos novos amigos e compañeiros madrileños e facernos unha foto grupal para o recordo, cargamos as maletas no bus e emprendimos a longa viaxe de once horas que nos esperaba ata Viana. En Burgos paramos para comer e coñecer un pouco do centro da cidade.


Chegamos a Viana ás nove da noite a reunirnos cos nosos familiares despois dunha semana afastados.

Búbal, ...unha gran experiencia.

Venres 21: Poñendo nota á nosa semana en Búbal

Hoxe é o ultimo día de tajos en Búbal, segundo os nosos profesores fixemos un bó traballo durante estas mañás de duros traballos (xardinería, leña, animais, valados, comedor...). Logo Carmen púxonos nota ao noso comportamento e aproveitamento da estancia e déronnos boa nota, e nós tamén fixemos comentarios sobre o que máis nos gustou, o que cambiariamos,...


Xa pola tarde rematamos o noso proxecto de centro sacando conclusións en grupos e deseñando unhas cartulinas sobre as nosas vivencias neste paraxe a carón dos Pirineos que colocaremos nos corredores do instituto cando lle engadamos algunhas fotos. Antes de tomar a merenda lles contamos algo máis aos nosos compañeiros madrileños sobre os nosos concellos, o Entroido, …


Ao final da tarde tocou escribir dedicatorias nuns petos a compañeiros e profes e que nos quedarán como recordo desta semana. Despois da cea tiñamos festa na igrexa, ainda que non foi moi animada, ata que tocou marchar á cama porque mañá espéranos unha longa viaxe.