O Choupín dixital
A revista do IES Carlos Casares de Viana do Bolo

xoves, 30 de outubro de 2014

CEAM Viérnoles, día 3

Tomé e Iago G. | O terceiro día comezou compartindo no almorzo cos nosos amigos de Cortegana a bica que trouxemos. Hoxe estivemos todo o día fóra. Pola mañá fomos ao Parque Natural das Dunas de Liencres na desembocadura do río Pas onde nos explicaron os tipos de dunas que hai e a vexetación deste ecosistema con exemplos de plantas autóctona, alóctona, endémica, invasora.

Rematamos a mañá cun paseo pola praia buscando cunchas e mollando os pés.

A seguinte parada foi Santander, no parque que rodea ao Palacio da Magdalena comimos e vimos un minizoo onde había leóns mariños, focas e pingüíns e logo fomos ao Museo Marítimos do Cantábrico (MMC), a entrada do mesmo destacan 2 grandes esqueletos que colgan do teito o dun rorcual (cetáceo con barbas) e dun cachalote (cetáeo con dentes) e despois vimos moitas variedades de animais no acuario: tiburóns, raias, róbalizas, peixes rocha, estrelas de mar de dous tipos (algunha que estaba rexenerando o seu brazo), coral amarelo, tomate de mar, anémona sobre un cangrexo ermitán (exemplo de inquilinismo que estudiamos en clase de Ciencias)...No museo tamén vimos unha peculiar sardiña que tiña cabezas e un calamar xigante.


De seguido paseamos cara o embarcadoiro a coller o barco que cruzou a bahía xa de noite e nos levou ata Somo onde nos estaba esperando o bus para traernos de regreso ao CEAm.


Na cea tivemos a oportunidade de saborear a paletilla ibérica que viaxou desde Cortegana para saborear os dous centros como parte do intercambio. O día rematámolo vendo a película “Entre lobos”. E xa pasou un día máis...

mércores, 29 de outubro de 2014

CEAM Viérnoles, día 2

Alba L. | O noso segundo día en Viérnoles comezou con tres talleres pola mañá: un onde aprendimos a identificar árbores polas súas follas, outro no que descubimos que é un fractal e exemplos que podemos atopar na natureza (unha folerpa de neve, as árbores, o noso sistema circularorio...) e outro onde aprendimos a identificar bioindicadores (macroinvertebrados) para determinar a calidade da auga dun regato que pasa polo CEAm.


Xa pola tarde fomos a ver o museo de Altamira onde nos ensinaron a Neocueva que é unha replica das famosas covas de Altamira que para a súa conservación están pechadas ao público, nela nos ensinaron obxectos que usaban os nosos antepasados, e as pinturas que realizaban no teito das covas (material e técnica empregado, animais representados como bisontes, cabalos...). Despois fomos a Santillana del Mar onde fixemos un Rally fotográfico, un xogo onde había que ir visitando edificios importantes e casa peculiares (con escudo) e logo resolver unhas preguntas; ao rematar deixáronnos un pouco de tempo para ir comprar algún recordo.


Despois de cear tocaba presentar os nosos centros e localidades. Puidemos comprobar que temos algunha cousas en común como a matanza dos cerdos (“guarros” como se chaman na zona de Cortegana) e o feito que o Entroido/Carnaval sexa unha das festas máis importantes. Descubrimos tamén a cantidade de obxectos que se poden fabricar con corcho.

martes, 28 de outubro de 2014

CEAM Viérnoles, día 1

Julia e María | Hoxe medios durmidos partimos de Viana ás 6 da mañá cara a Cantabria a unha convivencia cuns rapaces e rapazas de Huelva. Foi unha viaxe moi longa e ás 12 chegamos ao noso destino, Viérnoles.


Cando chegamos repartimos as habitacións e fixemos as camas (para algún e algunha a primeira vez que a facía), explicáronnos as normas do CEAm (Centro de Educación Ambiental) e fomos a comer. No comedor cada un de nós temos as tarefas repartidas.
Despois de comer fomos a pasear polo monte Dobra onde vimos moitas árbores: carballos, abeleiras, freixos... e plantacións de eucaliptos, xa que Torrelavega (que está ao lado) ten unha papeleira. Amosáronnos tamén 2 típicas casas cántabras: unha casa-cabaña (con rochas sillares e mamposteria, madeira e tellas) e unha casa rica (con rocha de sillares, escudo e solana).


Logo de sacarnos unha foto de grupo ao pé do Eucaliptón (árbore singular protexida que mide máis de 50 m e ten 13 m de perímetro) que se atopa a carón do recinto do CEAm fomos merendar e tivemos tempo libre. Antes de cear Elsa, da fundación Oso Pardo, veu darnos unha interesante charla sobre esta especie que está en perigo de extinción, contounos onde vive, que come, o coidado das cría... e amosounos indicios que se buscan para detectar a súa presenza (pegadas, excrementos, arañazos e mordiscos nas árbores, restos de pelo) e as actividades do home que a perxudican.

Para rematar o día fixemos uns xogos de presentación con música e un bingo para coñecer máis aos novos compañeiros. Logo deste día intenso marchamos a durmir sen protestar.

sábado, 25 de outubro de 2014

CEAM Viérnoles 2014

A próxima semana 25 alumnos e alumnas de 2º da ESO do IES Carlos Casares de Viana acompañados polos profes Jose e Monse imos realizar unha estadía no Centro de Educación Ambiental (CEAM) en Viérnoles (Cantabria).

Serán 5 días ode convivieremos con outros 25 alumnos e alumnas e dous profes do IES San José de Cortegana (Huelva).


Entre as múltiples actividades que nos teñen programadas están: a visita á réplica da cova de Altamira, un rallie fotográfico por Santillana del Mar, rutas polo Monte Dobra, polos Parques Naturais das Dunas de Liencres e do Saja-Besaya e pola bahía de Santander, un paseo en barco a Pedreña/Somo, a visita ao Museo Marítimo do Cantábrico (MMC), talleres de inglés, simulación, folla e árbores, taller do río...

Tamén teremos tempo para xogar, ver cine, presentar o noso centro e a noso entorno e costumes aos nosos compañeiros por unha semana. E a última noite... festa para despedirnos.

Todos os días un grupo de rapaces enviará unha crónica ao Choupín.


That's English!

Esta semana comezou o programa That's English no IES Carlos Casares. Nunha amena presentación na Biblioteca do centro, alumnado e profesorado tiveron ocasión de departir sovre o inicio deste novo curso.

luns, 20 de outubro de 2014

As laranxas máis laranxas...

J. Seoane | No IES Carlos Casares de Viana do Bolo, un grupo de rapaces e rapazas de primeiro e segundo de ESO saíu de excursión a Ourense para ver unha obra de teatro: "As laranxas máis laranxas de todas as laranxas". A obra trataba dun limoeiro que, unha mañá, dera unhas enormes laranxas. A primeira laranxa tocada polo protagonista estoupou, a segunda contoulle un conto a Anxa, e regaloulle un instrumento musical a cada persoa, agás un rapaz que sempre tiña fame, e a quen lle deu un anaco de laranxa para que o comera. Esta obra tiña moitas partes musicais, nas que se combinaban moitos instrumentos diferentes, como o kazoo, o tamboril o bombo ou o acordeón.

No Teatro Principal (imaxe: N. da Cruz)

No autobús foi unha longa viaxe, sobre tres horas ida e volta, e con nós viaxaron alumnos de 1º de ESO do Instituto da Gudiña.

venres, 17 de outubro de 2014

Género y masculinidades para reforzar la equidad de género

InteRed-Galicia está desarollando cursos intensivos de formación en género y masculinidades con estudiantes y el profesorado de los IES de Chapela de Vigo y Carlos Casares de Viana Do Bolo, como parte de su estrategia de reforzamiento de la equidad de género que viene realizando desde el año 2010.

Una de las actividades con 1º de ESO en el IES Carlos Casares

En 2014 estos cursos se dan en marco del proyecto “Redes educativas para la sostenibilidad de la Vida”, subvencionado por la Cooperación galega de la Xunta de Galicia. En 2014 los cursos en estos IES están siendo facilitados por Walberto Tejeda y José Rutilio Delgado, del Equipo de Masculinidades de Centro Bartolomé de Las Casas de El Salvador C.A. y por Paz Cainzos, persona que acompaña permanentemente el trabajo de InteRed en la zona.

Enquisa de actualidade

Na xornada de hoxe, o alumnado de 3º ESO, 4º ESO e 1º BAC realizou unha enquisa sobre diferentes  hábitos e condutas relacionadas coa sexualidade.


Desta interesante enquisa, desprenderase información tan relevante como valores de respeto e tolerancia, realidade sobre igualdades (ou desigualdades) de xénero ou prácticas como o sexting, que ben seguro todas e todos queremos eliminar da vida cotiá. Estivo a realizar esta actividade no noso IES Patricia Ruído, da Universidade de Vigo (Ciencias da Educación - Ourense), e a quen moi posiblemente vexamos de novo en Viana.

sábado, 4 de outubro de 2014

O que Abalar uniu...

Hoxe casaron dúas persoas ben queridas pola comunidade educativa de Viana do Bolo. Pepe e Rosa, docentes do IES Carlos Casares e do CEIP Bibei respectivamente, deron un paso no que dende esta revista lles desexamos toda a felicidade do mundo. Parabéns, compis!

venres, 3 de outubro de 2014

Avaliación 0

Ovidio V. | Onte xoves, pola tarde, desenvolveuse no IES Carlos Casares a Avaliación Cero en competencias. A avaliación de 1º de ESO foi compartida cos compañeiros e compañeiras dos centros de primaria de Viana do Bolo, Vilariño de Conso e A Veiga, a quen agradecemos a súa presenza dada a importancia que ten para nós o bo coñecemento do novo alumnado do centro.

Francisca Rodríguez, Directora do CEIP Bibei (segunda pola esquerda), durante unha intervención

As probas, que tiveron lugar a pasada semana, miden o nivel de competencia lingüística, matemática, dixital, social e cidadá e en interacción co mundo físico do alumnado da ESO.

mércores, 1 de outubro de 2014

Moulin Rouge

Uxía F., Joëly F. | O pasado venres 19 de setembro fomos ver un musical chamado Moulin Rouge, interpretado polos alumnos e alumnas do IES Taboada Chivite de Verín. Desfrutamos moito véndoos actuar. Ao finalizar o espectáculo, comemos un snack e regresamos ao instituto.