O IES Carlos Casares está a ser
representado nunha Visita de Estudio organizada pola Unión Europea na
cidade báltica de Parnü (Estonia). O Vicedirector, Carlos Ferreiro
González participa nun intercambio de experiencias educativas, xunto a
outros 13 especialistas de toda Europa, que traballarán desde o luns 23
ao venres 27 deste mes de abril, en aspectos relativos aos procesos de
mellora de rendemento de cada centro e cada país, e no proceso de
formación do profesorado.
 |
| Carlos Ferreiro, terceiro pola dereita, durante unha das sesións de traballo |
 |
| Un momento da súa exposición |
O título do curso é “O sistema de avaliación
interna no modelo educativo de Estonia”. O profesorado seleccionado
procede dos seguintes estados: Alemaña, Francia, Bélxica, Italia,
Portugal, Reino Unido, Turquía, Rumanía, Eslovenia, Grecia, Holanda, e,
por suposto, España e Estonia, como anfitriona. Para Carlos, como
representante vianés, é un privilexio e un orgullo poder expor as nosas
experiencias en aspectos como atención á diversidade, desenvolvemento
dos contratos programa, e trataremos de insistir durante
estes días, na importancia innegociable de investir na educación
pública e profundizar na avaliación por competencias e no traballo
cooperativo, liñas de actuación que están a levar a cabo as nacións
punteiras e que acadan mellores resultados no informe PISA, otorgándolle
ao ensino un papel prioritario nas súas follas de ruta como sociedade.
Ningún comentario:
Publicar un comentario